Patan : પાટણની શ્રીમંત ફ્તેસિંહરાવ લાઇબ્રેરીમાં રાહત દરે સ્ટેનોગાફીનો કોર્સનો 6 માસ માટે પ્રારંભ

પાટણ : પાટણની ઐતિહાસિક શ્રીમંત ફ્તેસિંહરાવ લાઇબ્રેરી દ્વારા પાટણના યુવાન યુવતીઓને રોજગારી મળી રહે તે હેતુસર સ્વ. ગંગાબા રોજગાર કેન્દ્ર અંતર્ગત નીરજ સેવા ટ્રસ્ટ પાટણના સૌજન્યથી સ્ટેનોગ્રાફીનો કોર્સ બુધવારે સવારે શરૂ કરવામાં આવ્યો હતો. જે આગામી 30 માર્ચ સુધી એટલે કે 6 મહિના માટે દરરોજ સવારે આઠથી નવ કલાક સુધી લાઇબ્રેરીના આસ્થા હોલમાં, ઉત્તર ગુજરાતના 35 વર્ષનો અનુભવ ધરાવતા શ્રીજી ઇન્સ્ટિટયૂટના સંચાલક બકુલેશભાઈ શાહના માર્ગદર્શન નીચે પદ્ધતિસર શીખવાડવામાં આવશે. આ કાર્યક્રમના શુભારંભ પ્રસંગે લાઇબ્રેરીના પ્રમુખ ડો. શૈલેષ બી. સોમપુરા દ્વારા સ્વાગત પ્રવચન કરવામાં આવ્યું હતુ અને લાઇબ્રેરીના વિવિધ પ્રકલ્પોની માહિતી આપવામાં આવી હતી. તેમજ અત્યારે સ્પર્ધાત્મક પરીક્ષામાં ચાલતી હરીફાઈ તથા પાટણના યુવાનોને પડતી તકલીફો વિશે માહિતી આપી હતી અને સ્ટેનોગ્રાફી કોર્સની અગત્યતા સમજાવી હતી. આ પ્રસંગે મહેમાનપદે ઉપસ્થિત સિધ્ધરાજ બેંકના ડિરેક્ટર, નેશનલ યુવા કો-ઓપરેટીવ બેંકના મંત્રી, ભાજપના અનુસૂચિત જાતિના સક્રિય કાર્યકર ઈશ્વરભાઈ પરમારે હાજર રહી વિદ્યાર્થીઓને પ્રોત્સાહન આપ્યું હતું.

ગુજરાતના વધુ સમાચાર વાંચવા માટે ક્લિક કરો