Ankleshwar: સવાણી સ્કૂલમાં કાર્નિવલ યોજાયો

અંકલેશ્વર : પી. પી. સવાણી સ્કૂલ, દ્વારા આયોજિત કાર્નિવલ જંગલ સફારીની આકર્ષક થીમ સાથે યોજાયો હતો. આ રંગબેરંગી આયોજનમાં પી. પી. સવાણી ગ્રુપની ત્રણેય શાળાઓએ ઉત્સાહપૂર્વક ભાગ લીધો હતો. મોટી સંખ્યામાં ઉપસ્થિત વાલીઓ, વિદ્યાર્થીઓ અને મહેમાનોએ આ ઉત્સવને યાદગાર બનાવ્યો હતો. કાર્નિવલમાં જંગલ સફારીની થીમને અનુરૂપ આકર્ષક સજાવટ, વિવિધ કાર્ટૂન પાત્રો અને મનમોહક માહોલે ખાસ કરીને બાળકોમાં અનેરો ઉત્સાહ જગાવ્યો હતો. આ ઉપરાંત, આર્ટ એક્ઝિબિશન, ફૂડ ઝોન અને ગેમ ઝોન જેવા વિવિધ આકર્ષણોએ સૌનું ધ્યાન ખેંચ્યું હતું. આર્ટ એક્ઝિબિશનમાં વિદ્યાર્થીઓની સર્જનાત્મકતા અને કલાત્મક પ્રતિભાની સુંદર ઝલક જોવા મળી હતી, જ્યારે ફૂડ અને ગેમ ઝોને સ્વાદ તથા મનોરંજનનો અનોખો અનુભવ કરાવ્યો હતો.

ગુજરાતના વધુ સમાચાર વાંચવા માટે ક્લિક કરો