calendar_todayFebruary 6, 2026
Ahmedabad News : કોમનવેલ્થ ગેમ્સ પહેલા શહેરના AQIમાં સુધારો કરાશે, જાણો AMC કેવી રીતે કરશે કામગીરી?
અમદાવાદમાં હવા પ્રદૂષણ મર્યાદા બહાર વધી રહ્યું છે. વાહનો અને બાંધકામ સાઈટોના કારણે એર પોલ્યુશનમાં વધારો થયો છે. શહેરના કેટલાક વિસ્તારોમાં એર ક્વોલિટી ઈન્ડેક્સ હાઈ લેવલ પર જોવા મળી રહ્યો છે. ત્યારે શહેરમાં AQI સુધારવા મહાનગર પાલિકા દ્વારા મથામણ શરૂ કરવામાં આવી છે. શહેરમાં 2030માં યોજાનાર કોમનવેલ્થ ગેમ્સ પહેલા એર ક્વોલિટી ઈન્ડેક્સ સુધારવા કામગીરી કરવામાં આવશે.
અમદાવાદમાં AQI સુધારવા AMCની મથામણ
અમદાવાદમાં એર ક્વોલિટી ઈન્ડેક્સ સુધારવા માટે મહાનગર પાલિકા દ્વારા મથામણ કરવામાં આવી છે. મ્યુનિસિપલ કમિશનરની અધ્યક્ષતામાં આઇઆઇટી કાનપુર સાથે એક બેઠક યોજાઈ હતી. આ બેઠકમાં શહેરનો AQI સુધારવા માટે ચર્ચાઓ કરવામાં આવી હતી. વર્ષ 2030માં યોજાનાર કોમનવેલ્થ ગેમ્સ પહેલા શહેરની એર ક્વોલિટી સુધારવા કામગીરી કરવામાં આવશે. AI અને Near Real Time મોનિટરિંગ સિસ્ટમનો ઉપયોગ થશે. અમદાવાદ શહેરના હોટ સ્પોટ ઓળખવામાં આવશે.મોનિટરિંગ ગ્રીડ, મોબાઈલ લેબનો ઉપયોગ કરાશે