Surendranagar: સુરેન્દ્રનગરમાં 65 વર્ષ પૂર્વેનો ટાઉનહોલ જર્જરિત બનતા મનપા દ્વારા જમીનદોસ્ત કરાયો

સુરેન્દ્રનગર શહેરના ટાવર ચોકમાં વર્ષ 1961માં રંભાબેન ટાઉનહોલ બનાવાયો હતો. નગરપાલિકા હસ્તકના ટાઉનહોલમાં અનેક રંગારંગ કાર્યક્રમો થયા છે. પરંતુ સમયાંતરે કાળની થપાટો લાગતા આ ટાઉનહોલ જર્જરીત થયો હતો. તેમાં પણ થોડા વર્ષો પહેલા શહેરના 80 ફુટ રોડ પર પંડીત દિનદયાળ ઉપાધ્યાય હોલ બનતા રંભાબેન ટાઉનહોલ બંધ હાલતમાં હતો. ત્યારે મહાનગરપાલિકા દ્વારા આ સ્થળે નવો ટાઉનહોલ રૂ. 10 કરોડના ખર્ચે બનાવવાનું આયોજન છે. ત્યારે મહાનગરપાલિકા દ્વારા બુધવારે જર્જરિત ટાઉનહોલને જમીનદોસ્ત કરાયો છે. આ સ્થળે 350 લોકો બેસી શકે તેવી ક્ષમતાવાળો ટાઉનહોલ બનશે. જેની સાથે સાથે મહાનગરપાલિકા સંચાલીત લાયબ્રેરી પણ નવી બનશે.

ગુજરાતના વધુ સમાચાર વાંચવા માટે ક્લિક કરો

https://sandesh.com/maru-saher-maru-gaam