Morbi News: ફેક્ટરીના નકશા મંજૂર કરવાના અવેજમાં રૂ. ૨૫,૦૦૦ની લાંચ લેતા નાયબ નિયામક અને ડ્રાઇવર ઝડપાયા

મોરબી જિલ્લામાંથી ભ્રષ્ટાચાર વિરુદ્ધ એસીબી દ્વારા વધુ એક મોટી કાર્યવાહી કરવામાં આવી છે. મોરબીમાં એક ફેક્ટરીના નકશા મંજૂર કરવાના કામ અર્થે અને ભવિષ્યમાં હેરાન નહીં કરવાના બદલામાં લાંચની માંગણી કરવામાં આવી હતી. આ મામલે ફરિયાદી દ્વારા એસીબીનો સંપર્ક કરવામાં આવતા પોલીસે આખી યોજના ઘડીને ભ્રષ્ટ અધિકારીઓ પર સકંજો કસ્યો હતો.

ઔદ્યોગિક સલામતી અને સ્વાસ્થ્ય વિભાગના નાયબ નિયામક સકંજામાં

આ લાંચ પ્રકરણમાં ઔદ્યોગિક સલામતી અને સ્વાસ્થ્ય વિભાગના નાયબ નિયામક જતિન આડેસરા અને તેમનો ખાનગી ડ્રાઇવર અજયસિંહ ઝાલા એસીબીની જાળમાં ફસાયા હતા. આ બંને શખ્સો અરજદાર પાસેથી ગેરકાયદે રીતે નાણાં પડાવી રહ્યા હતા, જેને લઈને એસીબીની ટીમ લાંબા સમયથી બાતમીના આધારે વોચમાં હતી.

સેવાસદન કચેરીમાં એસીબી દ્વારા સફળ ટ્રેપ

મોરબી એસીબી પોલીસ દ્વારા સ્થાનિક સેવા સદન કચેરી ખાતે જ ખાસ છટકું ગોઠવવામાં આવી હતી. આ દરમિયાન નાયબ નિયામક જતિન આડેસરા અને તેમના ડ્રાઇવર અજયસિંહ ઝાલાને રૂ. 25,000 ની લાંચની રકમ સ્વીકારતા રંગેહાથ ઝડપી લેવામાં આવ્યા હતા. એસીબી દ્વારા બંને આરોપીઓની ધરપકડ કરી આગળની કાયદેસરની સઘન કાર્યવાહી હાથ ધરવામાં આવી છે.

આ પણ વાંચો:  Morbi News: ઇન્સ્ટાગ્રામની મિત્રતા ભારે પડી! સગીરા સાથે ત્રણ શહેરમાં આચર્યું દુષ્કર્મ, આરોપીઓએ પડાવ્યા 17.50 લાખ