Community News & Updates

Stay informed with the latest happenings, achievements, and announcements from our community.

All News

calendar_today January 2, 2026

Surat : માંડવીમાં ધર્માંતરણના મોટા રેકેટમાં સંડોવાયેલો વધુ એક શિક્ષક ઝડપાયો, તે ધર્માંતરણ માટે આવતા ફંડ નો હિસાબ રાખતો

સુરત જિલ્લાના માંડવીમાં ધર્માંતરણના મોટા રેકેટનો પર્દાફાશ થયો છે. ગત દિવસો આચાર્ય અને તબીબ સાથે બે શિક્ષક ઝડપાયા હતા. જ્યારે હવે વધુ એક શિક્ષક પોલીસ સકંજામાં આવ્યો છે. જે ધર્માંતરણ માટે આવતા ફંડ નો હિસાબ રાખતો હતો.લોકોને ખ્રિસ્તી ધર્મ અપનાવવા દબાણ કરતા  સુરત જિલ્લાના માંડવીમાં યુવતીને લગ્નની લાલચે ધર્મપરિવર્તન કરાવ્યાની ઘટના ગત દિવસોમાં બની હતી. જેમાં પોલીસે યુવતી ને ધર્મપરિવર્તન કરી તરછોડી દેનાર ડો અંકિત ચૌધરી તેમજ તેના પિતા આચાર્ય રામજી ચૌધરી ની જેતે સમયે ધરપકડ કરાઈ હતી. તેઓ પાસ્ટર તરીકે લોકોને ખ્રિસ્તી ધર્મ અપનાવવા દબાણ કરતા હતા. ત્યાર બાદ સમગ્ર મામલે માંડવી ડિવિઝન પોલીસે તપાસ શરૂ કરી હતી. તપાસ બાદ વધુ એક શિક્ષક નું નામ બહાર આવ્યું આ કેસમાં સૌથી ચોંકાવનારો ખુલાસો એ થયો છે કે સમાજને નવી રાહ ચીંધનાર શિક્ષક જ આ કાળા કારોબારમાં સામેલ હતા. પોલીસે અગાઉ એક શિક્ષક તેમજ અન્ય એક ઈસમ મળી બે ની ધરપકડ કરી હતી. લાંબી તપાસ બાદ વધુ એક શિક્ષક નું નામ બહાર આવ્યું છે. અને પોલીસે માસ્ટર માઈન્ડ રામજી ચૌધરી ના નજીક ના ગણાતા અને વ્યવસાયે વધુ એક શિક્ષક એવા રાકેશ ચંદુલાલ વસાવા ની ધરપકડ કરી છે. રાકેશ વસાવા પોતે રહસ્ય સચિવ તરીકે ઓળખાતો ઝડપાયેલ રાકેશ વસાવા પોતે રહસ્ય સચિવ તરીકે ઓળખાતો હતો. જે "ધ પ્રે ફોર ઓવરલાસ્ટિંગ લાઈફ ચેરીટેબલ ટ્રસ્ટ" ના સભ્ય તરીકે ધર્માંતરણની પ્રવૃત્તિઓમાં સક્રિય ભૂમિકા ભજવતા હતા. આ રાકેશ વસાવા ધર્માંતરણ માટે આવતા ફાંફા નો તમામ હિસાબ રાખતો હતો. તથા કોનું ધર્માંતરણ થયું , કોને જવાબદારી સોંપવી તે ફરજ રાકેશ વસાવા નિભાવતો હતો. પોતે એક શાળામાં અંગ્રેજી શિક્ષક તરીકે પણ ફરજ બજાવતો હોવાનું સામે આવ્યું છે. આદિવાસી સમાજના લોકોને ગેરમાર્ગે દોરવાનું કામ કરતા પાસ્ટર ના નજીક ના વ્યક્તિ બનીને આદિવાસી સમાજના લોકોને ગેરમાર્ગે દોરવાનું કામ કરતા હતા. ખાસ કરી ને અગાઉ ત્રણ દિવસ ખ્રિસ્તી ધર્મ ના યોજાયેલા કાર્યક્રમ માં પણ આ રાકેશ વસાવા ની સક્રિય ભૂમિકા રહી હોવાનું પણ પોલીસ તપાસ માં સામે આવ્યું છે. તેમજ એકી સાથે 20 થી વધુ વ્યક્તિઓ ને રાકેશ વસાવા એ ધર્મપરિવર્તન કરાવ્યા હોવાના કેટલાક પુરાવાઓ પણ પોલીસ ના હાથે લાગ્યા છે. આ પણ વાંચો----   Surendranagar જમીન કૌભાંડમાં તત્કાલીન કલેક્ટર રાજેન્દ્ર પટેલની ED દ્વારા ધરપકડ, તપાસમાં ચોંકાવનારા ઘટસ્ફોટની શક્યતા

Read Full Story arrow_forward

calendar_today January 2, 2026

Gir Somnath: કોડીનાર રેલવે સ્ટેશન બન્યું હવે દીપડાઓનું કાયમી સરનામું!

ગાયકવાડ શાસન વખતનું ઐતિહાસિક વિરાસત સમાન કોડીનારનું રેલવે સ્ટેશન આજે સ્થાનિકો માટે 'મૃત્યુના સ્ટેશન' સમાન બની ગયું છે. છેલ્લા 10 વર્ષથી મીટરગેજ ટ્રેન બંધ થતા જ રેલવે તંત્રએ આ મિલકતને રામભરોસે છોડી દીધી છે. આજે આ સ્ટેશન પરિસરમાં માણસ ડૂબી જાય તેટલા ગીચ બાવળો ઊગી નીકળ્યા છે, જેના કારણે શહેરની મધ્યમાં એક અઘોચર જંગલ ઉભું થયું છે. કોડિનાર રેલવે સ્ટેશન બન્યુ દીપડાઓનું કાયમી રહેઠાણ ભયના ઓથાર હેઠળ જીવતા રહીશો આ પરિસર હવે માત્ર અસામાજિક તત્વોનો અડ્ડો નથી, પણ હિંસક દીપડાઓનું કાયમી રહેઠાણ બની ગયું છે. થોડા સમય પહેલા જ એક માસૂમ બાળકીને હિંસક પશુએ ફાડી ખાધી હતી, છતાં તંત્રની આંખ ઉઘડતી નથી. 20 થી 25 સોસાયટીઓ વચ્ચે આવેલા આ 'કૃત્રિમ જંગલ'માં દીપડાઓની અવરજવર એટલી વધી ગઈ છે કે લોકો દિવસે પણ ઘરની બહાર નીકળતા ડરી રહ્યા છે. હજુ ગત અઠવાડિયે જ અહીંથી એક દીપડો પાંજરે પુરાયો છે. સ્થાનિકોનો તંત્ર સામે આક્રોશ તંત્રની વિચિત્ર કાર્યપદ્ધતિ સ્થાનિકોનો આક્રોશ તંત્રની જડતા સામે છે. એક તરફ રેલવે પોતે આ ગંદકી અને ઝાડી-ઝાંખરાની સફાઈ કરતું નથી, અને બીજી તરફ જો કોઈ સફાઈ કરવા તૈયાર થાય તો RPF કાયદાની આટીઘૂંટી બતાવીને રોકે છે. નગરપાલિકા રેલવેની હદ હોવાથી લાચાર છે. આમ, "મરો તો કોના વાંકે?" જેવી સ્થિતિમાં જનતા ફસાઈ છે. તંત્રના પાપે કોડીનારની જનતા મુશ્કેલીમાં સવાલ સુરક્ષાનો છે વિકાસના બણગા ફૂંકતું રેલવે મંત્રાલય શું નાગરિકોના જીવની કિંમત નથી સમજતું? નવા સ્ટેશનના નિર્માણમાં વિલંબ અને જૂની મિલકતની જાળવણીમાં બેદરકારી આ બંને વચ્ચે કોડીનારની જનતા પિસાઈ રહી છે. શું તંત્ર કોઈ મોટી જાનહાનિની રાહ જોઈ રહ્યું છે? હવે સમય આવી ગયો છે કે રેલવે તંત્ર પોતાની કુંભકર્ણ નિંદ્રા ત્યાગીને આ જંગલ સાફ કરે અને જનતાને ભયમુક્ત કરે.આ પણ વાંચોઃ Ambaji:માં અંબાના ધામે ભક્તિનો શણગાર, અંબાજી મંદિરમાં અર્પણ કરાયો 43.51 લાખનો રત્નજડિત સુવર્ણ મુગટ

Read Full Story arrow_forward

calendar_today January 2, 2026

Gandhinagar: સરકારે સારી બસોની વ્યવસ્થા કરી, હવે ચલાવવાની જવાબદારી તમારી: મુખ્યમંત્રી ભૂપેન્દ્ર પટેલ

ગુજરાત એસટીના નવા કર્મચારીઓને ડિજિટલ નિમણૂક પત્રો એનાયત કરવામાં આવ્યા છે. પ્રથમવાર ટેકનોલોજીના માધ્યમથી નિમણૂક પત્રો એનાયત કરાયા છે. નાયબ મુખ્યમંત્રી હર્ષ સંઘવીએ સ્ટેજ પરથી ઉમેદવારોને જાણ કરી હતી. આજે ગાંધીનગરમાં વાહન વ્યવહાર વિભાગ દ્વારા 3084 ડ્રાઈવર અને કંડક્ટર સહિતના કર્મચારીઓને નિમણૂક પત્ર એનાયત કરવામાં આવ્યા હતાં. મુશ્કેલીઓ આવે પણ મગજને શાંત રાખવું ગુજરાત એસટીના ડ્રાઈવર અને કંડક્ટરના નિમણૂક પત્રોના કાર્યક્રમમાં મુખ્યમંત્રી ભૂપેન્દ્ર પટેલે કહ્યું હતું કે, આંગળી ચિંધ્યાનું પુણ્ય મળે તો આ ખૂબ મોટો અવસર છે. વડાપ્રધાન મોદીએ લોકો સુધી પહોંચવા હંમેશા પ્રયત્નો કર્યા છે. તેમાં સારી રીતે સહભાગી થવાનો પ્રયત્ન થવો જોઈએ. સરકારી સારી બસોની વ્યવસ્થા કરી છે. હવે આ બસો ચલાવવાની જવાબદારી તમારા સૌની છે. અમે ક્યાંય પહોંચીએ તે પહેલા રીલ પહોંચી જાય છે. કોઈ વસ્તુને નકારાત્મક લેવાની જરૂર નથી. બસના તમામ મુસાફરોને તમારા પર ભરોસો છે. મુશ્કેલીઓ આવે પણ મગજને શાંત રાખવું. એસટીના ડ્રાઈવર અને કંડક્ટર બીજાના પરિવાર માટે કામ કરે છે ગુજરાતમાં એસટી બસના ડ્રાઈવર અને કંડક્ટરના નિમણૂક પત્રોના કાર્યક્રમમાં હર્ષ સંઘવીએ કહ્યું હતું કે, એસટી વિભાગ 24 કલાક કામ કરે છે. મુખ્યમંત્રીના હસ્તે આજે નિમણૂક પત્રો એનાયત કરાયા છે. એસટીના ડ્રાઈવર અને કંડક્ટર બીજાના પરિવાર માટે કામ કરે છે. 27 લાખ પેસેન્જરનો ટાર્ગેટ પૂર્ણ કર્યો છે. 30 લાખ લોકોને સેવા આપવાનો એસટી વિભાગનો ટાર્ગેટ છે. નવી બસો ઉમેરાતા આ ટાર્ગેટ પણ પૂર્ણ થશે. હાઈવે અને શહેરમા ટ્રાફિકનું પ્રમાણ ઘટી જશે. 2025માં રાજ્યમાં એસટીની 1714 નવી બસ મુકાઈ છે. 962 સુપર એક્સપ્રેસ અને 30 વોલ્વો અને 100 AC બસ મુકાઇ છે. આ પણ વાંચોઃ Surendranagar જમીન કૌભાંડમાં તત્કાલીન કલેક્ટર રાજેન્દ્ર પટેલની ED દ્વારા ધરપકડ, તપાસમાં ચોંકાવનારા ઘટસ્ફોટની શક્યતા

Read Full Story arrow_forward