Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 26 ઓક્ટોબરના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો
Read Full Story arrow_forward
કોંગ્રેસના રાષ્ટ્રીય અધ્યક્ષ મલ્લિકાર્જુન ખડગે દ્વારા વડાપ્રધાન નરેન્દ્ર મોદીના સ્વર્ગસ્થ પિતા વિરુદ્ધ કરવામાં આવેલી વિવાદાસ્પદ ટિપ્પણીનો મામલો હવે શાંત પડવાને બદલે રસ્તા પર આવી ગયો છે. પાટનગર ગાંધીનગરમાં પ્રદેશ ભાજપ અને કોંગ્રેસના કાર્યકરો આમને-સામને આવી જતાં વાતાવરણ અત્યંત તણાવપૂર્ણ બની ગયું હતું. પ્રદેશ ભાજપના અગ્રણી નેતાઓ અને કાર્યકરોએ ઘ-૫ સર્કલથી કોંગ્રેસ સમિતિ કાર્યાલય સુધી ૫૦૦ મીટર લાંબી આક્રોશ રેલી યોજીને જોરદાર સૂત્રોચ્ચાર સાથે વિરોધ નોંધાવ્યો હતો. તો બીજી તરફ, કોંગ્રેસના કાર્યકરોએ પણ સામે આવીને ‘મેલોડી ચોકલેટ’ બતાવી અને રામધૂન બોલાવી ભાજપના વિરોધ સામે અનોખો વળતો પ્રહાર કર્યો હતો.ઘ-૫ થી કોંગ્રેસ કાર્યાલય સુધી ભાજપનો ઉગ્ર મોરચોભાજપ પ્રદેશ પ્રમુખ જગદીશ વિશ્વકર્મા અને ગુજરાત પ્રદેશ પ્રભારી તરુણ ચૂઘના નેતૃત્વમાં અમદાવાદ અને ગાંધીનગરના ચૂંટાયેલા જનપ્રતિનિધિઓ, ધારાસભ્યો અને સંગઠનના હોદ્દેદારો મોટી સંખ્યામાં એકઠા થયા હતા. કાર્યકરોએ ઘ-૫ સર્કલથી ગાંધીનગર કોંગ્રેસ સમિતિ કાર્યાલય સુધી 500 મીટર સુધી કૂચ કરી ખડગે અને ગાંધી પરિવાર વિરુદ્ધ ઉગ્ર સૂત્રોચ્ચાર કર્યા હતા.ભાજપ એસસી મોરચાના અધ્યક્ષ કિરીટ સોલંકીએ પ્રહાર કરતાં જણાવ્યું કે, "આ ઉંમરે મલ્લિકાર્જુન ખડગેના આવા નિવેદન પર દયા આવે છે. દેશ આજે સાચી દિશામાં વિકાસ તરફ આગળ વધી રહ્યો છે ત્યારે કોંગ્રેસ સત્તા ગુમાવીને માત્ર વિરોધ પૂરતી સીમિત રહી ગઈ છે. રાહુલ ગાંધી અને તેમની ટીમ સતત અલોકતાંત્રિક રીતે વર્તી રહી છે અને પીએમના પરિવારનું અપમાન કરીને પોતાની નબળી માનસિકતા પ્રદર્શિત કરી રહી છે, જેને અમે સખત શબ્દોમાં વખોડીએ છીએ."સામે કોંગ્રેસનો અનોખો પલટવાર: ‘મેલોડી ચોકલેટ’ બતાવી રામધૂન ગાઈભાજપના કાર્યકરો વિરોધ કરતા કોંગ્રેસ કાર્યાલય બહાર પહોંચ્યા ત્યારે કોંગ્રેસના કાર્યકરો પણ હાથમાં બેનરો અને ચોકલેટ લઈને સામસામે આવી ગયા હતા.કોંગ્રેસના આગેવાનોએ હાથમાં ‘મેલોડી ચોકલેટ’ લહેરાવીને કટાક્ષ કર્યો હતો કે, "ભાજપના નેતાઓ દેશની બહાર જઈને વિદેશોમાં ચોકલેટ વહેંચે છે, અમે અહીં એમના નેતાઓને ચોકલેટ આપી રહ્યા છીએ."ભાજપના નેતાઓને સદબુદ્ધિ મળે તે હેતુથી કોંગ્રેસી કાર્યકરોએ કાર્યાલય પરિસરમાં સામૂહિક રામધૂન ગાઈ હતી.કોંગ્રેસના નેતાઓએ વળતો પ્રહાર કરતાં જણાવ્યું કે, "ખડગેજીના નિવેદન પહેલાં ભાજપના જ નેતાઓએ વિપક્ષી નેતાઓ અને તેમના પરિવારો વિરુદ્ધ અસંખ્ય અભદ્ર નિવેદનો આપ્યા છે. રાજકારણમાં ગાળાગાળી અને કનિષ્ઠ સ્તરની કેડી ભાજપે પોતે જ કંડારી છે અને હવે તેઓ જ મુદ્દો બનાવીને વિરોધ કરવાનો ઢોંગ કરી રહ્યા છે."આ પણ વાંચો: Narmada: એકતા પરેડ પહેલાં એકતાનગરમાં ડેન્ગ્યુનો કહેર; આસામથી આવેલા 40 પૈકી 21 જવાનો પોઝિટિવ, આરોગ્ય તંત્રમાં દોડધામ
Read Full Story arrow_forward
રાજકોટ-સુરેન્દ્રનગર બાદ હવે અમદાવાદમાં પોલીસ દ્વારા આરોપી પર ફાયરિંગ થવાની ઘટના સામે આવી છે. 10 દિવસમાં આ ફાયરિંગની ચોથી ઘટના છે. જે કારણે આરોપીઓમાં ભારે ડરનો માહોલ જોવા મળી રહ્યો છે. અમદાવાદ ક્રાઈમ બ્રાન્ચ કસ્ટડીમાંથી ગુનેગારોના ભાગવાના કિસ્સામાં વધુ એક ચોંકાવનારી ઘટના સામે આવી છે. 25 કરોડના ચકચારી ડ્રગ્સ કેસમાં પકડાયેલા મુખ્ય આરોપી કાફિલ અહેમદે પોલીસ પકડમાંથી નાસી છૂટવાનો નિષ્ફળ પ્રયાસ કર્યો હતો. સાંજે અંદાજે 4:30 વાગ્યાના અરસામાં સાબરમતી રિવરફ્રન્ટ વિસ્તારમાં આ ફિલ્મી ઢંગની ઘટના બની હતી.મેડિકલ ચેકઅપ માટે લઈ જવાતો હતો આરોપીપ્રાપ્ત વિગતો અનુસાર, આરોપી કાફિલ અહેમદને નિયમિત પ્રક્રિયાના ભાગરૂપે રૂટિન મેડિકલ ચેકઅપ માટે હોસ્પિટલ તરફ લઈ જવામાં આવી રહ્યો હતો. આ દરમિયાન તેણે પોલીસ કાફલાને ચકમો આપીને અચાનક નાસી જવાની ચાલબાજી રમી હતી અને મુખ્ય માર્ગ પર જ પોલીસ કર્મચારીઓ સાથે ભારે ઝપાઝપી શરૂ કરી દીધી હતી.પોલીસ સાથે ઝપાઝપી થતાં ચલાવવી પડી ગોળીઆરોપી દ્વારા ભાગી છૂટવાના આક્રમક પ્રયાસ અને પોલીસ સાથેની મારામારી-ઝપાઝપી દરમિયાન પરિસ્થિતિ વણસી હતી. પરિસ્થિતિને કાબૂમાં લેવા અને આરોપીને વધુ આગળ વધતો અટકાવવા માટે પોલીસે બળપ્રયોગ કરવો પડ્યો હતો. આ દરમિયાન ગોળી વાગવાથી આરોપી કાફિલ અહેમદના પગમાં ગંભીર ઈજા પહોંચી હતી.કડક સુરક્ષા વચ્ચે આગળની કાનૂની કાર્યવાહી શરૂઘટનાની જાણ થતાં જ ઉચ્ચ પોલીસ અધિકારીઓ પણ તાત્કાલિક દોડી આવ્યા હતા. પગમાં ઈજા પામેલા આરોપી કાફિલ અહેમદને તાત્કાલિક ધોરણે સારવાર માટે હોસ્પિટલ ખસેડવામાં આવ્યો છે. આ ગંભીર ઘટના બાદ ક્રાઈમ બ્રાન્ચે આરોપીની સુરક્ષા વધારી દીધી છે અને ડ્રગ્સ કેસની સાથે આ ભાગવાના પ્રકરણમાં પણ કડક તપાસના ચક્રો ગતિમાન કર્યા છે. =આ પહેલા બનેલી ફાયરિંગની ત્રણ ઘટનાઓબુટલેગરે SMCની ટીમ પર ગાડી ચઢાવવાનો પ્રયાસ કર્યો, પોલીસે કર્યું ફાયરિંગ22 ઓક્ટોબર: અમદાવાદ શહેરમાં પોલીસ અને બુટલેગરો વચ્ચે લુકાછૂપીનો સિલસિલો યથાવત જોવા મળી રહ્યો છે. તાજેતરમાં જ સ્ટેટ મોનિટરિંગ સેલ (SMC) ની ટીમે દારૂની હેરાફેરી કરતા અસામાજિક તત્વો પર સકંજો કસ્યો છે. અમદાવાદ શહેરના ઇન્દિરા સર્કલ નજીક દારૂ ભરેલી એક શંકાસ્પદ ગાડીને રોકવા માટે ગયેલી પોલીસ ટીમ પર બુટલેગરે જીવલેણ હુમલો કરવાનો પ્રયાસ કર્યો હતો. આ ઘટના દરમિયાન વાતાવરણ એકદમ તણાવપૂર્ણ બની ગયું હતું અને ફિલ્મી દ્રશ્યો સર્જાયા હતા. જેમાં પોલીસે બુટલેગરની કાર પર ફાયરિંગ કર્યું હતું.રેન્જ IG નિર્લિપ્ત રાયની ટીમ પર હુમલો, કુખ્યાત બુટલેગર પર પોલીસે કર્યું ફાયરિંગ16 ઓક્ટોબર: સુરેન્દ્રનગર જિલ્લાના સાયલા વિસ્તારમાં કાયદો અને વ્યવસ્થાને પડકારતી એક મોટી ઘટના સામે આવી છે. રેન્જ આઈજી નિર્લિપ્ત રાયની ખાસ ટીમ પર કુખ્યાત અને નામચીન આરોપી દ્વારા હુમલો કરવામાં આવ્યો હતો. આ હુમલાના જવાબમાં પોલીસે કરેલી આત્મરક્ષણાત્મક કાર્યવાહી દરમિયાન આરોપીના પગમાં ગોળી વાગતા તે ઇજાગ્રસ્ત થયો છે. પોલીસ પ્રશાસનની આ કડક કાર્યવાહીથી અપરાધીઓમાં ફફડાટ વ્યાપી ગયો છે.રાજકોટમાં 1.53 કરોડના લૂંટ વિથ મર્ડર કેસના આરોપીએ પોલીસ પર કર્યું ફાયરિંગ, PSI એ ગોળી ધરબી દીધી!16 ઓક્ટોબર: રાજકોટના બહુચર્ચિત રૂપિયા 1.53 કરોડની લૂંટ વિથ મર્ડર (લાલજી સરધારા હત્યા કેસ) માં રિમાન્ડ હેઠળ રહેલા મુખ્ય આરોપી અનુરાગસિંહ રાજપૂતે હથિયાર રિકવરી માટે લઈ જવાતી વખતે અચાનક પોલીસ ટીમ પર બે રાઉન્ડ ફાયરિંગ કરી દીધું હતું. પોતાના બચાવમાં ત્વરિત પગલાં ભરી ક્રાઈમ બ્રાન્ચના PSI વનરાજસિંહ ડોડિયાએ જવાબી કાર્યવાહીમાં એક રાઉન્ડ ફાયરિંગ કરતાં આરોપી પગમાં ગોળી વાગવાથી ઘાયલ થયો હતો.આ પણ વાંચો: Ahmedabad News: મહારાષ્ટ્રથી હથિયારો ઘૂસાડવાનું ષડયંત્ર નાકામ, રામોલ પોલીસે 2 દેશી પિસ્તોલ સાથે યુવકને દબોચ્યો
Read Full Story arrow_forward