android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Gujarat News: દ્વારકામાં રૂ.92.70 કરોડના ખર્ચે બનશે શ્રીકૃષ્ણ મ્યુઝિયમ, 9 થીમ આધારિત ગેલેરીઓનું નિર્માણ
calendar_today October 22, 2026

Gujarat News: દ્વારકામાં રૂ.92.70 કરોડના ખર્ચે બનશે શ્રીકૃષ્ણ મ્યુઝિયમ, 9 થીમ આધારિત ગેલેરીઓનું નિર્માણ

ભારતની સમૃદ્ધ સંસ્કૃતિ અને આધ્યાત્મિક પરંપરા વિશ્વમાં આગવી ઓળખ ધરાવે છે.આ સાંસ્કૃતિક ધરોહર માત્ર આપણા ભવ્ય ઇતિહાસનું ગૌરવ જ નથી પરંતુ ભાવિ પેઢીઓ માટે પ્રેરણાનો સ્ત્રોત, જીવનમૂલ્યોનો આધાર અને રાષ્ટ્રના સાંસ્કૃતિક આત્મવિશ્વાસનું પ્રતીક છે.આ અમૂલ્ય વારસાને જાળવીને તેને આધુનિક અભિગમ સાથે નવી પેઢી સુધી પહોંચાડવાના હેતુથી દ્વારકામાં શ્રી કૃષ્ણ સંગ્રહાલયનું નિર્માણ થઈ રહ્યું છે.ચાર ધામ પૈકીના એક ધામ, ભારતની પવિત્ર સપ્તપુરીમાં સ્થાન ધરાવતી નગરી અને ભગવાન શ્રીકૃષ્ણની કર્મભૂમિ દ્વારકા આ સંગ્રહાલયના માધ્યમથી આધ્યાત્મિકતા અને આધુનિકતાના અનોખા સમન્વયનું કેન્દ્ર બનવા જઈ રહ્યું છે. રૂ. 92.70 કરોડનો મહત્ત્વાકાંક્ષી પ્રકલ્પભગવાન શ્રીકૃષ્ણના જીવનદર્શન, દિવ્ય લીલાઓ, માનવમૂલ્યો અને શ્રીમદ્ ભગવદ્ ગીતાના શાશ્વત સંદેશને આધુનિક ટેકનોલોજીના માધ્યમથી જનજન સુધી પહોંચાડવાનો આ પ્રયાસ ભારતીય સંસ્કૃતિની ભવ્યતાને નવી પેઢી સમક્ષ જીવંત કરશે.દ્વારકાધીશ મંદિરથી આશરે 1.6 કિલોમીટરના અંતરે કુલ રૂ 92.70 કરોડના ખર્ચે વિકસાવવામાં આવી રહેલું શ્રી કૃષ્ણ સંગ્રહાલય રાજ્ય સરકારનો મહત્ત્વાકાંક્ષી સાંસ્કૃતિક પ્રકલ્પ છે.આ પ્રકલ્પનો મુખ્ય ઉદ્દેશ ભગવાન શ્રીકૃષ્ણના જીવનચરિત્ર, તેમની દિવ્ય લીલાઓ, તેમના તત્ત્વજ્ઞાન અને ભગવદ્ ગીતાના જીવનોપયોગી સંદેશને એક જ સ્થળે, સુવ્યવસ્થિત અને આકર્ષક રીતે રજૂ કરવાનો છે. અહીં પરંપરાગત સંગ્રહાલયની કલ્પનાથી આગળ વધીને આધુનિક ડિજિટલ માધ્યમો દ્વારા મુલાકાતીઓને વિષય સાથે ભાવનાત્મક અને બૌદ્ધિક રીતે જોડશે.નવ ગેલેરીઓમાં શું શું હશે?સંગ્રહાલયમાં શ્રી કૃષ્ણના જીવનના અનુરૂપ વિવિધ નવ થીમ આધારિત ગેલેરીઓનું નિર્માણ થઈ રહ્યું છે.આ ઉપરાંત વિશેષ લેન્ડસ્કેપ વિસ્તાર,કમળ તળાવ, લાઇટ એન્ડ સાઉન્ડ પ્રોજેક્શન શો અને એમ્ફિથિયેટર જેવી સુવિધાઓ પણ વિકસાવવામાં આવી રહી છે.આ તમામ વ્યવસ્થાઓ સંગ્રહાલયને જ્ઞાન,સૌંદર્ય,આધ્યાત્મિકતા અને મનોરંજક શૈક્ષણિક અનુભવનું સંયુક્ત કેન્દ્ર બનાવવામાં સહાયક બનશે.શ્રી કૃષ્ણ સંગ્રહાલયનું વિશેષ આકર્ષણ તેની નવ થીમ આધારિત ગેલેરીઓ હશે, જેમાં ભગવાન શ્રીકૃષ્ણના જીવનના વિવિધ પ્રસંગો અને તેમના તત્ત્વજ્ઞાનના અલગ-અલગ આયામોને રજૂ કરવામાં આવશે. ભગવાન શ્રીકૃષ્ણના જન્મથી શરૂ થતી આ યાત્રામાં તેમની બાળલીલાઓ, ગોકુલ અને વૃંદાવનના પ્રસંગો, ગોવર્ધન પર્વત ધારણ કરવાની લીલા, કાળિય નાગનું મર્દન અને રાસલીલા જેવા પ્રસંગોને વિશેષ સ્થાન મળશે. આ ઉપરાંત મથુરા ગમન, કંસવધ, સુવર્ણનગરી દ્વારકાની સ્થાપના અને મહાભારતમાં શ્રીકૃષ્ણની નિર્ણાયક ભૂમિકા પણ રજૂ કરાશે.આધુનિક ટેકનોલોજીથી જીવંત બનશે ભારતીય સંસ્કૃતિશિલ્પો, ચિત્રો, વિવિધ કળાકૃતિઓ, હસ્તકલા અને પ્રતિકૃતિઓ દ્વારા આ પ્રસંગોને દૃશ્યાત્મક રીતે રજૂ કરવામાં આવશે. પરિણામે મુલાકાતીઓ માટે શ્રીકૃષ્ણના જીવન અને તેમના ઉપદેશોને માત્ર વાંચવા કે સાંભળવા પૂરતા નહીં, પરંતુ અનુભવીને સમજવાની તક ઊભી થશે.આધુનિક યુગમાં નવી પેઢી સુધી ઐતિહાસિક અને સાંસ્કૃતિક જ્ઞાન પહોંચાડવા માટે ટેકનોલોજી અત્યંત અસરકારક માધ્યમ બની છે.શ્રી કૃષ્ણ સંગ્રહાલયમાં આ બાબતને ધ્યાનમાં રાખીને અદ્યતન ડિજિટલ અને ઇમર્સિવ ટેકનોલોજીનો સમાવેશ કરવામાં આવશે. ઇમર્સિવ ઓડિયો-વિઝ્યુઅલ પ્રસ્તુતિઓ, ઇન્ટરએક્ટિવ ડિજિટલ ડિસ્પ્લે, 3D પ્રોજેક્શન મેપિંગ, ટચસ્ક્રીન માહિતી કિઓસ્ક અને મોશન સેન્સર આધારિત અનુભવો દ્વારા મુલાકાતીઓને શ્રીકૃષ્ણના જીવનપ્રસંગો સાથે વધુ નજીકથી જોડવાનો પ્રયાસ કરવામાં આવશે. થીમેટિક લાઇટિંગ, સાઉન્ડસ્કેપ, ડિજિટલ સ્ટોરીટેલિંગ અને મલ્ટીમીડિયા પ્રોજેક્શનના સંકલનથી સંગ્રહાલયની મુલાકાત એક વિશિષ્ટ અનુભૂતિ બની શકે છે. પ્રવાસન અને સ્થાનિક અર્થતંત્રને મળશે નવી ગતિદ્વારકામાં દેશના વિવિધ રાજ્યો ઉપરાંત વિદેશમાંથી પણ મોટી સંખ્યામાં ભાવિકો અને પ્રવાસીઓ આવે છે. દ્વારકાધીશ મંદિર, સમૃદ્ધ પૌરાણિક પરંપરા અને સમુદ્રકિનારો દ્વારકાની વિશેષ ઓળખ છે. જેમાં આગામી સમયમાં શ્રી કૃષ્ણ સંગ્રહાલય પ્રવાસીઓ માટે ધાર્મિક દર્શનની સાથે સાંસ્કૃતિક અભ્યાસ, ઇતિહાસની સમજ અને આધુનિક ટેકનોલોજી આધારિત અનુભવનું કેન્દ્ર બનશે.આવા પ્રકલ્પોથી સ્થાનિક પ્રવાસનને વેગ મળવાની, પરિવહન, હસ્તકલા, સ્થાનિક વેપાર અને આતિથ્ય ક્ષેત્ર સાથે સંકળાયેલા લોકોને નવી તકો મળવાની સંભાવના છે.શ્રી કૃષ્ણ સંગ્રહાલય ગુજરાતના સાંસ્કૃતિક પ્રવાસનને નવી ઓળખ આપવામાં મદદરૂપ બની શકે છે. સાથે જ તે ભારતની આધ્યાત્મિક પરંપરા અને આધુનિક વિકાસ વચ્ચેના સુમેળનું પ્રતીક બની શકે છે. પરંપરાગત વારસાને સાચવીને તેને નવી પેઢીની ભાષામાં રજૂ કરવાનો આ પ્રયાસ દ્વારકાની સાંસ્કૃતિક સમૃદ્ધિને ધાર્મિક અને સાંસ્કૃતિક પર્યટનના અગ્રણી કેન્દ્ર તરીકે સ્થાપિત કરવામાં મહત્વપૂર્ણ યોગદાન આપશે. આ પણ વાંચોઃ Ahmedabad News: ગટરમાં ગુમ થયેલી બાળકી હવે નહીં મળે, તંત્રએ શોધવાની તપાસ પૂર્ણ કરી ખાડો પૂરી દીધો

Read Full Story arrow_forward
Vadodara News: શિનોર પોલીસને તસ્કરોનો ખુલ્લો પડકાર, ચાર દિવસમાં બે ગામોમાં લાખોની ચોરીથી પંથકમાં ફફડાટ
calendar_today October 22, 2026

Vadodara News: શિનોર પોલીસને તસ્કરોનો ખુલ્લો પડકાર, ચાર દિવસમાં બે ગામોમાં લાખોની ચોરીથી પંથકમાં ફફડાટ

વડોદરા જિલ્લાના શિનોર તાલુકામાં તસ્કરોએ પોલીસ તંત્રને ખુલ્લો પડકાર ફેંક્યો હોય તેવી સ્થિતિ સર્જાઈ છે. અસામાજિક તત્વો અને ચોર ટોળકીઓ હવે બેફામ બનીને ચોરીના બનાવોને અંજામ આપી રહી છે, જેના કારણે સ્થાનિક ગ્રામજનોમાં ભારે ભય અને આક્રોશનો માહોલ જોવા મળી રહ્યો છે.અવાખલ ગામે બંધ મકાનમાંથી રૂ. 15.60 લાખની મત્તાની ચોરીશિનોરના અવાખલ ગામે તસ્કરોએ એક બંધ મકાનને નિશાન બનાવ્યું હતું. ચોર ટોળકી આ ઘરમાંથી અંદાજે રૂ. 15.60 લાખની કિંમતના સોના-ચાંદીના દાગીના તેમજ રોકડ રકમની ચોરી કરીને આસાનીથી ફરાર થઈ ગઈ હતી. આ ઘટનાથી સમગ્ર ગામમાં અરેરાટી વ્યાપી ગઈ છે.ચોરીની ઘટના CCTVમાં કેદ, યુવકે પીછો કર્યો છતાં ચોર હાથ ન લાગ્યાઆ ઘટના વહેલી સવારે 5 વાગ્યાની આસપાસ બની હતી, જ્યારે એક બાઇક પર આવેલા 3 તસ્કરો ચોરી કરીને ભાગી રહ્યા હતા. આ સમગ્ર વારદાત CCTV કેમેરામાં કેદ થઈ ગઈ છે. એક સ્થાનિક જાગૃત યુવકે ચોરોનો પીછો કરવાનો પ્રયાસ પણ કર્યો હતો, પરંતુ ત્રણેય તસ્કરો ભાગી જવામાં સફળ રહ્યા હતા.નાના કરાળા ગામે પણ રૂ. 6 લાખથી વધુની થઈ હતી ચોરીઆ પહેલાં ગત 17મી તારીખે નાના કરાળા ગામે પણ એક બંધ મકાનને નિશાન બનાવવામાં આવ્યું હતું. ત્યાંથી તસ્કરો રૂ. 6 લાખથી વધુની મત્તા ચોરી ગયા હોવાનો બનાવ બન્યો હતો. આમ, માત્ર 4 દિવસના ટૂંકા ગાળામાં જ બે મોટી ચોરીના બનાવો સામે આવ્યા છે.માત્ર 4 દિવસમાં બે મોટી ચોરીથી સ્થાનિકોમાં ફફડાટમાત્ર 4 દિવસમાં બે અલગ-અલગ ગામોમાં લાખો રૂપિયાની ઘરફોડ ચોરી થતાં શિનોર પંથકના ગ્રામજનોમાં ફફડાટ વ્યાપી ગયો છે. સતત વધતા જતા ગુનાખોરીના ગ્રાફને કારણે લોકો પોતાના ઘરની સુરક્ષાને લઈને ચિંતિત બન્યા છે.પોલીસના નાઈટ પેટ્રોલિંગ સામે ઊભા થયા ગંભીર સવાલોતસ્કરો બેફામ બનીને આવી મોટી ચોરીઓને અંજામ આપી રહ્યા છે, ત્યારે "પોલીસ ક્યાં છે?" તેવો તીખો સવાલ ઊભો થઈ રહ્યો છે. શિનોર પોલીસના નાઈટ પેટ્રોલિંગના દાવાઓ સામે પણ હવે ગંભીર પ્રશ્નાર્થચિહ્ન મુકાયું છે અને સ્થાનિકો ત્વરિત કડક પગલાં લેવાની માગ કરી રહ્યા છે.આ પણ વાંચો: Vadodara News : સેંકડો જગ્યાઓ ખાલી હોવા છતાં કેમ નથી ભરાતો સ્ટાફ? જાણો RMO એ SSG હોસ્પિટલની હાલત વિશે શું કર્યો ઘટસ્ફોટ...

Read Full Story arrow_forward
Ahmedabad News : ચાલતી બસમાં ગર્ભવતી મહિલાને ઉપડી પ્રસૂતિની પીડા, 108ની ટીમ બની દેવદૂત, કઠલાલ હાઇવે પર કરાવી સફળ ડિલિવરી
calendar_today October 22, 2026

Ahmedabad News : ચાલતી બસમાં ગર્ભવતી મહિલાને ઉપડી પ્રસૂતિની પીડા, 108ની ટીમ બની દેવદૂત, કઠલાલ હાઇવે પર કરાવી સફળ ડિલિવરી

ગુજરાતમાં 108 ઇમરજન્સી એમ્બ્યુલન્સ સેવા અવારનવાર જરૂરિયાતમંદો માટે જીવનરક્ષક સાબિત થતી હોય છે. તાજેતરમાં જ કઠલાલ હાઇવે પરથી એક અત્યંત પ્રેરણાદાયી અને રાહત આપતી ઘટના સામે આવી છે. અમદાવાદથી દાહોદ તરફ જઈ રહેલી એક બસમાં સફર કરી રહેલી સગર્ભા મહિલાને અચાનક રાત્રે 10:30 વાગ્યાના સુમારે અસહ્ય પ્રસૂતિની પીડા ઉપડતાં મુસાફરોમાં ગભરાટ ફેલાઈ ગયો હતો, પરંતુ 108ની ટીમે સમયસૂચકતા દાખવી મોટો ચમત્કાર સર્જ્યો હતો.બસના સ્ટાફની સતર્કતા અને 108ની ટીમની સત્વરે કામગીરીમહિલાની ગંભીર સ્થિતિ જોઈને બસના ડ્રાઇવર અને કંડક્ટરે ભારે સમજદારી વાપરીને તુરંત જ 108 ઇમરજન્સી સેવાને ફોન કરીને જાણ કરી હતી. આ કોલ મળતાની સાથે જ કઠલાલ વિસ્તારમાં ફરજ બજાવતી 108ની ટીમ ગણતરીની મિનિટોમાં ઘટનાસ્થળે દોડી આવી હતી. અમદાવાદ–ઇન્દોર હાઇવે પર ગાડવેલ નજીક આવેલા રજવાડી ચા સેન્ટર પાસે બસ રોકવામાં આવી હતી. 108ના ઈએમટી (EMT) કેશરીસિંહ ઝાલા અને પાયલોટ મહેન્દ્રસિંહ સોલંકીએ ક્ષણનો પણ વિલંબ કર્યા વગર એમ્બ્યુલન્સના સાધનો સાથે બસમાં પહોંચીને સ્થળ પર જ કુશળતાપૂર્વક મહિલાની સફળ પ્રસૂતિ કરાવી હતી.માતા અને નવજાતને પ્રાથમિક સારવાર આપી કઠલાલ CHC ખસેડાયાસ્થળ પર જ સફળ ડિલિવરી કરાવ્યા બાદ 108ની ટીમ દ્વારા ERCP ડૉક્ટરના ટેલિફોનિક માર્ગદર્શન હેઠળ માતા અને નવજાત બાળકને જરૂરી પ્રાથમિક સારવાર આપવામાં આવી હતી. ત્યારબાદ વધુ અને સઘન તબીબી દેખભાળ માટે બંનેને એમ્બ્યુલન્સ દ્વારા કઠલાલ સામૂહિક આરોગ્ય કેન્દ્ર (CHC) ખાતે સુરક્ષિત રીતે ખસેડવામાં આવ્યા હતા. 108 ટીમની આ અદ્ભુત સમયસૂચકતા, નિષ્ઠા અને સરાહનીય કામગીરીના કારણે એકસાથે બે જીવ બચી ગયા હતા, જેને લઈને પરિવારજનો અને નાગરિકો દ્વારા 108ની સમગ્ર ટીમને હૃદયપૂર્વક બિરદાવવામાં આવી રહી છે.આ પણ વાંચો : Ahmedabad News : આચાર્યો સામે થતી ખોટી ફરિયાદોથી મળશે મુક્તિ, શાળા સંચાલક મંડળે શાળાઓમાં પ્રવેશ નિયમોના પરિપત્રને વધાવ્યો

Read Full Story arrow_forward