calendar_todayMay 4, 2026
DA Hike: સરકારી કર્મચારીઓ માટે મોટા સમાચાર, રાજ્ય સરકારે મોંઘવારી ભથ્થામાં કર્યો વધારો
ગુજરાત રાજ્યના સરકારી કર્મચારીઓ અને પેન્શનરો માટે રાજ્ય સરકાર દ્વારા મોટી જાહેરાત કરવામાં આવી છે. નાણા વિભાગ દ્વારા લેવામાં આવેલા મહત્વના નિર્ણય મુજબ, કર્મચારીઓના મોંઘવારી ભથ્થા (DA) માં 2 ટકાનો વધારો કરવામાં આવ્યો છે. સરકારના આ નિર્ણયથી લાખો કર્મચારીઓમાં ખુશીનો માહોલ છવાયો છે.
ક્યારથી મળશે લાભ?
આ વધારાનો લાભ કર્મચારીઓને 1 જાન્યુઆરી, 2026 ની અસરથી મળવાપાત્ર થશે. આ વધારા સાથે હવે રાજ્ય સરકારના કર્મચારીઓનું મોંઘવારી ભથ્થું 58 ટકાથી વધીને 60 ટકા એ પહોંચી ગયું છે. જાન્યુઆરીથી મે માસ સુધીની તફાવતની રકમ (Arrears) કર્મચારીઓને જૂન માસના પગારની સાથે જ ચૂકવી દેવામાં આવશે.
નાણા વિભાગનો ઠરાવ
મોંઘવારીના આ યુગમાં કર્મચારીઓને આર્થિક રાહત આપવા માટે નાણા વિભાગે સત્તાવાર ઠરાવ પ્રસિદ્ધ કર્યો છે. આ નિર્ણયનો લાભ રાજ્ય સરકારના તમામ સંવર્ગના કર્મચારીઓ તેમજ પેન્શનરોને મળશે. જૂન મહિનામાં પગારની સાથે એરિયર્સની રકમ આવવાની હોવાથી કર્મચારી આલમમાં સરકારના આ નિર્ણયને ઉમળકાભેર વધાવવામાં આવ્યો છે.
