Community News & Updates

Stay informed with the latest happenings, achievements, and announcements from our community.

All News

calendar_today August 28, 2026

Panchmahal: જાંબુઘોડાના મુસ્લિમ ભાઇને બોડેલીની હિન્દુ બહેન 49 વર્ષથી રાખડી બાંધે છે

રક્ષાબંધન એટલે ભાઈ-બહેનના પવિત્ર પ્રેમ અને લાગણીનો તહેવાર. આ પવિત્ર સંબંધને ધર્મની કોઈ સરહદ રોકી શકતી નથી. તેનું જીવંત ઉદાહરણ બોડેલીની પ્રેમીલાબેન જયસ્વાલ અને જાંબુઘોડાના દિવાન પરિવાર વચ્ચેના સંબંધમાં જોવા મળે છે.બોડેલીના અલિપુરા વિસ્તારમાં રહેતા પ્રેમીલાબેન જયસ્વાલ છેલ્લા 49 વર્ષથી પોતાના સગા ભાઈઓ કરતાં પહેલાં જાંબુઘોડામાં રહેતા માનેલા મુસ્લિમ ભાઈઓને રાખડી બાંધે છે. ત્યારબાદ પોતાના સગા ભાઈઓને રાખડી બાંધવા જાય છે.મૂળ જાંબુઘોડાના વતની પ્રેમીલાબેનનું દિવાન પરિવાર સાથે વર્ષો જૂનું ભાઈ-બહેનનું અતૂટ નાતું છે. આ સંબંધ માત્ર રક્ષાબંધન પૂરતો સીમિત નથી. બંને પરિવારો વર્ષોથી એકબીજાના સુખ-દુઃખમાં સહભાગી બને છે. પરિવારના પ્રસંગોમાં પણ બંને પરિવારો એકબીજાની પડખે ઊભા રહે છે. રક્ષાબંધનના પર્વે એક હિન્દુ બહેન દ્વારા પોતાના માનેલા મુસ્લિમ ભાઈઓના કાંડા પર બંધાયેલી રાખડીએ પ્રેમ, લાગણી, વિશ્વાસ અને ભાઈચારાનો સુંદર સંદેશ આપ્યો છે. 49 વર્ષથી જળવાઈ રહેલો આ સંબંધ આજે પણ સમાજમાં હિન્દુ-મુસ્લિમ એકતાનું અનોખું અને પ્રેરણાદાયી ઉદાહરણ બની રહ્યો છે.પ્રેમીલાબેનના કુલ 6 સગા ભાઈ અને 6 માનેલા મુસ્લિમ ભાઈઓ હતા. સમય જતાં બે હિન્દુ અને બે મુસ્લિમ ભાઈઓનું અવસાન થયું છે. આ વર્ષે પ્રેમીલાબેને 4 હિન્દુ અને 4 મુસ્લિમ ભાઈઓને રાખડી બાંધી હતી. પ્રેમીલાબેનના પુત્ર સંદીપભાઈ જયસ્વાલે જણાવ્યું હતું કે, અમારા પરિવાર અને દિવાન પરિવાર વચ્ચે વર્ષોથી ભાઈ-બહેનનો સંબંધ છે. મારા અને મારી બહેનના મોસાળાના મામાઓ પણ આ જ પરિવારના છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today August 28, 2026

Halol: બે પુષ્ટીમાર્ગીય હવેલીમાં વૈષ્ણવાચાર્યની પધરામણી કરાઈ

પવિત્ર એકાદશીના બીજા દિવસે દિવ્ય ફાઉન્ડેશનના સંયોજક કાંકરોલી યુવરાજ પૂ.વેદાંત કુમાર મહોદય હાલોલ ખાતે આવેલ બંને પુષિમાર્ગીય મંદિરમાં પધારતા તેઓનું વૈષણવો દ્વારા ભવ્ય સ્વાગત કરાયું હતું. છોટે કાંકરોલી ગણાતા હાલોલ નગરમાં બસ્ટેન્ડ સ્થિત ધરી દ્વારકાધીશ હવેલી ખાતે તેમજ મંદિર ફ્ળીયાના છગન મગન લાલજી મંદિર ખાતે પુષ્ટિ તહેવારોની ભવ્ય ઉજવણી કરાય છે. હાલ પવિત્ર શ્રાવણ માસમાં અવનવા હિંડોળા સજાવી શ્રી ઠાકોરજીને ઝુલાવાય છે, તેમાં પણ પવિત્ર એકાદશી બાદ પૂ.વેદાંતકુમારજી પધારતા વૈષ્ણવોમાં ઉત્સાહ વ્યાપ્યો હતો. તેઓના હસ્તે શ્રી છગન મગનલાલ મંદિરમાં મચકીના હિંડોળે તેમજ શ્રી દ્વારકાધીશ હવેલી ખાતે શાકભાજીના હિંડોળે શ્રીજીને ઝુલાવાયા હતાં. તેઓએ પ્રભુની આરતી ઉતારી હતી. આ સમયે કીર્તનોની રમઝટ જામી હતી. પૂ.વેદાંતકુમારજીનો પવિત્ર અંગીકાર કરવા વૈષ્ણવોની કતારો જામી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today August 28, 2026

Godhra: ખાતે બ્રહ્મ સમાજ દ્વારા સમૂહ યજ્ઞોપવિત પરિવર્તિત કાર્યક્રમ યોજાયો

રક્ષાબંધન અને બળેવના પવિત્ર તહેવાર ને લઇને ગોધરા શહેરના બ્રહ્મ સમાજ દ્વારા સમૂહ યજ્ઞોપવિત પરિવર્તિતનો કાર્યક્રમ યોજાયો હતો. જેમાં મોટી સંખ્યામાં બ્રહ્મબંધુઓ ઉમટયા હતા અને પવિત્ર યજ્ઞોપવિત બદલી હતી. યજ્ઞોપવિત બદલવાનો કાર્યક્રમ મોટાભાગે સમૂહમાં કરાતો હોય છે. પ્રતિ વર્ષ ની જેમ આ વર્ષે પણ શ્રી સમસ્ત ગુજરાત બ્રહ્મ સમાજ ગોધરા દ્વારા યજ્ઞોપવિત પરિવર્તન કરવા માટે પ્રાચીન અંક્લેશ્વર મહાદેવ ખાતે આયોજન કરાયું હતું. જેમાં વિદ્વાન અને કર્મઠ બ્રાહ્મણો દ્વારા વૈદિક રીતે પૂજન અર્ચન, તર્પણ કરાવી નૂતન યજ્ઞોપવિત ભૂદેવો એ ધારણ કરી હતી.આ નૂતન યજ્ઞોપવિત પરિવર્તન કરવા મોટી સંખ્યામાં ભૂદેવો ઉપસ્થિત રહ્યા હતા. કાર્યક્રમને સફ્ળ બનાવવા પ્રકાશ દીક્ષિત, કુણાલ ત્રિવેદી, કકુલ પાઠક, વિનાયક શુક્લા, હિતેશ ભટ્ટે જહેમત ઉઠાવી હતી, યજ્ઞોપવિત પરિવર્તન પછી સહકુટુંબ બ્રહ્મ ભોજન કરાવાયું હતું. ત્રિવેદી મેવાડા બ્રહ્મ સમાજ દ્વારા પણ દશા શ્રીમાળીની વાડી ખાતે સમાજબંધુઓ દ્વારા યજ્ઞોપવિત પરિવર્તન અને બ્રહ્મભોજન યોજાયો હતો. જેમાં મોટી સંખ્યામાં બ્રહ્મ પરિવારો ઉપસ્થિત રહ્યા હતા.શ્રી સમસ્ત ગુજરાત બ્રહ્મ સમાજ માતૃ સંસ્થાના પ્રદેશ અધ્યક્ષ શૈલેષભાઇ ઠાકરે તમામ બ્રહ્મબંધુઓને બળેવ પર્વની શુભકામનાઓ પાઠવી નેપાળની દુર્ઘટના અંગે સંવેદના વ્યક્ત કરી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward