Ambaji: યાત્રાધામ અંબાજી પાસે રાજસ્થાનની સરહદ છાપરી ચેકપોસ્ટ પર પોલીસ દ્વારા સઘન વાહન ચેકિંગ હાથ ધરાયું

યાત્રાધામ અંબાજી પાસે ગુજરાત-રાજસ્થાન સરહદની છાપરી બોર્ડર પર હથિયારધારી પોલીસની હાજરી વચ્ચે સઘન વાહન તપાસ ઝુંબેશ હાથ ધરવામાં આવી રહી છે. રાજસ્થાન તરફ્થી ગુજરાતમાં પ્રવેશતી ખાનગી લક્ઝરી બસો, ગુજરાત એસ.ટી. નિગમની બસો, રાજસ્થાન પરિવહન નિગમની બસો સહિત અન્ય ખાનગી વાહનોની રાઉન્ડ ધ ક્લોક તપાસ કરવામાં આવી રહી છે. વાહનોની ડિક્કી તેમજ મુસાફ્રોના સામાનની પણ પોલીસ દ્વારા તપાસ હાથ ધરવામાં આવી રહી છે. રાજ્યમાં દારૂની હેરાફેરી તેમજ અન્ય ગેરકાયદેસર પ્રવૃત્તિઓ પર અંકુશ લાવવા માટે બોર્ડર પર પોલીસ દ્વારા ખાસ તકેદારી રાખવામાં આવી રહી છે. દરેક શંકાસ્પદ વાહન પર નજર રાખી જરૂરી તપાસ કરવામાં આવી રહી છે. ભાવનગર જિલ્લા ગ્રામ્યમાં ચકચારી લઠ્ઠાકાંડની ઘટનાને પગલે બનાસકાંઠા જિલ્લામાં પોલીસ તંત્ર દ્વારા ગુજરાતમાં ગેરકાયદેસર દારૂની હેરાફેરી અટકાવવા સરહદી વિસ્તારોમાં સતર્કતા વધારવામાં આવી છે, ત્યારે છાપરી બોર્ડર પર પણ સઘન ચેકિંગ કરવામાં આવી રહ્યું છે. રવિવારે પોલીસના ચેકીંગ દરમિયાન વાહનોની લાંબી કતારો લાગી હતી. 

ગુજરાતના વધુ સમાચાર વાંચવા માટે ક્લિક કરો