Surat News: પલસાણામાં મોબાઈલ અને રોકડ લૂંટનાર રીઢા આકાશ બહારે સહિત 7 ધાડપાડુ ઝડપાયા

સુરત જિલ્લા એલસીબી (LCB)ની ટીમે કાયદો અને વ્યવસ્થાની સ્થિતિને મજબૂત બનાવતા એક મોટી સફળતા હાંસલ કરી છે. પલસાણા તાલુકાના બગમુરા ગામની હદમાં તાજેતરમાં બનેલી ગંભીર ધાડ અને લૂંટની ઘટનાનો પોલીસે સફળતાપૂર્વક પર્દાફાશ કર્યો છે. આ કેસમાં પોલીસે કુશળતા દાખવીને કુલ 7 જેટલા રીઢા ધાડપાડુઓની ધરપકડ કરવામાં સફળતા મેળવી છે.

ચપ્પુના ઘા મારી મોબાઈલ અને રોકડની લૂંટ

આ પ્રકરણની વિગતો મુજબ, આરોપીઓ દ્વારા બગમુરા વિસ્તારમાં એક વ્યક્તિ પર હુમલો કરી ચપ્પુના ઘા મારીને તેનું મોબાઈલ ફોન તથા રોકડા રૂપિયા લૂંટી લેવામાં આવ્યા હતા. આ ગંભીર ગુનાને પગલે પોલીસ પણ હરકતમાં આવી હતી અને ટેક્નિકલ તેમજ હ્યુમન ઇન્ટેલિજન્સના આધારે ગુનાનો ભેદ ઉકેલી નાખ્યો હતો. પોલીસે પકડાયેલા આરોપીઓ પાસેથી કુલ 27,300 રૂપિયાનો મુદ્દામાલ પણ જપ્ત કર્યો છે.

રીઢો ગુનેગાર આકાશ બહારે વિરુદ્ધ 27 ગુના નોંધાયેલા

પોલીસ પકડમાં આવેલી મુખ્ય અને રીઢા આરોપી આકાશ ભીમરાવ બહારે નો ગુનાહિત ઇતિહાસ ખૂબ જ મોટો રહ્યો છે. આકાશ ભીમરાવ અને તેના સાગરીતો અગાઉ પણ અનેક ગંભીર ગુનાઓમાં સંડોવાયેલા હોવાનું સામે આવ્યું છે. એકલા મુખ્ય આરોપી આકાશ ભીમરાવ સામે સુરત શહેર અને જિલ્લાના વિવિધ પોલીસ સ્ટેશનોમાં કુલ 27 જેટલા ગંભીર ગુનાઓ નોંધાયેલા છે.

પોલીસની સરાહનીય કામગીરી

સુરત જિલ્લા એલસીબી દ્વારા ગુનેગારો સામે હાથ ધરવામાં આવેલી આ કડક કાર્યવાહીથી અસામાજિક તત્વોમાં ફફડાટ ફેલાઈ ગયો છે. પોલીસે તમામ સાત આરોપીઓની ધરપકડ કરી આગળની કાયદેસરની સઘન તપાસ હાથ ધરી છે.

આ પણ વાંચો: Suratના ઉધનામાં ચાંદીની ચેઇન સાફ કરવાના નામે ઠગાઈ: સ્થાનિકોએ બે ઠગબાજોને પકડીને ચખાડ્યો મેથીપાક