Gandhinagar : રાજ્યની 40 ITIને EV કારનું CM ભૂપેન્દ્ર પટેલના હસ્તે વિતરણ

ગુજરાતના મુખ્યમંત્રી ભુપેન્દ્ર પટેલે રાજ્યના વિકાસ કાર્યક્રમોના ભાગરૂપે અનેક નવી યોજનાઓનું લોકાર્પણ કર્યું. મુખ્યમંત્રીના હસ્તે રાજ્યની 40 ITI સંસ્થાઓને ઈલેક્ટ્રિક કારનું વિતરણ કરવામાં આવ્યું, જે વિદ્યાર્થીઓને તાલીમ દરમિયાન વ્યવસાયિક અને ટેક્નોલોજીકલ અનુભવ મેળવવામાં મદદરૂપ થશે.

મેડિકલ વાનમાં 20 પ્રકારના ટેસ્ટ થશે

આ ઉપરાંત 50 ધન્વંતરી રથને લીલી ઝંડી આપી રવાના કરાઈ. આ કાર્યક્રમમાં મુખ્યમંત્રી હાજર રહ્યા. આ ધન્વંતરી રથ રાજ્યના ગ્રામ્ય અને પર્વતીય વિસ્તારોમાં આરોગ્ય સેવાઓ પહોંચાડશે. રાજ્યમાં 56 મોબાઈલ મેડિકલ વાન પણ લોકો માટે ઉપલબ્ધ કરવામાં આવી છે, જેમાં પ્રત્યેક વાનમાં 20 પ્રકારના તબીબી પરીક્ષણની સુવિધા ઉપલબ્ધ રહેશે. આ મેડિકલ વાનના મારફતે ગ્રામ્ય વિસ્તારોમાં સ્વાસ્થ્ય તપાસ અને સારવાર સરળ બનશે. ડોક્ટર ટીમ દરરોજ લોકોની સ્વાસ્થ્ય ચકાસણી કરશે અને જરૂરી સારવાર માટે માર્ગદર્શન આપશે.

શ્રમયોગીઓ માટે નવી વ્યવસ્થા ઉપલબ્ધ

આ નવી વ્યવસ્થાઓથી શ્રમયોગીઓ અને વિદ્યાર્થીઓને લાભ મળશે અને ટેકનોલોજી, આરોગ્ય અને વ્યવસાયિક તાલીમમાં સુધારો થશે. રાજ્ય સરકારનું ઉદ્દેશ્ય છે કે નાગરિકોને આધુનિક સુવિધાઓ અને આરોગ્ય સેવાઓ સરળતાથી ઉપલબ્ધ કરાવી શકાય. રાજ્યના વિકાસ અને નવીન યોજના અમલમાં લાવવાના દિશામાં આ કાર્યક્રમો મહત્વપૂર્ણ પગલાં સાબિત થશે અને આર્થિક તેમજ સામાજિક વિકાસને પણ પ્રોત્સાહન મળશે.

આ પણ વાંચો: Mahesana News: ઉણાદમાં વીજ તણખલાએ વેર્યો વિનાશ, ખેડૂતનો અડધા ખેતરમાં ઘઉંનો પાક બળીને રાખ