Rajkot News : બાઇકની ટક્કરથી શરૂ થયેલો વિવાદ હત્યા સુધી પહોંચ્યો, 28 વર્ષીય પરેશ ચોહાણની હત્યાથી ખળભળાટ

રાજકોટ શહેરમાં અસામાજિક તત્વો અને ગુંડા તત્વોને કાયદા કે પોલીસનો કોઈ જ ડર રહ્યો ન હોય તેમ કાયદો અને વ્યવસ્થાની સ્થિતિના સંપૂર્ણપણે ધજાગરા ઊડી રહ્યા છે. મોડી રાત્રે શહેરના અત્યંત પોશ અને ધમધમતા 150-Foot Ring Road પર આવેલા આંબેડકર સર્કલ પાસે અસામાજિક તત્વોએ તમામ મર્યાદાઓ ઓળંગીને એક યુવકની નિર્મમ હત્યા કરી નાખી છે. આ લોહિયાળ ઘટનાને પગલે સમગ્ર રાજકોટ શહેરમાં અરેરાટી સાથે ભારે ચકચાર મચી ગઈ છે અને સ્થાનિક પ્રજામાં સુરક્ષાને લઈને ગંભીર સવાલો ઊભા થઈ રહ્યા છે.

સમાધાનના નામે બોલાવી 6 થી 7 ઘા ઝીંક્યા

ઘટનાની વિગત મુજબ, 28 વર્ષના પરેશભાઈ ચોહાણ અને રાધે રાઠોડ નામના વ્યક્તિ વચ્ચે અગાઉ બાઇક અથડાવવા બાબતે બોલાચાલી થઈ હતી. આ જૂની અદાવતનો અંત લાવવા અને સમાધાન કરવાના બહાને રાધે રાઠોડ અને તેના સાગરિતોએ પરેશભાઈને મોડી રાત્રે આંબેડકર સર્કલ પાસે બોલાવ્યા હતા. કાવતરાના ભાગરૂપે વાતચીત દરમિયાન મામલો ઉગ્ર બનાવી, ઉશ્કેરાયેલા હુમલાખોરોએ પરેશભાઈ પર તીક્ષ્ણ હથિયાર વડે તૂટી પડીને શરીર પર 6 to 7 ઘા ઝીંકી દીધા હતા. લોહીલુહાણ હાલતમાં ફસડાઈ પડેલા પરેશભાઈને તાત્કાલિક સારવાર અર્થે હોસ્પિટલ ખસેડાયા હતા, જ્યાં ટૂંકી સારવાર દરમિયાન તેમનું કરૂણ મોત નીપજ્યું હતું.

શું આરોપીઓ જેલના સળિયા પાછળ ધકેલાશે?

બનાવની જાણ થતાં જ ઉચ્ચ પોલીસ અધિકારીઓ અને સ્થાનિક પોલીસનો કાફલો ઘટનાસ્થળે તેમજ હોસ્પિટલ દોડી ગયો હતો. 28 વર્ષના યુવકના મોતના સમાચારથી પરિવારમાં અરેરાટી વ્યાપી ગઈ છે. પોલીસે મૃતકના પરિવારજનોની ફરિયાદના આધારે મુખ્ય આરોપી રાધે રાઠોડ અને તેના સાગરિતો સામે 302/Murder નો ગુનો નોંધી તેમની ધરપકડ માટે ચક્રો ગતિમાન કર્યા છે. પરંતુ સવાલ એ ઊભો થાય છે કે જાહેરમાં આવી રીતે નિર્મમ હત્યાઓ આચરતા અસામાજિક તત્વો સામે પોલીસ ક્યારે આકરી કાર્યવાહી કરશે?

આ પણ વાંચો : Dwarkaની ભાડથર બેઠક પર ફરી વળ્યું 'ઝાડુ', આપના ઉમેદવાર વીરૂભાઈ કંડોરીયાનો 3,651 મતોથી ભવ્ય વિજય...