Vav-Tharad News: પ્રેમ પ્રકરણમાં 3 દિવસમાં બે 18 વર્ષના યુવકોની હત્યાથી મચી ચકચાર!
વાવ-થરાદ પંથકમાં પ્રેમ પ્રકરણની અદાવતમાં છેલ્લા ત્રણ દિવસની અંદર બે 18 વર્ષના યુવકોની હત્યાના બનાવો બનતા સમગ્ર વિસ્તારમાં ભારે ચકચાર અને સનસનાટી મચી ગઈ છે. તાજેતરમાં જ વાવમાં રહેતા 18 વર્ષીય અશોક ઠાકોર નામના યુવકની હત્યાનો મામલો પ્રકાશમાં આવ્યો છે, જેમાં પોલીસે ઊંડાણપૂર્વક તપાસ કરીને બે આરોપીઓની ધરપકડ કરી લીધી છે. પોલીસ તપાસમાં બહાર આવ્યું છે કે મૃતક અશોક ઠાકોરના આરોપી મહેશ ઠાકોરની બહેન સાથે પ્રેમસંબંધો હોવાને કારણે આ ખૌફનાક કાવતરું રચવામાં આવ્યું હતું.હત્યાને આત્મહત્યામાં ખપાવવાનો પ્રયાસપોલીસની પ્રાથમિક તપાસમાં સામે આવ્યું છે કે આરોપી મહેશ ઠાકોર અને તેના મિત્ર કિરણ ઠાકોરે મળીને અશોક ઠાકોરની હત્યાનું પ્લાનિંગ કર્યું હતું. આરોપીઓએ અશોકને દારૂમાં નશાની ચાર ગોળીઓ ભેળવીને પીવડાવી દીધી હતી, જેનાથી તે બેભાન થઈ ગયો હતો. ત્યારબાદ આરોપીઓએ ગળે ટૂંપો આપીને તેની હત્યા કરી નાખી હતી. આ હત્યાને આત્મહત્યામાં ખપાવવાના કુટિલ ઇરાદે મૃતકના જ શર્ટથી ખેતરમાં આવેલા એક મકાનમાં તેના શબને લટકાવી દેવામાં આવ્યું હોવાનો ગંભીર આક્ષેપ પણ કરવામાં આવ્યો છે.પંથકમાં અનેક સવાલો ઉભા થયાઆ સમગ્ર પ્રકરણમાં મૃતકના ભાઈ દ્વારા શંકાના આધારે વાવ તાલુકાના ઉચપા ગામના કિરણ ઠાકોર અને મહેશ ઠાકોર વિરુદ્ધ નામજોગ પોલીસ ફરિયાદ નોંધાવવામાં આવી હતી. આ ફરિયાદના આધારે વાવ પોલીસે ત્વરિત કાર્યવાહી કરીને બંને આરોપીઓની ધરપકડ કરી લીધી છે. છેલ્લા ત્રણ દિવસમાં બનેલી બે યુવકોની હત્યાની આ ઘટનાઓએ સમગ્ર જિલ્લાની સુરક્ષા અને કાયદો-વ્યવસ્થા સામે ગંભીર સવાલો ખડા કર્યા છે. પોલીસ દ્વારા આ કેસમાં વધુ કઈ વિગતો સામે આવે છે તે અંગે સઘન તપાસ જારી છે.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
