ઓ બાપરે... 100 કરોડની લાંચ! તમિલનાડુના પૂર્વ શિક્ષણ મંત્રીની કયા કેસમાં ધરપકડ?

તમિલનાડુના ભૂતપૂર્વ શાળા શિક્ષણ મંત્રી મહેશ પોય્યામોઝીની તમિલનાડુ પોલીસ દ્વારા ધરપકડ કરવામાં આવી છે. આ કાર્યવાહી સેન્ટ્રલ ક્રાઈમ બ્રાન્ચ (CCB) દ્વારા કરવામાં આવી હતી. તેમના પર ખાનગી શાળાઓને માન્યતા અને અન્ય કાયદેસરની મંજૂરીઓ અપાવવાના નામે ₹100 કરોડના કૌભાંડમાં સંડોવાયેલા હોવાનો આરોપ છે. મદ્રાસ હાઈકોર્ટે તેમની આગોતરા જામીન અરજી ફગાવી દીધી હતી, ત્યારબાદ CCBની એક ટીમે અમીનજીકરાઈ (Aminjikarai) સ્થિત તેમના એપાર્ટમેન્ટ પર દરોડો પાડી તેમની ધરપકડ કરી હતી.

આ મામલો તમિલનાડુ ફેડરેશન ઓફ પ્રાઈવેટ સ્કૂલ એસોસિએશન્સના સચિવ ડી.સી. ઈલાંગોવન દ્વારા દાખલ કરવામાં આવેલી ફરિયાદ બાદ પ્રકાશમાં આવ્યો હતો. ફરિયાદમાં આરોપ લગાવવામાં આવ્યો છે કે બી.ટી. અરસકુમાર અને મુથુકુમાર જેઓ અનુક્રમે 'તમિલનાડુ પ્રાઈવેટ સ્કૂલ્સ એસોસિએશન'ના સ્થાપક પ્રમુખ અને ખજાનચી હોવાનો દાવો કરતા હતા. તેમણે ખાનગી શાળા સંચાલકો પાસેથી ₹100 કરોડથી વધુ રકમ પડાવી લીધી હતી.

DMK પક્ષના ફંડના નામે વસૂલાત

આરોપીઓએ કાયમી સરકારી માન્યતા, શાળાના અપગ્રેડેશન માટેની મંજૂરીઓ, ડાયરેક્ટોરેટ ઓફ ટાઉન એન્ડ કન્ટ્રી પ્લાનિંગ (DTCP) તરફથી મંજૂરીઓ અને અન્ય કાયદેસરના પરવાના અપાવવાનું વચન આપ્યું હતું. આ રકમ DMK પક્ષના ફંડમાં યોગદાન આપવાના બહાને એકત્ર કરવામાં આવી હતી. અરસકુમારે દાવો કર્યો હતો કે સરકારમાં તેની મજબૂત પહોંચ છે અને તેણે ખાનગી શાળાઓને ખાતરી આપી હતી કે તે જરૂરી મંજૂરીઓ અપાવી શકે છે.

=" target="_blank">

ભ્રષ્ટાચાર વિરોધી કાયદા હેઠળ કાર્યવાહી

જોકે, તેમણે ન તો પોતાના વચનો પૂરા કર્યા કે ન તો પૈસા પાછા આપ્યા. CCBએ શરૂઆતમાં 'પ્રિવેન્શન ઓફ કરપ્શન એક્ટ' (ભ્રષ્ટાચાર નિવારણ અધિનિયમ)ની કલમ 7 અને 12 હેઠળ અરસકુમાર વિરુદ્ધ કેસ નોંધ્યો હતો અને 27 જૂને તેની ધરપકડ કરી હતી. ત્યારબાદની તપાસમાં મહેશની ભૂમિકા તપાસવામાં આવી, જેઓ તે સમયે શાળા શિક્ષણ મંત્રી તરીકે ફરજ બજાવતા હતા.

16 સપ્ટેમ્બરના રોજ, CCBની ટીમોએ ચેન્નાઈ અને ત્રિચીમાં નવ સ્થળોએ દરોડા પાડ્યા હતા, જેમાં મહેશ સાથે સંકળાયેલા ચાર સ્થળોનો પણ સમાવેશ થાય છે. આ દરમિયાન અનેક દસ્તાવેજો પણ જપ્ત કરવામાં આવ્યા હતા. 29 સપ્ટેમ્બરના રોજ પણ આવી જ રીતે દરોડા પાડવામાં આવ્યા હતા. ત્યારબાદ, 1 ઓક્ટોબરના રોજ, ED (એન્ફોર્સમેન્ટ ડિરેક્ટોરેટ) એ આ કથિત કૌભાંડના સંબંધમાં 'પ્રિવેન્શન ઓફ મની લોન્ડરિંગ એક્ટ' (PMLA) હેઠળ કેસ નોંધ્યો હતો.

આ પણ વાંચો: It's Done Broooo! મોદી ક્યાંય નહીં જાય... BJPનો કોંગ્રેસ અધ્યક્ષને હટકે અંદાજમાં જવાબ