Navsariમાં એક બાઈક પર 6 સવારી! જોખમી મુસાફરીનો વીડિયો વાયરલ થતા ચકચાર

નવસારી શહેરમાં રાત્રિના સમયે હાઈવે તરફથી શહેર તરફ આવી રહેલી એક બાઈક પર ટ્રાફિક નિયમોના સરેઆમ ભંગના દ્રશ્યો જોવા મળ્યા હતા. સામાન્ય રીતે બાઈક પર બે વ્યક્તિની મર્યાદા હોય છે, પરંતુ આ કિસ્સામાં એક જ બાઈક પર કુલ 6 લોકો સવાર હતા. રાત્રિના અંધારામાં આ પ્રકારે જોખમી રીતે સવારી કરીને આ યુવકો પોતાનો અને અન્ય વાહનચાલકોનો જીવ પણ જોખમમાં મૂકી રહ્યા હતા.

રીક્ષા ચાલકે કેમેરામાં કેદ કર્યા દ્રશ્યો

આ અજીબોગરીબ અને જોખમી દ્રશ્ય જોઈને પાછળથી આવી રહેલા એક રીક્ષા ચાલકે પોતાના મોબાઈલમાં આ આખી ઘટનાનો વીડિયો ઉતારી લીધો હતો. વીડિયોમાં સ્પષ્ટ જોઈ શકાય છે કે કઈ રીતે એક નાની બાઈક પર છ લોકો એકબીજાને વળગીને બેઠા છે. રીક્ષા ચાલકે આ વીડિયો સોશિયલ મીડિયા પર શેર કરતા જ તે વાયરલ થયો હતો અને લોકો ટ્રાફિક પોલીસની કામગીરી સામે પણ સવાલો ઉઠાવી રહ્યા છે.

સોશિયલ મીડિયા પર વીડિયો વાયરલ

નવસારીના આ વાયરલ વીડિયોએ સોશિયલ મીડિયા પર હસી-મજાકની સાથે ગંભીર ચિંતા પણ જગાડી છે. એક તરફ લોકો તેને 'અજબ-ગજબ' કહી રહ્યા છે, તો બીજી તરફ જાગૃત નાગરિકો આવા તત્વો સામે કડક પોલીસ કાર્યવાહીની માંગ કરી રહ્યા છે. વારંવાર અકસ્માતની ઘટનાઓ બનતી હોવા છતાં, આવી બેદરકારી દાખવતા લોકો સામે તંત્ર શું પગલાં લેશે તે જોવું રહ્યું.

ગુજરાતના વધુ સમાચાર વાંચવા માટે ક્લિક કરો