Kheda: MLA દ્વારા સતત 164મા સમૂહ લગ્નનું આયોજન

યાત્રાધામ ડાકોરમાં ક્ષત્રિય સમાજનો 33મો સમૂહ લગ્નોત્સવ યોજાયો હતો. આ સમૂહ લગ્નની વિશેષતા એ હતી કે, ઠાસરાના ધારાસભ્ય યોગેન્દ્રસિંહ પરમાર દ્વારા તેનું આયોજન કરવામાં આવ્યું હતું. શ્રી રામ ફાઉન્ડેશન દ્વારા યોજાયેલા સમૂહ લગ્નોત્સવમાં 159 યુગલોએ પ્રભુતામાં પગલાં પાડયા હતા અને દાંપત્યજીવનની શરુઆત કરી હતી. સમૂહ લગ્નોત્સવના વર-વધૂનું કન્યાદાન ધારાસભ્ય દ્વારા કરવામાં આવ્યું હતું. અત્રે ઉલ્લેખનીય છે કે, અમૂલ ડેરીના પૂર્વ ચેરમેન રામસિંહ પરમાર તેમજ તેમના ધારાસભ્ય પૂત્ર યોગેન્દ્રસિંહ પરમાર દ્વારા વર્ષ-1993થી સમૂહ લગ્નનું આયોજન કરવામાં આવે છે. વર્ષ-1993માં માત્ર 15 યુગલોથી સમૂહ લગ્નની શરુઆત થઈ હતી. અત્યાર સુધી 164 સમૂહ લગ્નનું સફળ આયોજન કરવા સાથે 1,800 કન્યાના લગ્ન કરાવી ચૂક્યા છે.આજે યોજાયેલા સમૂહ લગ્નમાં નવદંપતીઓને આશીર્વાદ આપવા માટે ડાકોર સંત દાદુરામ મહારાજ કિરણ રામ મહારાજ અને મહિપતસિંહ ચૌહાણ હાજર રહ્યા હતા.

ગુજરાતના વધુ સમાચાર વાંચવા માટે ક્લિક કરો