Gandhinagar : ગાંધીનગરે વટ પાડી દીધો...GMCની જીત માટે ઉપમુખ્યમંત્રીએ જનતાનો આભાર માન્યો

નવરાત્રીના પર્વને લઈને ગઈકાલે રાત્રે નાયબ મુખ્યમંત્રી હર્ષ સંઘવી સેક્ટર-11 સ્થિત કેસરિયા ગરબા ગ્રાઉન્ડ ખાતે પહોંચ્યા હતા. ગરબાના મંચ ઉપરથી હર્ષ સંઘવીએ ખેલૈયાઓનો ઉત્સાહ વધારતાં કહ્યું હતું કે, આજે હું બે હાથ જોડીને ગાંધીનગરની જનતાનો આભાર માનવા આવ્યો છું. ગાંધીનગરે આજે વટ પાડી દીધો...તમારા આ એક-એક મત સામે અમારી આખી ટીમ ગયા પાંચ વર્ષ કરતાં પણ એકસો ગણુ વધારે કામગીરી કરવા કટીબદ્ધ છે તેવી મંચ પરથી ખાતરી આપી હતી. ખેલૈયાઓ સાથે વાત કરતાં નાયબ મુખ્યમંત્રીએ અંબે માતાજીનો જય-જયકાર પણ બોલાવ્યો હતો. તેઓની આ મુલાકાત સમયે મંત્રી સંજયસિંહ મહિડા પણ જોડાયા હતા. ગાંધીનગર કોર્પોરેશનની ચૂંટણી જીત્યાની ખુશી તેમના ચહેરા પર ઝળકતી હતી.

ગુજરાતના વધુ સમાચાર વાંચવા માટે ક્લિક કરો