Dhandhuka : પાલિકાની સામાન્ય સભામાં રૂ. 12 કરોડના વિકાસ કામોને સર્વાનુમતે મંજૂરી

ધંધુકા નગરપાલિકાની સામાન્ય સભાની બેઠક નગરપાલિકાના સભાખંડ ખાતે પ્રમુખ પારુલબેન આદેશરાના અધ્યક્ષસ્થાને યોજાઈ હતી. બેઠકમાં નગરપાલિકાના ચીફ્ ઓફ્સિર રાજુભાઈ શેખ સહિત વિવિધ શાખાના અધિકારીઓ તેમજ નગરપાલિકાના સદસ્યો ઉપસ્થિત રહ્યા હતા.

સામાન્ય સભામાં આશરે 12 જેટલા એજન્ડા પર ચર્ચા-વિચારણા કરવામાં આવી હતી. જેમાં ધંધુકા નગરપાલિકાના સાતેય વોર્ડમાં પીવાના પાણી, રોડ-રસ્તા, સફાઈ, સ્ટ્રીટલાઈટ સહિતની વિવિધ પ્રાથમિક સુવિધાઓને લગતા અંદાજિત રૂ. 12 કરોડના વિકાસલક્ષી કામોને સર્વાનુમતે બહાલી આપવામાં આવી હતી.

બેઠક દરમિયાન રજૂ થયેલા એજન્ડા પર સદસ્યો દ્વારા ચર્ચા કર્યા બાદ તમામ કામગીરી વિના વિરોધે પૂર્ણ કરવામાં આવી હતી. નગરના વિવિધ વિસ્તારોમાં પ્રાથમિક સુવિધાઓ વધુ સુદૃઢ બને અને નાગરિકોને સુવિધા મળી રહે તે દિશામાં કામગીરીને મહત્વ આપવામાં આવ્યું હતું.

બેઠકના અંતે નગરપાલિકા સદસ્યો દ્વારા સ્વચ્છતા મુદ્દે ખાસ ભાર મૂકવામાં આવ્યો હતો. ધંધુકા શહેરને વધુ સ્વચ્છ અને સુંદર બનાવવા માટે નગરપાલિકા સાથે નાગરિકો અને સદસ્યો સૌએ સહિયારા પ્રયાસો કરવા જરૂરી હોવાનું સભ્યો દ્વારા વ્યક્તકરવામાં આવ્યું હતું.

ગુજરાતના વધુ સમાચાર વાંચવા માટે ક્લિક કરો