LPG Price Hike: મિડલ ઇસ્ટ તણાવની ભારતમાં અસર, ઘરેલુ ગેસ સિલિન્ડરના ભાવમાં રૂ.60નો વધારો

કમર્શિયલ ગેસ સિલિન્ડર 115 રૂપિયા મોંઘું થયું છે. નવી કિંમતો તરત જ અમલમાં આવી ગઈ છે અને તેલ કંપનીઓની સત્તાવાર વેબસાઇટ પર પણ અપડેટ કરી દેવામાં આવી છે. નવો ભાવ લાગુ થતા જ દિલ્હીમાં 14.2 કિલોના ઘરેલું LPG સિલિન્ડરની કિંમત 853 રૂપિયાથી વધીને 913 રૂપિયા થઈ ગઈ છે. જ્યારે કોલકાતામાં તેની કિંમત 879 રૂપિયાથી વધીને 939 રૂપિયા અને ચેન્નાઈમાં 868.50 રૂપિયાથી વધીને 928.50 રૂપિયા થઈ ગઈ છે.

તે ઉપરાંત 19 કિલોના કમર્શિયલ સિલિન્ડરના ભાવમાં પણ વધારો થયો છે, જેના કારણે હોટેલ, રેસ્ટોરન્ટ અને નાના વેપારીઓના ખર્ચમાં વધારો થવાની સંભાવના છે.

સરકારનું કહેવું છે કે દેશમાં ઊર્જા પુરવઠા અંગે કોઈ સંકટ નથી અને સામાન્ય લોકોએ ગભરાવાની જરૂર નથી. પેટ્રોલિયમ મંત્રાલયના જણાવ્યા અનુસાર ભારત પાસે વિવિધ સ્ત્રોતોમાંથી પૂરતો ઊર્જા પુરવઠો ઉપલબ્ધ છે.