Jaipur Car Accident : થાર કારે સર્જયો મોટો અકસ્માત, 2 લોકોના ઘટનાસ્થળે જ મોત

રાજસ્થાનની રાજધાની જયપુરના રસ્તાઓ પર એક ફુલ સ્પીડમાં આવતી થાર કારે મોટો માર્ગ અકસ્માત સર્જ્યો છે. જયંતિ માર્કેટના ચોક પાસે કાર ચાલકે મોટરસાઈકલ ચલાવતા એક યુવાનને ટક્કર મારી છે. ત્યારબાદ બાઈક પર સવાર બંને યુવકોનું ઘટનાસ્થળે જ મોત નીપજ્યું છે. આ સાથે જ કારે રોડ પર ચાલી રહેલી એક યુવતીને પણ કચડી નાખી છે. જેના કારણે યુવતી ગંભીર રીતે ઘાયલ થઈ ગઈ છે.

થાર કારને પોલીસે કબજે કરી લીધી

થાર કાર ચાલક અકસ્માત સર્જીને ઘટનાસ્થળેથી ફરાર થઈ ગયો છે. પોલીસ ઘટના સ્થળે પહોંચી છે અને હાલમાં કાર્યવાહી કરીને વાહનને કબજે કરી લીધું છે અને ફરાર વાહન ચાલકની શોધખોળ શરૂ કરી દીધી છે. શનિવારે બપોરે લગભગ 12:45 વાગ્યે જયંતિ માર્કેટના ચાર રસ્તા પાસે આ અકસ્માત સર્જાયો હતો. બાઈક સવાર ફૈઝાન (27) અને કુલસુમ (19) જયંતિ માર્કેટથી ચાર રસ્તા તરફ જઈ રહ્યા હતા. ઓવરસ્પીડિંગ થાર કારના ચાલકે પહેલા બાઈકને ટક્કર મારી અને પછી એક યુવતીને ટક્કર મારી દીધી.

અકસ્માત બાદ ડ્રાઈવર થાર કાર છોડીને ભાગી ગયો છે. લોકોએ ખૂબ જ પ્રયાસો પછી થાર કાર નીચે ફસાયેલા યુવાનને બહાર કાઢ્યો છે. જાલુપુરા પોલીસ સ્ટેશન અને અકસ્માત પોલીસ સ્ટેશનની પોલીસ ઘટનાસ્થળે પહોંચી અને કાયદેસરની કાર્યવાહી હાથ ધરી છે.

કાર ચાલકે કાબુ ગુમાવતા આગળ એક મોટરસાઈકલ ચાલકને ટક્કર મારી

અકસ્માતમાં મૃત્યુ પામેલો યુવાન ભાડાના મકાનમાં રહેતો હતો અને ખાનગી નોકરી કરતો હતો. કુલસુમ નામની યુવતી કોલેજનું ફોર્મ ભરીને ઘરે પરત ફરી રહી હતી. રસ્તા પર ચાલી રહી હતી ત્યારે તેને એક ફુલ સ્પીડમાં આવતી થાર કારે ટક્કર મારી છે, જેના કારણે તે ગંભીર રીતે ઘાયલ થઈ હતી. મહિલાને ટક્કર માર્યા પછી, થાર ચાલક ગભરાઈ ગયો અને કાબુ ગુમાવતા આગળ એક મોટરસાઈકલ ચાલકને ટક્કર મારી. જલુપુરા પોલીસ સ્ટેશનના ઈન્ચાર્જે અકસ્માત અંગે માહિતી આપતા જણાવ્યું હતું કે આરોપી યુવકની ઓળખ થઈ ગઈ છે. તેણે થાર કાર ભાડે રાખી હતી. જયંતિ બજાર તરફ જતી વખતે આ અકસ્માત થયો હતો.

આ પણ વાંચો : ICGએ બાંગ્લાદેશથી ભારત આવી રહેલી સોપારીની દાણચોરી કરતી માછીમારી બોટને ઝડપી