Sayla : બંધ પડેલ ટ્રક પાછળ કાર ઘૂસી જતા સાયલાના યુવાનનું મોત

સાયલા - લીંબડી હાઇવે પર આવેલા ઓવરબ્રિજ પર ગુરુવારે બપોરના સમયે લીંબડી તરફ્ જતી એક કાર બંધ ટ્રક પાછળ ધડાકાભેર ઘૂસી જતા ગમખ્વાર અકસ્માત સર્જાયો હતો. અક્સ્માતમાં સાયલાના વિશાલ નટુભાઈ જોગરાણા નામના યુવકને ગંભીર ઇજાઓ થતાં હોસ્પિટલ ખસેડવામાં આવ્યા હતા. પરંતુ માથાના તેમજ શરીર ના ભાગે ગંભીર ઇજાઓ થવાથી સારવાર મળે તે પહેલા જ તેનું કરૂણ મૃત્યુ થતા પરિવારમાં શોક વ્યાપી જવા પામ્યો હતો. સાયલા સંતકૃપા સોસાયટીમાં રહેતા વિશાલ નટુભાઈ જોગરાણા નામનો યુવાન બપોરના સમયે કાર લઈને કામે જવા નીકળેલ ત્યારે હાઈવેના ઓવરબ્રિજ પર બંધ પડેલા ટ્રક સાથે કાર અથડાતા સર્જાયેલો અક્સ્માત એટલો ગંભીર હતો કે કારના કુરચે કુરચા નીકળી જવા પામ્યા હતા.અક્સ્માત બાદ લોકોના ટોળે ટોળા સરકારી હોસ્પિટલ ખાતે એકઠા થઇ ગયા હતા. સૂત્રો પાસેથી વધુમાં મળતી માહિતી મુજબ મૃતક યુવાન વિશાલ તેમના પરીવાર નો એકનો એક પુત્ર હતો જેના અકાળે મોતથી માતા,પિતાએ વ્હાલોસોયો પુત્ર અને બહેને એકનો એક રાખડીબંધો ભાઈ ગુમાવતા માલધારીપરિવારમાં શોકની કાલીમા વ્યાપી ગઈ હતી.સાયલા પોલીસ દ્વારા આ મામલે મૃતકની લાશનું પોસ્ટમાર્ટમ કરાવી આગળની કાર્યવાહી હાથ ધરી છે ત્યારે અક્સ્માત ઝોન બની ચૂકેલા હાઈવે પર વધુ એક માનવ જિંદગી સ્વાહા થઈ જવા સાથે ફરી એકવાર રક્તરંજિત બન્યો હતો.

ગુજરાતના વધુ સમાચાર વાંચવા માટે ક્લિક કરો