Rahul Gandhi Accident: રાહુલ ગાાંધીના કાફલાને નડ્યો અકસ્માત..પૂર્વાંચલ એક્સપ્રેસ પર 5 ગાડી અને એમ્બ્યુલન્સ ટકરાઇ

પૂર્વાંચલ એક્સપ્રેસવે પર રાહુલ ગાંધીના કાફલાના પાંચ વાહનો અને એક એમ્બ્યુલન્સ વચ્ચે અકસ્માત સર્જાયો છે. અહેવાલો અનુસાર, આ અકસ્માતમાં કોંગ્રેસના કાર્યકરો, પદાધિકારીઓ અને સુરક્ષાકર્મીઓને ઈજાઓ પહોંચી છે. રાહુલ ગાંધી સુરક્ષિત છે.

રાહુલ ગાંધીના કાફલાને નડ્યો અકસ્માત 

ઉત્તર પ્રદેશના પૂર્વાંચલ એક્સપ્રેસવે પર કોંગ્રેસ નેતા રાહુલ ગાંધીના કાફલાના વાહનો અકસ્માતનો ભોગ બન્યા છે. પ્રાથમિક અહેવાલો મુજબ, એક્સપ્રેસવે પર 91મા કિલોમીટરના માઈલસ્ટોન નજીક કાફલાના પાંચ વાહનો અને એક એમ્બ્યુલન્સ એકબીજા સાથે અથડાયાં હતાં. આ ઘટનામાં કોંગ્રેસના અનેક કાર્યકરો, પદાધિકારીઓ અને સુરક્ષાકર્મીઓ ઘાયલ થયા હોવાના અહેવાલ છે. રાહુલ ગાંધી સુરક્ષિત હોવાનું જણાવાયું છે.

રાહુલ ગાંધી આજે છે યુપીના પ્રવાસે 

રાહુલ ગાંધી આજે ઉત્તર પ્રદેશના પ્રવાસે છે. તેઓ કોર્ટમાં હાજર થવા માટે સુલતાનપુર જઈ રહ્યા હતા. આજે સવારે તેઓ દિલ્હીથી લખનૌ પહોંચ્યા હતા. જ્યારે તેમનો કાફલો લખનૌથી સુલતાનપુર તરફ પૂર્વાંચલ એક્સપ્રેસવે પર જઈ રહ્યો હતો, ત્યારે આ અકસ્માત સર્જાયો હતો. આ ટક્કરને કારણે ઘટનાસ્થળે અફરાતફરી મચી ગઈ હતી. ઘાયલો અંગે પ્રાથમિક માહિતી સામે આવી છે.

કેવી રીતે સર્જાયો અકસ્માત ? 

અહેવાલો અનુસાર, પૂર્વાંચલ એક્સપ્રેસવે પર 91મા કિલોમીટરના માઈલસ્ટોન નજીક રાહુલ ગાંધીના કાફલાના પાંચ વાહનો અને એક એમ્બ્યુલન્સ વચ્ચે ટક્કર થઈ હતી. અકસ્માતનું કારણ હજુ સ્પષ્ટ થયું નથી.

=" target="_blank">

રાહુલ ગાંધી સુલતાનપુર કેમ જઈ રહ્યા છે?

રાહુલ ગાંધી આજે સુલતાનપુરની મુલાકાતે છે, જેનું કારણ લગભગ આઠ વર્ષ જૂના માનહાનિના કેસમાં કોર્ટની સુનાવણી અને સંભવિત ચુકાદો છે. આ કેસ 2018ની કર્ણાટક વિધાનસભા ચૂંટણી દરમિયાન રાહુલ ગાંધી દ્વારા ભાજપના તત્કાલીન રાષ્ટ્રીય અધ્યક્ષ અમિત શાહ વિશે આપવામાં આવેલા એક નિવેદન સાથે સંબંધિત છે. આ નિવેદન બાદ, સ્થાનિક ભાજપ નેતા વિજય મિશ્રાએ 4 ઓગસ્ટ, 2018ના રોજ સુલતાનપુરની કોર્ટમાં માનહાનિની ​​ફરિયાદ દાખલ કરી હતી.

ચૂંટણી પ્રચાર દરમિયાન રાહુલ ગાંધીએ ટિપ્પણી કરી હતી કે, "ભારતના લોકો ભૂલી જાય છે કે ભાજપના અધ્યક્ષ હત્યાના કેસમાં આરોપી છે... આ સત્ય છે. આ ટિપ્પણી સોહરાબુદ્દીન શેખના કથિત નકલી એન્કાઉન્ટર કેસના સંદર્ભમાં હતી. વર્ષ 2014માં મુંબઈની એક વિશેષ સીબીઆઈ (CBI) કોર્ટે અમિત શાહને આ કેસના આરોપોમાંથી મુક્ત કર્યા હતા. આ નિવેદનને ટાંકીને વિજય મિશ્રાએ રાહુલ ગાંધી વિરુદ્ધ ફોજદારી માનહાનિનો કેસ દાખલ કર્યો.

આ મામલાના સંદર્ભમાં, સુલતાનપુરની એક વિશેષ સાંસદ-ધારાસભ્ય (MP-MLA) કોર્ટે નવેમ્બર 2023માં રાહુલ ગાંધીને સમન્સ પાઠવ્યું હતું. તેઓ 20 ફેબ્રુઆરી,2024ના રોજ કોર્ટમાં હાજર થયા હતા અને તેમને જામીન મળ્યા હતા. ત્યારબાદ, તેમણે જુલાઈ 2024 અને ફેબ્રુઆરી 2026માં કોર્ટ સમક્ષ પોતાનો પક્ષ રજૂ કર્યો. આરોપોને નકારી કાઢતા, રાહુલ ગાંધીએ આ ફરિયાદને રાજકીય દ્વેષથી પ્રેરાયેલી ગણાવી. સુનાવણી દરમિયાન, ફરિયાદી પક્ષે સાક્ષીઓ અને પુરાવા રજૂ કર્યા. બંને પક્ષોની અંતિમ દલીલો પૂર્ણ થયા બાદ, કોર્ટે ચુકાદા માટે 26 ઓક્ટોબર, 2026ની તારીખ નક્કી કરી છે.