Community News & Updates

Stay informed with the latest happenings, achievements, and announcements from our community.

All News

calendar_today October 16, 2026

Rajkotમાં બાળકી હત્યા કેસમાં પોલીસનો મોટો ખુલાસો, જન્મદાત્રી જ નીકળી હત્યારી!

રાજકોટ શહેરમાં ચકચાર મચાવનારા માસૂમ બાળકીની હત્યાના કેસમાં પોલીસે ત્વરિત કાર્યવાહી કરીને મોટો ખુલાસો કર્યો છે. બાળકીની હત્યાના ગંભીર મામલે તપાસ હાથ ધરીને પોલીસે તેની જ આરોપી સગી માતાની સત્તાવાર ધરપકડ કરી લીધી છે. પોતાની જ માસૂમ બાળકીનો જીવ લેનારી નિષ્ઠુર માતાની ધરપકડ થતાં જ સમગ્ર રાજકોટ શહેરમાં ભારે અરેરાટી અને શોકની કાલિમા છવાઈ ગઈ છે.પોલીસની ત્વરિત કાર્યવાહી, કાનૂની શિકંજો મજબૂત કરાયોબાળકીના કરૂણ મોત બાદ પોલીસે આશંકાના આધારે હાથ ધરેલી ઊંડાણપૂર્વકની તપાસ અને પૂછપરછ દરમિયાન ચોંકાવનારી વિગતો સામે આવી હતી. તમામ પુરાવાઓ એકત્ર કર્યા બાદ પોલીસે આરોપી માતા સામે ગુનો નોંધી તેની અટકાયત કરી હતી. પોલીસે કાયદાકીય પ્રક્રિયા પૂર્ણ કરીને આરોપી માતા સામે હત્યાનો ગુનો દાખલ કરી આગળની સઘન તપાસ હાથ ધરી છે.કોર્ટે આરોપી માતાને જ્યુડિશિયલ કસ્ટડી હેઠળ જેલ મોકલીધરપકડ બાદ પોલીસે આરોપી માતાને અદાલત સમક્ષ રજૂ કરી હતી. કોર્ટે કેસની ગંભીરતાને ધ્યાનમાં રાખીને આરોપી માતાને જ્યુડિશિયલ કસ્ટડી હેઠળ જેલહવાલે કરવાનો હુકમ કર્યો છે. માસૂમ બાળકીની હત્યા પાછળનું સાચું કારણ શું હતું અને કયા સંજોગોમાં આ પગલું ભરવામાં આવ્યું તે દિશામાં પોલીસ વધુ તપાસ ચલાવી રહી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 16, 2026

Ahmedabad : L’Oréalના નામે નકલી કોસ્મેટિક્સનું કૌભાંડ ઝડપાયું, 6.90 લાખનો મુદ્દામાલ જપ્ત

અમદાવાદ શહેરમાં જાણીતી લોરીયલ કંપનીના નામે ડુપ્લિકેટ અને નકલી કોસ્મેટિક સામગ્રી વેચવાનું મોટું નેટવર્ક પકડાયું છે. અમદાવાદ ક્રાઇમ બ્રાન્ચની એસઓજી ટીમે બાતમીના આધારે ધી કાંટા રોડ પર આવેલી બે જાણીતી દુકાનોમાં દરોડા પાડ્યા હતા. આ સંયુક્ત કાર્યવાહી દરમિયાન પોલીસે બે વેપારીઓની ધરપકડ કરી રૂ. 6.90 લાખનો મુદ્દામાલ કબજે કરી કોપીરાઇટ એક્ટ હેઠળ ગુનો નોંધ્યો છે.ગેરકાયદેસર રીતે નકલી સામાનનું વેચાણ પોલીસ સૂત્રો પાસેથી મળેલી પ્રાથમિક માહિતી અનુસાર, બ્રાન્ડેડ કોસ્મેટિક બનાવતી લોરીયલ કંપનીના અધિકૃત પ્રતિનિધિ દ્વારા અમદાવાદ પોલીસને ચોક્કસ માહિતી આપવામાં આવી હતી. આ માહિતીમાં જણાવવામાં આવ્યું હતું કે શહેરના ધી કાંટા રોડ વિસ્તારમાં આવેલી દુકાનોમાં બ્રાન્ડના નામે ગેરકાયદેસર રીતે નકલી સામાનનું વેચાણ થઈ રહ્યું છે. માય બ્યુટી સેન્ટર તેમજ લક્ષ્મી બ્યુટી શોપમાં દરોડાઆ બાતમી મળતાં જ અમદાવાદ ક્રાઇમ બ્રાન્ચની એસઓજીની ટીમે તાત્કાલિક વોચ ગોઠવીને દરોડાની યોજના બનાવી હતી. ત્યારબાદ પોલીસ ટીમે ધી કાંટા રોડ સ્થિત માય બ્યુટી સેન્ટર તેમજ લક્ષ્મી બ્યુટી શોપ નામની બે દુકાનોમાં આકસ્મિક રીતે તપાસ હાથ ધરી હતી.મોટા પાયે શંકાસ્પદ કોસ્મેટિક સામગ્રીનો જથ્થો મળી આવ્યોઆ સઘન સર્ચ ઓપરેશન દરમિયાન બંને દુકાનોમાંથી મોટા પાયે શંકાસ્પદ કોસ્મેટિક સામગ્રીનો જથ્થો મળી આવ્યો હતો. પોલીસે તપાસ કરતાં ત્યાંથી લોરીયલ કંપનીના નામે વેચવામાં આવતા શેમ્પૂ, સીરમ, સ્કીન ક્રીમ અને હેરકલર સહિતની બનાવટી ચીજવસ્તુઓ મળી આવી હતી. પોલીસ દ્વારા સ્થળ પરથી નકલી કોસ્મેટિકની બોટલો, ડબ્બા, પેકેટ અને પાઉચ સહિત કુલ 1,221 જેટલી વિવિધ પ્રોડક્ટ્સ કાયદેસર રીતે જપ્ત કરવામાં આવી હતી. આ તમામ જપ્ત કરાયેલા મુદ્દામાલની બજાર કિંમત રૂ. 6,90,222 જેટલી આંકવામાં આવી છે. ગ્રાહકો સાથે બ્રાન્ડના નામે થતી આ છેતરપિંડી અંગે પોલીસે ગંભીર નોંધ લીધી હતી.યશ ઠક્કર અને રીષભ અગ્રવાલની ધરપકડ આ ગેરકાયદે કૃત્યમાં સંડોવાયેલા યશ ઠક્કર અને રીષભ અગ્રવાલ નામના બે વેપારીઓની પોલીસે તાત્કાલિક અટકાયત કરી હતી. પકડાયેલા બંને શખ્સો વિરુદ્ધ કોપીરાઇટ એક્ટ હેઠળ કાયદેસરનો ગુનો દાખલ કરવામાં આવ્યો છે. સમગ્ર કૌભાંડનું પગેરું શોધવા માટે અમદાવાદ એસઓજી ક્રાઇમ બ્રાન્ચે વધુ ઊંડાણપૂર્વકની તપાસ શરૂ કરી છે. આ પણ વાંચો  :    Explainer: ઇમરાન ખાનને ભારત છોડવાની નોટિસ કેમ મળી? OCI કાર્ડના નિયમો શું કહે છે અને હવે આગળ શું થશે?

Read Full Story arrow_forward

calendar_today October 16, 2026

CJP Tiranga March Live: વિરોધ પ્રદર્શન વચ્ચે 150 પ્રદર્શનકારીઓની અટકાયત

CJPના સ્થાપક અભિજીત દીપકેને દિલ્હી પોલીસ દ્વારા એક નોટિસ આપવામાં આવી, જેમાં જણાવવામાં આવ્યું છે કે કનોટ પ્લેસ (CP)માં વિરોધ પ્રદર્શનો કરવાની મંજૂરી નથી. દરમિયાન, કેટલાક વેપારીઓએ CJP વિરુદ્ધ વિરોધ પ્રદર્શન કર્યું.દિલ્હીમાં 150 પ્રદર્શનકારીઓની અટકાયતદિલ્હીમાં વિરોધ પ્રદર્શન વચ્ચે પોલીસે અત્યાર સુધીમાં 150 પ્રદર્શનકારીઓની અટકાયત કરી છે. પોલીસ સૂત્રોના જણાવ્યા અનુસાર, કનોટ પ્લેસ વિસ્તારમાં પ્રદર્શનકારીઓને હટાવવાની કાર્યવાહી શરૂ કરવામાં આવી છે. પોલીસે પ્રદર્શનકારીઓને ઉઠાવીને બસોમાં બેસાડવાનું શરૂ કરતાં વિસ્તારમાં સ્થિતિ વધુ ચર્ચાસ્પદ બની છે.પોલીસકર્મીઓની ખાનગી માહિતી જાહેર ન કરવા દિલ્હી પોલીસની અપીલદિલ્હી પોલીસના જનસંપર્ક અધિકારી અને એડિશનલ સીપી રાજીવ રંજને પ્રદર્શનકારીઓ અને જનતાને અપીલ કરી છે કે ફરજ પર તૈનાત પોલીસકર્મીઓના ફોટા, વીડિયો કે તેમના ઘરનું સરનામું અને પૂરું નામ સોશિયલ મીડિયા પર શેર ન કરે. તેમણે કહ્યું કે આવી રીતે ખાનગી માહિતી જાહેર કરવી ગેરકાયદેસર છે અને દરેકની ગોપનીયતાનું સન્માન કરવું જોઈએ.નેહા બોરાની અટકાયતની તસવીર આવી સામેAISA પ્રમુખ નેહા બોરાને અટકાયતમાં લીધા પછી નેહાના 'X' પર એક સંદેશ પોસ્ટ કરવામાં આવ્યો હતો, જેમાં લખ્યું હતું, "નેહાને એકલી ક્યાં લઈ જવામાં આવી છે? આ અટકાયત નથી! આ અપહરણ છે." =ડીસીપીએ વિરોધીઓને કનોટ પ્લેસ ખાલી કરવા અપીલ કરીનવી દિલ્હી ડીસીપીએ વિરોધીઓને કનોટ પ્લેસ ખાલી કરવા અપીલ કરી. દિલ્હી પોલીસ વિરોધીઓને સીપીમાંથી દૂર કરી રહી છે.સીજેપી કાર્યકરો કનોટ પ્લેસ ખાતે ભેગા થઈ રહ્યા છેએઆઈએસએ પ્રમુખ નેહા બોરા અને સીજેપીના સ્થાપક અભિજીત દિપકેકની અટકાયત બાદ સીજેપી, આપ અને ડાબેરી પક્ષોના સેંકડો સમર્થકો ત્રિરંગો પકડીને કનોટ પ્લેસ નજીક સેન્ટ્રલ પાર્ક તરફ કૂચ કરી રહ્યા છે. દિલ્હી પોલીસ ઘણા લોકોને અટકાયતમાં લઈ રહી છે અને તેમને બસોમાં ભરી રહી છે. =નેહા બોરાની કરી અટકાયતદિલ્હી પોલીસે અભિજીત દિપકે બાદ હવે નેહા બોરાની પણ અટકાયત કરી છે. મંડી હાઉસ નજીક AISA નો વિરોધ પ્રદર્શન ચાલુ હતું. =મુસાફરોને મુશ્કેલી ન પડે તે અમારી પ્રાથમિકતા- એડિશનલ સીપી, ટ્રાફિક એડિશનલ સીપી (ટ્રાફિક) ડીકે ગુપ્તાએ કહ્યું કે અમે ટ્રાફિકનું નિયમન કરવા માટે આ ઝોનમાં અમારા કર્મચારીઓને તૈનાત કર્યા છે. જો કોઈ વિક્ષેપ આવે, તો અમે લોકોને ઓછામાં ઓછી અસુવિધાનો સામનો કરવો પડે અને ટ્રાફિક સરળતાથી વહેતો રહે તે માટે સમયસર ડાયવર્ઝન લાગુ કરીશું. અમે ચોક્કસપણે સોશિયલ મીડિયા પર પણ નજર રાખી રહ્યા છીએ. અમારો પ્રાથમિક ઉદ્દેશ્ય મુસાફરોને કોઈ મુશ્કેલી ન પડે તેની ખાતરી કરવાનો છે. અમે બધા મુસાફરોને અમારી ટ્રાફિક સલાહનું પાલન કરવા વિનંતી કરીએ છીએ.  =અભિજીત દિપકેની કરી અટકાયતતિરંગા માર્ચ પહેલા દિલ્હી પોલીસે અભિજીત દિપકેની અટકાય કરી છે. અભિજીત દિપકે કનોટ પ્લેટમાં જવાની કોશિશ કરી રહ્યા હતા.  =અનેક વિસ્તારમાં સીસીટીવી કેમેરા લગાવ્યાસેન્ટ્રલ પાર્ક ખાતે CJPના ‘લહેરા દો તિરંગા’ વિરોધ પ્રદર્શનને ધ્યાનમાં રાખીને, કનોટ પ્લેસની આસપાસના વિસ્તારમાં અનેક CCTV કેમેરા લગાવવામાં આવ્યા છે. કાયદો અને વ્યવસ્થા જાળવી રાખવા માટે આ વિસ્તારમાં અને તેની આસપાસ સુરક્ષા દળો તૈનાત કરવામાં આવ્યા છે. =કનોટ પ્લેસમાં 163 કલમ લાગુ દિલ્હીમાં CJP (સીજેપી) દ્વારા આયોજિત ‘લહેરા દો તિરંગા’ વિરોધ પ્રદર્શન પહેલાં સેન્ટ્રલ પાર્કની આસપાસ સુરક્ષા વ્યવસ્થા સઘન બનાવવામાં આવી છે. કનોટ પ્લેસમાં કલમ 163 લાગુ છે અને NDMC (એનડીએમસી) દ્વારા ‘તિરંગા યાત્રા’ માટે કોઈ પરવાનગી આપવામાં આવી નથી. =તિરંગા યાત્રા ન યોજવા વેપારીઓએ પીએમ મોદીને લખ્યો પત્ર શહેરમાં તાજેતરમાં થયેલા વિરોધ પ્રદર્શનોને કારણે થયેલા નુકસાન અંગે વિવિધ વેપાર અને વ્યવસાયિક સંગઠનોએ વડાપ્રધાન નરેન્દ્ર મોદીને પત્ર લખ્યો છે અને તેમના હિતોનું રક્ષણ કરવા માટે આ બાબતે હસ્તક્ષેપ કરવાની માંગ કરી છે. =

Read Full Story arrow_forward