LPG Crisis: ભારતનો પ્લાન-B તૈયાર, LPGના પ્રોડક્શનમાં 10%નો કર્યો વધારો

ભારતમાં પણ તેનો સ્પષ્ટ અસર જોવા મળી રહી છે અને ખાસ કરીને એલપીજીને લઈને સંકટ (LPG Crisis In India) વધ્યું છે.જોકે આવી સ્થિતિમાં સરકાર તરત જ એક્શન મોડમાં આવી ગઈ છે અને મોટા નિર્ણય લીધા છે. દેશમાં ઘરેલુ એલપીજી ઉત્પાદન વધારવાના આદેશ આપવામાં આવ્યા છે અને મોદી સરકારનો પ્લાન-બી પણ અમલમાં આવી ગયો છે.

ઓસ્ટ્રેલિયા થી લઈને કેનેડા સહિત અન્ય દેશોમાંથી LNG-LPGની વધારાની સપ્લાય 

સરકારી અધિકારીઓના જણાવ્યા અનુસાર અલ્જીરિયા, ઓસ્ટ્રેલિયા થી લઈને કેનેડા સહિત અન્ય દેશોમાંથી LNG-LPGની વધારાની સપ્લાય ભારત આવવા લાગી છે.

સંકટ વચ્ચે ઉત્પાદન વધારાયું

અમેરિકા-ઇઝરાયલ અને ઈરાન વચ્ચેના યુદ્ધને કારણે વૈશ્વિક તણાવ ચરમસીમાએ પહોંચી ગયો છે અને તેની અસર સામાન્ય લોકોને પણ અનુભવાઈ રહી છે. એનર્જી સપ્લાયમાં વિક્ષેપ આવતાં એલપીજી અને તેલનું સંકટ વધુ ગંભીર બન્યું છે. ભારતમાં LPG સંકટ વચ્ચે સરકારે કોમર્શિયલ LPGના ઉપયોગ પર કડકાઈ દાખવી છે અને ઘરેલુ ઉપયોગ માટે પૂરતી ગેસ સપ્લાય સુનિશ્ચિત કરવા પગલાં લીધા છે.

બિઝનેસ ટુડેની રિપોર્ટ મુજબ ટોચના સરકારી અધિકારીઓના જણાવ્યા પ્રમાણે કોમર્શિયલ LPGની અછતને લઈને વધી રહેલી ચિંતાઓ વચ્ચે IOCL, BPCL અને HPCL જેવી ભારતીય રિફાઈનરીઓએ ઘરેલુ એલપીજી ઉત્પાદન અંદાજે 10% વધાર્યું છે.

Plan-B કેવી રીતે કામ કરી રહ્યું છે

એલપીજી સંકટમાંથી બહાર આવવા માટે મોદી સરકારના પ્લાન-બી હેઠળ ઘરેલુ ઉત્પાદન વધારવાની સાથે સાથે અન્ય દેશોમાંથી LNG-LPGનો વધારાનો સ્ટોક પણ ભારત પહોંચવા લાગ્યો છે. સરકારી સૂત્રોના જણાવ્યા પ્રમાણે અલ્જીરિયા, ઓસ્ટ્રેલિયા, કેનેડા, નૉર્વે અને અન્ય દેશોમાંથી LNG અને LPGના વધારાના કાર્ગો ભારત આવી રહ્યા છે.

ભારતમાં ગેસ ક્યાંથી આવે છે?

LNG સપ્લાયમાં કતાર (42.22%) સૌથી મોટો સ્ત્રોત છે. ત્યારબાદ અમેરિકા (18.5%), યુએઈ (11.11%), અંગોલા (7.07%) અને નાઇજિરિયા (5.18%) આવે છે, જ્યારે લગભગ 15% અન્ય સ્ત્રોતોમાંથી આવે છે. LPG માટે ભારત ખાસ કરીને ખાડી દેશો પર નિર્ભર છે. તેમાં યુએઈ અને કતાર મળીને 62%થી વધુ સપ્લાય આપે છે. ત્યારબાદ સાઉદી અરેબિયા (18.2%) અને કુવૈત (15.6%) આવે છે. અમેરિકા તાજેતરમાં એક વ્યૂહાત્મક ભાગીદાર તરીકે ઉભર્યું છે અને 2026માં લગભગ 10% સપ્લાયનો હિસ્સો ધરાવે છે. મિડલ ઈસ્ટમાં યુદ્ધને કારણે આ સ્ત્રોતોમાંથી સપ્લાય અસરગ્રસ્ત થઈ છે.

સંકટ વચ્ચે જથ્થાબંધ સંગ્રહ રોકવાના પ્રયાસ

LPG સંકટનો અસર રેસ્ટોરાં અને અન્ય ગેરજરૂરી વ્યવસાયો પર જોવા મળી શકે છે, પરંતુ સરકારની પ્રથમ પ્રાથમિકતા ઘરેલુ એલપીજીની માંગ પૂરી કરવાની છે. ઉદ્યોગ જગતના સૂત્રો અનુસાર કોમર્શિયલ સંસ્થાઓને પડતી LPG અછત પર નજર રાખવા માટે IOCL, BPCL અને HPCLના ત્રણ કાર્યકારી નિર્દેશકોની સમિતિ બનાવવામાં આવી છે. અધિકારીઓનું કહેવું છે કે સંકટના સમયમાં ગેરજરૂરી વ્યવસાયો દ્વારા ગેસની જથ્થાબંધ સંગ્રહ (જમાખોરી) અટકાવવા માટે આ કડક પગલાં લેવામાં આવ્યા છે.

આ પણ વાંચો: India Secret Oil Reserve:ખરાબથી ખરાબ સમય સામે લડવાની તૈયારી, જાણો ભારતમાં ક્યાં છે તેલ ભંડાર?