West Bengalમાં ભાજપની ઐતિહાસિક જીત, અમેરિકી રાષ્ટ્રપતિ ડોનાલ્ડ ટ્રમ્પે PM મોદીને પાઠવી શુભેચ્છા

પશ્ચિમ બંગાળમાં ભાજપે ઐતિહાસિક જીત મેળવી હોવાનો દાવો સામે આવી રહ્યો છે, જેના પગલે આંતરરાષ્ટ્રીય સ્તરે પણ પ્રતિક્રિયાઓ જોવા મળી રહી છે. અમેરિકાના રાષ્ટ્રપતિ ડોનાલ્ડ ટ્રમ્પે ભારતના વડાપ્રધાન નરેન્દ્ર મોદીને શુભેચ્છા પાઠવી છે. વ્હાઈટ હાઉસના પ્રવક્તાએ જણાવ્યું કે બંગાળમાં મળેલી આ જીતને મહત્વપૂર્ણ રાજકીય ઘટનાના રૂપમાં જોવામાં આવી રહી છે.

મમતા બેનર્જી પણ ભવાનીપુર બેઠક પરથી હાર્યા

માહિતી મુજબ, ભાજપે બંગાળમાં 200થી વધુ બેઠકો જીતવાનો દાવો કર્યો છે, જે રાજ્યની રાજનીતિમાં મોટો ફેરફાર દર્શાવે છે. બીજી તરફ, તૃણમૂલ કોંગ્રેસ (TMC)ને કારમી હારનો સામનો કરવો પડ્યો છે. ખાસ કરીને રાજ્યની મુખ્યમંત્રી મમતા બેનર્જી પણ ભવાનીપુર બેઠક પરથી હાર્યા હોવાનું કહેવામાં આવી રહ્યું છે. આ પરિણામોને લઈને ભાજપના સમર્થકોમાં ભારે ઉત્સાહ જોવા મળી રહ્યો છે, જ્યારે TMC માટે આ મોટો રાજકીય ઝટકો માનવામાં આવી રહ્યો છે. રાજકીય વિશ્લેષકોનું માનવું છે કે આ જીત ભાજપ માટે પૂર્વ ભારતના રાજકીય સમીકરણોમાં મહત્વપૂર્ણ ફેરફાર લાવી શકે છે.

લોકશાહી પ્રક્રિયાની પ્રશંસા કરવામાં આવી

વ્હાઈટ હાઉસ તરફથી આપવામાં આવેલા નિવેદનમાં લોકશાહી પ્રક્રિયાની પ્રશંસા કરવામાં આવી છે અને ભારત-અમેરિકા સંબંધોને વધુ મજબૂત બનાવવા માટે આશા વ્યક્ત કરવામાં આવી છે. આ ચૂંટણી પરિણામોને લઈને સત્તાવાર જાહેરાત અને વિગતવાર આંકડા સામે આવવાના બાકી છે. રાજ્યની રાજનીતિમાં આ બદલાવ આગામી સમયમાં દેશની રાજકીય દિશા પર પણ અસર કરી શકે છે.

આ પણ વાંચો : Cabinet Decisions : 1.53 લાખ કરોડના 10 નિર્ણયોને મળી મંજૂરી, શેરડીના ખેડૂતોની ચુકવણી માટે નવો કાર્યક્રમ જાહેર