BJP યુવા મોરચાની નવી ટીમ જાહેર, ગુજરાતના ધ્રુવ પંડિતને મળી મોટી જવાબદારી!

ભાજપે ભારતીય જનતા યુવા મોરચાની નવી રાષ્ટ્રીય ટીમ જાહેર કરી છે. આ ટીમમાં ઉત્તર પ્રદેશના નીખિલ મણિ તિવારીને રાષ્ટ્રીય ઉપાધ્યક્ષ બનાવવામાં આવ્યા છે. તેમની સાથે અન્ય રાજ્યોના નેતાઓને પણ રાષ્ટ્રીય સ્તરે મહત્વની જવાબદારીઓ સોંપવામાં આવી છે. નવી ટીમમાં ઉપાધ્યક્ષ, મહામંત્રી, સચિવ અને સંગઠનના અન્ય પદો પર નિમણૂકો કરવામાં આવી છે.

ગુજરાતના ધ્રુવ પંડિતને કેન્દ્રીય કાર્યાલય પ્રભારીની જવાબદારી

ભાજપ યુવા મોરચાની નવી ટીમમાં ગુજરાતના ધ્રુવ પંડિતને કેન્દ્રીય કાર્યાલય પ્રભારી બનાવવામાં આવ્યા છે. તેમની સાથે દિલ્હીના મોહિત સોનીને સહ-પ્રભારીની જવાબદારી સોંપવામાં આવી છે. આ ઉપરાંત, નીતિ અને સંશોધન વિભાગમાં તેલંગાણાના અખિલા બંડમને પ્રભારી બનાવવામાં આવ્યા છે, જ્યારે ગુજરાતના રંગમ ત્રિવેદીને સહ-પ્રભારીની જવાબદારી મળી છે. આમ, નવી રાષ્ટ્રીય ટીમમાં ગુજરાતના ધ્રુવ પંડિત અને રંગમ ત્રિવેદીને પણ મહત્વની જવાબદારી સોંપવામાં આવી છે.

7 નેતાઓ રાષ્ટ્રીય ઉપાધ્યક્ષ બન્યા

ભાજપ યુવા મોરચાની નવી ટીમમાં કુલ 7 નેતાઓને રાષ્ટ્રીય ઉપાધ્યક્ષ બનાવવામાં આવ્યા છે. તેમાં શગુન પરિહાર, નીખિલ મણિ તિવારી, અરવિંદ દામાણી, માલોથ કોમલી નાયક, રાજ રાજેન્દ્ર સિંહ, સૌમેન કર્ફા અને ભૂપેન્દ્ર નાગનો સમાવેશ થાય છે. આ નિમણૂકો દ્વારા અલગ-અલગ રાજ્યોના નેતાઓને રાષ્ટ્રીય સંગઠનમાં સ્થાન આપવામાં આવ્યું છે.

3 નેતાઓને રાષ્ટ્રીય મહામંત્રી બનાવાયા

નવી ટીમમાં અર્પિતા અપરાજિતા બડજેનાને, હર્ષવર્ધન સિંહ અને મિટ્ટા વંશી કૃષ્ણને રાષ્ટ્રીય મહામંત્રીની જવાબદારી સોંપવામાં આવી છે. આ ઉપરાંત, બિસ્વજીત ખાઉંડ, આશિષ ઝાલા, સાયલી રઘુનાથ કુલકર્ણી, હિમાંશુ શર્મા, સરદાર અરમાનજોત બ્રાર, અમન યાદવ અને રાહુલ ઝાને રાષ્ટ્રીય સચિવ બનાવવામાં આવ્યા છે.

નવી ટીમમાં સંગઠનની જવાબદારીઓની પણ વહેંચણી

યુવા મોરચાની નવી ટીમમાં રાષ્ટ્રીય પદાધિકારીઓ ઉપરાંત નાણાકીય અને સંગઠન સંબંધિત જવાબદારીઓની પણ વહેંચણી કરવામાં આવી છે. આ નિમણૂકોનો હેતુ યુવા મોરચાના રાષ્ટ્રીય સંગઠનને વધુ મજબૂત બનાવવાનો છે. નવી ટીમમાં અલગ-અલગ રાજ્યોના નેતાઓને સ્થાન આપીને સંગઠનનું કામ આગળ વધારવાની જવાબદારી સોંપવામાં આવી છે.

આ પણ વાંચો: Rajnath Singhએ ઇશાક ડાર સામે આતંકવાદ પર શું કહ્યું? SCOની બેઠકમાં ભારતનો સ્પષ્ટ સંદેશ