Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 11 જાન્યુઆરીના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.
Read Full Story arrow_forward
મહીસાગર જિલ્લાના સંતરામપુર નગરમાં ભૂમાફિયાઓ બેકાબુ બની રહ્યા હોય તેમ લાગી રહ્યું છે. વિસ્તારના કુખ્યાત ભૂમાફિયા અફઝલ કોઠારીએ ધોળા દિવસે એક હોટલમાં ઘૂસીને મોટાપાયે તોડફોડ કરી હોવાની ઘટના સામે આવી છે. આ મામલે પોલીસે અફઝલ કોઠારી સહિત અન્ય 4 લોકો સામે કાયદેસરની કાર્યવાહી હાથ ધરી છે.ભર બપોરે કટર મશીનથી તોડફોડ ઘટનાની મળતી માહિતી અનુસાર, સંતરામપુરના કુખ્યાત ભૂમાફિયા અફઝલ કોઠારીએ અન્ય ચાર શખ્સો સાથે મળીને એક હોટલ પર હુમલો કર્યો હતો. આ શખ્સોએ પોતાની સાથે કટર મશીન લાવીને હોટલના ફર્નિચર અને મિલકતને ભારે નુકસાન પહોંચાડ્યું હતું. આટલું જ નહીં, હુમલાખોરોએ હોટલ માલિકને જાતિ વિષયક અપશબ્દો બોલીને અપમાનિત કર્યા હતા. અગાઉ પણ અનેક ગુનાઓમાં સંડોવણી અફઝલ કોઠારી સામે સંતરામપુર પોલીસ મથકમાં અગાઉ પણ બે વખત ગંભીર ફરિયાદો નોંધાઈ ચૂકી છે. અગાઉ સંતરામપુર બાયપાસ પાસે સરકારી જમીન પર ગેરકાયદેસર કબજો કરવાના પ્રયાસ બદલ વહીવટી તંત્ર દ્વારા તેની સામે પોલીસ ફરિયાદ કરવામાં આવી હતી. વારંવાર કાયદો હાથમાં લેતા આ ભૂમાફિયા સામે હવે સ્થાનિક લોકોમાં ભારે રોષ જોવા મળી રહ્યો છે. પોલીસ કાર્યવાહી અને લોક માગ સંતરામપુર પોલીસે આ મામલે હોટલ માલિકની ફરિયાદના આધારે અફઝલ કોઠારી અને અન્ય ચાર શખ્સો વિરૂદ્ધ એટ્રોસિટી એક્ટ અને મિલકતને નુકસાન પહોંચાડવા બદલ ગુનો નોંધી તેમની ધરપકડના ચક્રો ગતિમાન કર્યા છે. પંથકમાં વધી રહેલા ભૂમાફિયાઓના આતંકને ડામવા માટે પોલીસ અને વહીવટી તંત્ર કડક પગલાં ભરે તેવી લોક માગ ઉઠી છે. આ પણ વાંચો - Mahisagar માં 'લૂંટેરી દુલ્હન'નો શિકાર, લગ્નના માત્ર 10 જ દિવસમાં દુલ્હન રોકડ-દાગીના લઈ રફુચક્કર
Read Full Story arrow_forward
ગુજરાતના પાટનગર ગાંધીનગરમાં ટાઈફોઈડના કેસોમાં સતત વધારો થતા આરોગ્ય તંત્ર દોડતું થયું છે. છેલ્લા કેટલાક દિવસોથી રોગચાળો વકરતા ટાઈફોઈડના કુલ કેસનો આંકડો 200ને પાર કરી ગયો છે. સત્તાવાર માહિતી મુજબ, ગાંધીનગરમાં અત્યાર સુધીમાં ટાઈફોઈડના કુલ 205 પોઝિટિવ કેસ નોંધાયા છે, જેણે સ્થાનિક રહીશોમાં ફફડાટ ફેલાવ્યો છે.હોસ્પિટલની સ્થિતિ અને રિકવરી ગાંધીનગરની સિવિલ હોસ્પિટલ અને અન્ય ખાનગી હોસ્પિટલોમાં હાલમાં ટાઈફોઈડના 70 દર્દીઓ સારવાર હેઠળ છે. રાહતની વાત એ છે કે, યોગ્ય સારવાર બાદ અત્યાર સુધીમાં 13 દર્દીઓને હોસ્પિટલમાંથી રજા આપવામાં આવી છે. જોકે, નવા કેસો સામે આવવાનું ચાલુ રહેતા હોસ્પિટલોમાં બેડની વ્યવસ્થા અને દવાનો જથ્થો પૂરતો રાખવા સૂચના આપવામાં આવી છે. ગાંધીનગર મહાનગરપાલિકાની કામગીરી રોગચાળાને કાબૂમાં લેવા માટે ગાંધીનગર મહાનગરપાલિકા દ્વારા સઘન સર્વેલન્સની કામગીરી યથાવત્ રાખવામાં આવી છે. આરોગ્ય ટીમો દ્વારા ઘરે-ઘરે જઈને પાણીના સેમ્પલ લેવા, ક્લોરીનેશનની તપાસ કરવી અને બીમાર લોકોની વિગતો એકત્રિત કરવામાં આવી રહી છે. ખાસ કરીને દૂષિત પાણી અને ખોરાકને કારણે ટાઈફોઈડ ફેલાતો હોવાથી તંત્ર દ્વારા લોકોને ઉકાળેલું પાણી પીવા અને બહારનો ખુલ્લો ખોરાક ન ખાવા અપીલ કરવામાં આવી છે. આ પણ વાંચો - Gandhinagar: મેટ્રો કનેક્ટિવિટીનો નવો યુગ, ગાંધીનગરના મહાત્મા મંદિરથી PM મોદી મેટ્રોને આપશે લીલીઝંડી
Read Full Story arrow_forward