Community News & Updates

Stay informed with the latest happenings, achievements, and announcements from our community.

All News

calendar_today February 5, 2026

Kachchh News: 400 કર્મચારીઓની સામૂહિક બદલીના નિર્ણય સામે ભારે અસંતોષ

કચ્છ જિલ્લા પંચાયતના આરોગ્ય વિભાગમાં ફરજ બજાવતા કર્મચારીઓની સામુહિક બદલી લઈને કર્મચારીમાં અસંતોષ જોવા મળી રહ્યો છે.એક સાથે 400 જેટલા કર્મચારીઓની સામૂહિક બદલી કરવામાં આવી હતી.આજે આરોગ્ય કર્મચારી જિલ્લા પંચાયતમાં રજૂઆત કરવા માટે પહોંચ્યા હતા. સામૂહિક બદલીને લઈ કર્મચારીઓ રોષે ભરાયા કચ્છ જિલ્લા પંચાયતના આરોગ્ય વિભાગમાં ફરજ બજાવતા અંદાજે 400 કર્મચારીઓની સામૂહિક બદલીના નિર્ણય સામે કર્મચારીઓમાં ભારે અસંતોષ જોવા મળી રહ્યો છે.આ મુદ્દે આજે આરોગ્ય વિભાગના કર્મચારીઓ જિલ્લા પંચાયત કચેરીએ રજુઆત કરવા પહોંચ્યા હતા.જ્યાં તેમણે જિલ્લા વિકાસ અધિકારી તેમજ જિલ્લા આરોગ્ય અધિકારીને મળીને રૂબરૂ રજૂઆત કરી હતી.આ સામૂહિક બદલીનો નિર્ણય પુનર્વિચાર કરવામાં આવે તેવી રજૂઆત કર્મચારી દ્વારા કરવામાં આવી છે.આ મામલે હવે જિલ્લા પંચાયત શુ નિર્ણય કરે છે તે હવે જોવું રહ્યું.

Read Full Story arrow_forward

calendar_today February 5, 2026

SIRમાં અડચણ રૂપ બની રહી છે મમતા સરકાર, ECIએ સુપ્રીમ કોર્ટમાં લગાવ્યા આરોપ

પશ્ચિમ બંગાળમાં સ્પેશિયલ ઈન્ટેન્સિવ રિવિઝન (SIR) પર ભારતીય ચૂંટણી પંચ (ECI) અને મમતા બેનર્જી સરકાર વચ્ચે મતભેદ છે. બંને એકબીજા પર ગંભીર આરોપો લગાવી રહ્યા છે. ગુરુવારે, ચૂંટણી પંચે સુપ્રીમ કોર્ટને જણાવ્યું હતું કે પશ્ચિમ બંગાળ સરકાર મતદાર યાદીઓના સ્પેશિયલ ઇન્ટેન્સિવ રિવિઝન (SIR)માં સમસ્યાઓ ઉભી કરી રહી છે.મમતા સરકારે સુપ્રીમ કોર્ટમાં ચૂંટણી પંચના નિવેદનનો જવાબ આપ્યો નથી ECIએ જણાવ્યું હતું કે પશ્ચિમ બંગાળમાં SIR દરમિયાન હિંસાની ધમકીઓ અને સતત રાજકીય દખલગીરીએ એવી પરિસ્થિતિઓ બનાવી છે, જેમાં ચૂંટણી અધિકારીઓ તેમની કાનૂની ફરજો નિભાવવામાં અસમર્થ છે. મમતા બેનર્જી સરકારે હજુ સુધી સુપ્રીમ કોર્ટમાં ચૂંટણી પંચના નિવેદનનો જવાબ આપ્યો નથી. એવું માનવામાં આવે છે કે TMC ટૂંક સમયમાં ચૂંટણી પંચ સામે બદલો લઈ શકે છે. ચૂંટણી પંચે સોગંદનામામાં શું આરોપો લગાવ્યા? એક સોગંદનામામાં ચૂંટણી પંચે આરોપ લગાવ્યો છે કે જ્યારે અન્ય રાજ્યોમાં SIR મતગણતરીનો તબક્કો સરળતાથી અને કોઈ ઘટના વિના પાર પડ્યો, ત્યારે પશ્ચિમ બંગાળમાં પ્રક્રિયામાં સામેલ ચૂંટણી અધિકારીઓ સામે હિંસા, ધમકીઓ અને અવરોધની અસંખ્ય ઘટનાઓ બની. ક્યારેક, ચૂંટણી પંચના અધિકારીઓના જીવ જોખમમાં મુકાયા હતા. ચૂંટણી પંચનો આરોપ છે કે રાજકીય હસ્તક્ષેપને કારણે આવી પરિસ્થિતિઓ ઉભી થઈ રહી છે. રાજ્ય સરકાર આને નિયંત્રિત કરવામાં અસમર્થ છે અને તેના બદલે ચૂંટણી પંચના કાર્ય પર પ્રશ્ન ઉઠાવી રહી છે, જે સંપૂર્ણપણે અસત્ય છે. મતદાર યાદીની અધિકૃતતા શંકાસ્પદ હોવાનો ECIનો દાવો ECIએ દાવો કર્યો છે કે 2025ની મતદાર યાદીની પ્રામાણિકતા શંકાસ્પદ છે કારણ કે વર્તમાન SIR 58 લાખથી વધુ ગેરહાજર, મૃત અને સ્થાનાંતરિત મતદારોને ઓળખે છે અને મતદાર નોંધણી અધિકારીઓ દ્વારા આશરે 1.51 કરોડ નોટિસ ઈસ્યુ કરવામાં આવી રહી છે. તેથી, તેનો ઉપયોગ આગામી વિધાનસભા ચૂંટણીઓ માટે કરી શકાતો નથી, તે દલીલ કરે છે. SIRની બંધારણીયતા પર પ્રશ્ન? આ મામલો સુપ્રીમ કોર્ટમાં ચાલી રહેલી અરજીઓ સાથે સંબંધિત છે જેમાં SIRની બંધારણીયતા પર સવાલ ઉઠાવવામાં આવ્યા છે. અંતિમ મતદાર યાદી 14 ફેબ્રુઆરી, 2026ના રોજ પ્રકાશિત થવાની છે. તૃણમૂલ કોંગ્રેસ અને અન્ય વિપક્ષી પક્ષો તેને રાજકીય રીતે પક્ષપાતી ગણાવી રહ્યા છે, જ્યારે ચૂંટણી પંચ તેને પારદર્શક અને જરૂરી પ્રક્રિયા માને છે. SIRને લઈને ચૂંટણી પંચ વિપક્ષી પક્ષો તરફથી ટીકાનો ભોગ બન્યું છે.આ પણ વાંચો : Knowledge: લોકસભાની અંદર કેવી રીતે જળવાય છે પીએમની સુરક્ષા, શું ગૃહની અંદર SPG હોય છે હાજર?

Read Full Story arrow_forward

calendar_today February 5, 2026

Vadodara News: હાવડા- અમદાવાદ એક્સપ્રેસ ટ્રેનમાંથી 12 કિલો ગાંજો ઝડપાયો

ગુજરાતમાં નશીલા પદાર્થોની હેરાફેરી રોકવા માટે પોલીસ દ્વારા સતત વોચ રાખવામાં આવી રહી છે. જે અંતર્ગત પશ્ચિમ રેલવે જીઆરપી વડોદરા SOG અને NDPS ડેડિકેટેડ ટીમે એક મોટી સફળતા મેળવી છે. હાવડા-અમદાવાદ એક્સપ્રેસ ટ્રેનમાં હાથ ધરવામાં આવેલા સર્ચ ઓપરેશન દરમિયાન લાખોની કિંમતનો ગાંજાનો જથ્થો બિનવારસી હાલતમાં મળી આવ્યો છે.ચેકિંગ દરમિયાન મળી આવ્યો જથ્થો ઘટનાની મળતી માહિતી અનુસાર, રેલવે પોલીસની ખાસ ટીમ ટ્રેનોમાં માદક પદાર્થોની હેરાફેરી રોકવા માટે સઘન ચેકિંગ કરી રહી હતી. આ દરમિયાન હાવડા-અમદાવાદ એક્સપ્રેસ ટ્રેન વડોદરા રેલવે સ્ટેશન પર આવતા તેમાં તપાસ હાથ ધરવામાં આવી હતી. તપાસ દરમિયાન એક શંકાસ્પદ બેગ મળી આવી હતી, જેનો કોઈ માલિક હાજર ન હતો. પોલીસે બેગની તપાસ કરતા તેમાંથી નશીલા પદાર્થ ગાંજાનો જથ્થો મળી આવ્યો હતો. કુલ 12 કિલોથી વધુનો જથ્થો જપ્ત પોલીસની આ કાર્યવાહીમાં કુલ 12.360 કિલોગ્રામ ગાંજો જપ્ત કરવામાં આવ્યો છે, જેની બજાર કિંમત અંદાજે રૂપિયા 6,18,000 થાય છે. પોલીસે આ તમામ જથ્થો કબ્જે કરી NDPS એક્ટ હેઠળ ગુનો નોંધવાની તજવીજ હાથ ધરી છે. આ ગાંજો કોણે મૂક્યો હતો અને ક્યાં પહોંચાડવાનો હતો, તે દિશામાં સીસીટીવી ફૂટેજની મદદથી વધુ તપાસ શરૂ કરવામાં આવી છે. રેલવે પોલીસની આ સતર્કતાને કારણે નશીલા દ્રવ્યોના સ્મગલિંગનું મોટું નેટવર્ક પકડાય તેવી શક્યતા છે. આ પણ વાંચો - Vadodara News: ભૂલ તંત્રની, ભોગ જનતાનો! મનપાની લાપરવાહીને કારણે રાજમહેલ રોડ પર ટ્રક ફસાઈ

Read Full Story arrow_forward