Dollar VS Rupees: RBIની રેપો રેટની જાહેરાત પહેલા જ રૂપિયો મજબૂત

RBIની નાણાકીય નીતિ સમિતિ દ્વારા રેપો રેટ યથાવત રાખવા અને સકારાત્મક વૃદ્ધિનું વલણ જાળવવાના નિર્ણયની અસર શુક્રવારે રૂપિયા પર પણ જોવા મળી. અઠવાડિયાના છેલ્લા ટ્રેડિંગ દિવસની શરૂઆતમાં ભારતીય રૂપિયો ડોલર સામે 11 પૈસા મજબૂત થઈને 90.23 પર પહોંચ્યો. રોકાણકારોનો નીતિગત દૃષ્ટિકોણમાં વિશ્વાસ જળવાઈ રહ્યો જેના કારણે શરૂઆતના ટ્રેડિંગમાં રૂપિયાને ટેકો મળ્યો.

રૂપિયામાં વધારો કેમ?

જોકે ફોરેક્સ વેપારીઓના મતે, વિદેશી રોકાણકારોના સતત બહાર નીકળવા, ક્રૂડ ઓઇલના ભાવમાં વધારો અને યુએસ ડોલરમાં થોડી મજબૂતાઈએ રૂપિયાના ફાયદાને મર્યાદિત કર્યા. ઇન્ટરબેંક ફોરેન એક્સચેન્જ માર્કેટમાં રૂપિયો 90.28 પર ખુલ્યો અને ટ્રેડિંગ દરમિયાન ડોલર દીઠ 90.23 પર મજબૂત થયો જે તેના અગાઉના બંધ કરતા 11 પૈસાનો વધારો દર્શાવે છે. એક દિવસ પહેલા ગુરુવારે, રૂપિયો પણ 13 પૈસા વધીને 90.34 પર બંધ થયો હતો.

શરૂઆતના કારોબારમાં સ્થાનિક શેરબજારોમાં દબાણ જોવા મળ્યું, જેમાં સેન્સેક્સ 225.15 પોઈન્ટ ઘટીને 83,088.78 અને નિફ્ટી 89.25 પોઈન્ટ ઘટીને 25,553.55 પર બંધ રહ્યો. આંતરરાષ્ટ્રીય સ્તરે, બ્રેન્ટ ક્રૂડ ઓઈલ 0.33 ટકા વધીને $67.77 પ્રતિ બેરલ પર પહોંચ્યું. શેરબજારના ડેટા અનુસાર, વિદેશી સંસ્થાકીય રોકાણકારો (FII) ગુરુવારે વેચવાલ રહ્યા હતા, તેમણે ₹2,150.51 કરોડના શેર વેચ્યા હતા.

નિષ્ણાતો શું કહી રહ્યા છે?

વેપાર કરારની આસપાસ ઊંચી અપેક્ષાઓ હોવા છતાં, વિદેશી વિનિમય બજાર હવે ઉત્સાહ કરતાં વધુ સાવધાની દર્શાવી રહ્યું છે. ફોરેક્સ વેપારીઓ કહે છે કે રોકાણકારો હાલમાં ઉજવણી કરતાં તથ્યો અને પુષ્ટિ પર ધ્યાન કેન્દ્રિત કરી રહ્યા છે, કારણ કે હજુ સુધી કોઈ સત્તાવાર દસ્તાવેજો બહાર પાડવામાં આવ્યા નથી, ન તો બંને દેશ દ્વારા અંતિમ શરતો ઔપચારિક રીતે જાહેર કરવામાં આવી છે.

વધુમાં બજાર શુક્રવારે ભારતીય રિઝર્વ બેંક (RBI) ની વ્યાજ દરની જાહેરાત પર પણ નજીકથી નજર રાખી રહ્યું છે, જે વધુ માર્ગદર્શન આપી શકે છે.

એક નિષ્ણાંતના જણાવ્યાનુંસાર  ભારત-અમેરિકા વેપાર સોદાની અપેક્ષાઓ વચ્ચે રૂપિયો સકારાત્મક રીતે વેપાર કરી શકે છે. જોકે, તેમણે ચેતવણી આપી હતી કે સ્થાનિક શેરબજારમાં નબળાઈ અને યુએસ ડોલર મજબૂત થવાથી રૂપિયાના ફાયદા મર્યાદિત થઈ શકે છે.

ચૌધરીએ એમ પણ કહ્યું હતું કે ક્રૂડ ઓઇલના ઊંચા ભાવ અને યુએસ અને ઈરાન વચ્ચે વધતા તણાવ રૂપિયા પર ઉપર તરફ દબાણ બનાવી શકે છે. તેથી, રોકાણકારો RBIના નાણાકીય નીતિ સંકેતો પર નજીકથી નજર રાખી રહ્યા છે.

Gold Price Today: સોના ચાંદીના ભાવ ધડામ, જાણો આજે કેટલુ સસ્તુ થયું ?