BRICS સમિટ પૂર્ણ થતાં કિરણ રિજિજુએ શેર કર્યો ખાસ વીડિયો

BRICS Summit 2026: નવી દિલ્હીમાં ભારતની અધ્યક્ષતામાં યોજાયેલ BRICSનું 18મું શિખર સંમેલન પૂર્ણ થઈ ગયું છે. 11થી 13 સપ્ટેમ્બર દરમિયાન ભારત મંડપમ ખાતે યોજાયેલું આ સંમેલન અનેક રીતે ખાસ રહ્યું હતું. આ દરમિયાન કેન્દ્રીય સંસદીય કાર્યમંત્રી કિરણ રિજિજુએ સોશિયલ મીડિયા પ્લેટફોર્મ X પર એક વીડિયો પોસ્ટ કર્યો હતો.

કિરણ રિજિજુએ વીડિયો પોસ્ટ કર્યો

કેન્દ્રીય સંસદીય કાર્યમંત્રી કિરણ રિજિજુએ X પર વીડિયો પોસ્ટ કરીને લખ્યું, “Hello India! ભારત સાથે જોડાઈ રહી છે દુનિયા.” તેમણે આગળ લખ્યું કે ઉઝબેકિસ્તાનથી દક્ષિણ આફ્રિકા અને બેલારુસથી વિયેતનામ અને યુગાન્ડા સુધી દરેક જગ્યાએ ભારત પ્રત્યેનો પ્રેમ અને સન્માન જોવા મળ્યું. નવી દિલ્હીમાં BRICSના મંચ પર વિવિધ દેશો સાથે ‘વસુધૈવ કુટુંબકમ્’ની ભાવનાની સુંદર ઝલક જોવા મળી.

વિદેશ મંત્રીએ સંમેલનને સફળ ગણાવ્યું

આ પહેલાં વિદેશ મંત્રી ડૉ. એસ. જયશંકરે સોમવારે કહ્યું હતું કે દુનિયામાં ચાલી રહેલા મતભેદો વચ્ચે BRICS શિખર સંમેલનમાં એક સામાન્ય સહમતિ બનાવવામાં આવી. તેમણે ભારતની અધ્યક્ષતામાં યોજાયેલા આ શિખર સંમેલનને સફળ ગણાવ્યું.

મતભેદો વચ્ચે સહમતિ બનાવવામાં આવી

જયશંકરે કહ્યું કે BRICS શિખર સંમેલન એવા સમયે યોજાયું જ્યારે દુનિયા ખૂબ જ વિભાજિત છે. દુનિયામાં બે મોટા સંઘર્ષ ચાલી રહ્યા છે અને દેશો વચ્ચે ઘણા મતભેદો છે. લોકોના વિચારો અને હિતો પણ અલગ-અલગ અને મજબૂત છે. આટલા મતભેદો છતાં BRICSમાં એક સામાન્ય સહમતિ બનાવવામાં સફળતા મળી.

 શાંતિ અને સુરક્ષા પર ભાર

તેમણે કહ્યું કે આ નિવેદનમાં શાંતિ, સુરક્ષા અને સ્થિરતા જાળવવાની વાત કરવામાં આવી છે. સાથે જ લાંબા સમય સુધી પરસ્પર સમજણ, વૈશ્વિક વેપાર, સપ્લાય ચેઇન અને ઊર્જાની સરળ અવરજવર ચાલુ રહે તે માટે પણ ભાર મૂકવામાં આવ્યો છે. આ ઉપરાંત સામાન્ય નાગરિકો અને નાગરિક માળખાની સુરક્ષા સુનિશ્ચિત કરવાની અપીલ કરવામાં આવી છે.

આ પણ વાંચો: બ્રિક્સ સમિટમાં પીએમ મોદીની 'કૂટનીતિક તાકાત', 3 દિવસમાં યોજાઇ 15 બેઠક