Ahmedabad:રાજ્યમાં ટ્રાન્સપોર્ટ પોર્ટલ બંધ રહેતા 13મીએ આખી રાત નવા વાહનોનું રજિસ્ટ્રેશન ચાલ્યું

રાજ્યના વાહનવ્યવહાર વિભાગના પોર્ટલમાં છેલ્લા બે દિવસથી નવા વાહનનો RTO ટેક્સ નહીં ભરાવવાના લીધે 15મી જાન્યુઆરથી વાહનની ડિલિવર અટકી જવાની વાહન ડિલરોમાં ચિંતા જોવા મળી હતી. વાહનવ્યવહાર વિભાગની ઘોર બેદરકારીના પાપે રાજ્યમાં 275 કરોડની કિંમતના 14000થી વધુ વાહનોની ડિલિવરી અટકવાનો અંદાજ હતો. પરંતુ 13મી જાન્યુઆરી સાંજે પોર્ટલ ફરી એક્ટિવ થતાં આખી રાત નવા વાહનના રજિસ્ટ્રેશની કામગીરી ચાલી હતી. જેના લીધે વાહન ડિલરોના કર્મચારીઓની ઉતરાયણમાં અવરોધ જોવા મળી રહ્યો હતો. વાહન ડીલરો પણ કંટાળી ગયા હતાં અને રજામાં બહારગામ જવાના કાર્યક્રમમાં ફેરફાર કરવો પડયો હતો.

રાજ્યમાં કમૂળતાના એક મહિના પછી ડિલિવરીના મુહૂર્ત સમયે ટ્રાન્સ્પોર્ટ વિભાગના પોર્ટલમાં છેલ્લા બે દિવસથી ખામી સર્જાઇ હોવા છતાં તંત્ર કુંભકરણની નિંદ્રામાં હોય તેવું લાગતું હતું. ઉતરાયણના પર્વના લીધે વાહન ડિલરો અને તેઓનો સ્ટાફ 13મી સાંજ સુધીમાં કામગીરી પૂરી કરીને વહેલા ઘરે જવાના મુડમાં હતાં. પરંતુ છેલ્લા બે દિવસથી બંધ પોર્ટલથી કર્મચારીઓની રજાના મૂડમાં પાણી ફરી વળ્યું હતું. 13મી જાન્યુઆરીના રોજ સાંજે પોર્ટલ શરૂ થતાં કર્મચારીઓ કામે લાગી ગયા હતાં. ઘણાં મોટા વાહન ડીલરોના ત્યાં આખી રાત રજિસ્ટ્રેશનથી લઇ ટેક્સ ભરવાની કામગીરી ચાલી હતી. જેના લીધે વાહન ડીલરો અને તેઓના સ્ટાફ પણ અકળાઇ ગયો હતો. વાહન ડીલરોએ કહ્યું કે, છેલ્લા બે દિવસથી વાહનવ્યવહારનું પોર્ટલ બંધ રહેતા RTO ટેક્સ ભરી શકાતો નથી. ટેક્સ નહીં ભરાવાના કારણે વાહન રજિસ્ટ્રેશન થતું નહતું, રેગ્યુલર નંબર પડી શકતો નહતો અને તેના લીધે HSRP પણ બની શક્તી નહતી. આવી સ્થિતિમાં સમયસર મુર્હતમાં ડિલિવરી કરવી અસંભવ હતું.

ગુજરાતના વધુ સમાચાર વાંચવા માટે ક્લિક કરો