Chhattisgarh Accident: કાંકેરમાં માર્ગ અકસ્માતમાં 6ના મોત, 3 લોકો ઇજાગ્રસ્ત

છત્તીસગઢના કાંકેર જિલ્લામાં એક મોટો માર્ગ અકસ્માત થયો. આ અકસ્માતમાં છ લોકોના મોત થયા, જ્યારે ત્રણ લોકો ઘાયલ થયા. પોલીસ અધિકારીઓએ જણાવ્યું કે આ અકસ્માત જિલ્લાના કોતવાલી પોલીસ સ્ટેશનના હદમાં આવેલા નાથિયા નવાગાંવ નજીક થયો હતો, જ્યાં બે કાર વચ્ચે સામસામે ટક્કર થતાં એક જ પરિવારના છ સભ્યોના મોત થયા હતા અને ત્રણ અન્ય ગંભીર રીતે ઘાયલ થયા હતા.

લગ્ન સમારોહમાંથી પરત ફરી રહ્યા હતા 

મીડિયા રિપોર્ટ્સ અનુસાર, આ તમામ લગ્ન સમારોહમાં હાજરી આપીને તેમના ગામ પરત ફરી રહ્યું હતું. મુસાફરી દરમિયાન નાથિયા નવાગાંવ નજીક, તેમની કાર વિરુદ્ધ દિશામાંથી આવી રહેલા બીજા વાહન સાથે સામસામે અથડાઈ. ટક્કરની અસર એટલી ગંભીર હતી કે એક જ પરિવારના 6 સભ્યોના ઘટનાસ્થળે જ મોત થયા, જ્યારે ત્રણ અન્ય લોકોને ગંભીર ઈજાઓ પહોંચી.

પોલીસે હાથ ધરી તપાસ 

ઘટનાની માહિતી મળતાં પોલીસ તાત્કાલિક ઘટનાસ્થળે દોડી ગઈ. ઘાયલોને તાત્કાલિક હોસ્પિટલમાં ખસેડવામાં આવ્યા. જ્યાં તેઓ હાલમાં સારવાર હેઠળ છે. દરમિયાન, ઘટનાની જાણ થતાં જ પોલીસ અધિક્ષક (એસપી) પણ પરિસ્થિતિનું મૂલ્યાંકન કરવા માટે અકસ્માત સ્થળે પહોંચ્યા. એવું જાણવા મળ્યું છે કે તમામ મૃતદેહોને પોસ્ટમોર્ટમ માટે શબઘરમાં જમા કરાવવામાં આવ્યા છે.