Patanમાં એક જ દિવસમાં 2 ગમખ્વાર અકસ્માત: 2 મહિલા સહિત 3ના કરૂણ મોત

પાટણ જિલ્લામાં ચાણસ્મા અને સમી તાલુકામાં બે અલગ-અલગ સ્થળે ગમખ્વાર અકસ્માતની ઘટનાઓ સામે આવી છે. બંને અકસ્માતમાં 2 મહિલા સહિત કુલ 3 લોકોનાં મોત થયાં છે, જ્યારે 10 લોકો ઘાયલ થયા છે. પ્રથમ અકસ્માત ચાણસ્મા તાલુકાના પીંપળ ગામ નજીક થયો હતો. અહીં આઇશર ટ્રકનું ટાયર ફાટતાં ચાલકે વાહન પરનો કાબૂ ગુમાવ્યો હતો અને ટ્રક પલટી ગઈ હતી. આ દુર્ઘટનામાં એક વ્યક્તિનું મોત થયું હતું, જ્યારે 7 લોકો ઘાયલ થયા હતા. ઘટનાને પગલે આસપાસના લોકો મદદ માટે દોડી આવ્યા હતા. ઘાયલોને સારવાર માટે હોસ્પિટલ ખસેડવામાં આવ્યા હતા.

સમી નજીક શ્વાનને બચાવવા જતાં મીની ટ્રક પલટી

બીજો અકસ્માત સમી તાલુકા નજીક થયો હતો. મળતી માહિતી મુજબ, રસ્તા પર આવેલા શ્વાનને બચાવવાના પ્રયાસ દરમિયાન મીની ટ્રક પલટી ગઈ હતી. આ અકસ્માતમાં બે મહિલાનાં કરુણ મોત થયાં હતાં, જ્યારે અન્ય 3 લોકો ઘાયલ થયા હતા. અકસ્માતને પગલે ઘટનાસ્થળે અફરાતફરીનો માહોલ સર્જાયો હતો. ઘાયલોને સારવાર માટે ખસેડવાની કાર્યવાહી હાથ ધરવામાં આવી હતી. એક જ જિલ્લામાં ટૂંકા ગાળામાં બે ગંભીર અકસ્માતની ઘટનાઓ સામે આવતાં લોકોમાં ચિંતા ફેલાઈ છે.

બંને અકસ્માતથી પંથકમાં અરેરાટી

ચાણસ્મા અને સમી તાલુકામાં બનેલી આ બંને દુર્ઘટનાઓથી પંથકમાં અરેરાટી વ્યાપી છે. બંને અકસ્માતમાં કુલ 3 લોકોનાં જીવ ગયા છે અને 10 લોકો ઘાયલ થયા હોવાની માહિતી છે. એક તરફ આઇશર ટ્રકનું ટાયર ફાટવાથી અકસ્માત સર્જાયો હતો, જ્યારે બીજી તરફ શ્વાનને બચાવવાના પ્રયાસ દરમિયાન મીની ટ્રક પલટી ગઈ હતી. અકસ્માતમાં મૃત્યુ પામેલા લોકોનાં પરિવારજનોમાં શોકની લાગણી છવાઈ છે. બંને ઘટનાને લઈને વધુ વિગતો અને અકસ્માતનાં ચોક્કસ કારણો અંગેની સત્તાવાર માહિતીની રાહ જોવાઈ રહી છે.

ગુજરાતના વધુ સમાચાર વાંચવા માટે ક્લિક કરો