Community News & Updates

Stay informed with the latest happenings, achievements, and announcements from our community.

All News

calendar_today October 23, 2026

Junagadhમાં આચાર્ય સંઘમાં આંતરિક વિખવાદ ચરમસીમાએ, સર્વસંમતિના અભાવે જૂનાગઢે રાજ્ય સંઘમાં ગુમાવ્યું મહત્વનું પદ!

શૈક્ષણિક આખીય સિસ્ટમ અને આચાર્યોના હિત માટે કાર્ય કરતી સંસ્થાઓમાં કેટલીકવાર આંતરિક અસંતોષ કેવું સ્વરૂપ ધારણ કરી શકે છે તેનું ઉત્તમ ઉદાહરણ જૂનાગઢથી સામે આવ્યું છે. જૂનાગઢ આચાર્ય સંઘની અંદર ચાલી રહેલા આંતરિક વિખવાદ અને ફૂટના કારણે સંઘે રાજ્ય કક્ષાએ પોતાનું એક અત્યંત મહત્ત્વનું પદ ગુમાવવું પડ્યું છે. સંઘના પદાધિકારીઓ વચ્ચે યોગ્ય તાલમેલ અને સર્વસંમતિના અભાવના કારણે જૂનાગઢ જિલ્લાએ આ મોટું નુકસાન વેઠવાનો વારો આવ્યો છે.એકથી વધુ દાવેદારી અને ખેંચતાણને લીધે રાજ્ય સંઘમાં હોદ્દો રહ્યો ખાલીપ્રાપ્ત વિગતો અનુસાર, પદ મેળવવા માટે સંઘની અંદર જ એકથી વધુ દાવેદારો મેદાને આવ્યા હતા. કોઈ એક નામ પર સહમતી સધાઈ ન હોવાને કારણે અને આંતરિક ખેંચતાણ ચાલુ રહેવાને પરિણામે આખી પ્રક્રિયા પર પાણી ફરી વળ્યું હતું. પરિસ્થિતિ એવી સર્જાઈ કે રાજ્ય સંઘની અંદર જૂનાગઢના ફાળે આવતો મહત્ત્વનો હોદ્દો બિલકુલ ખાલી જ રહી ગયો, જે જિલ્લાના શૈક્ષણિક જગતમાં ચર્ચાનો વિષય બન્યો છે.પ્રમુખનો પત્ર સોશિયલ મીડિયામાં વાયરલઆ સમગ્ર શરમજનક અને નિરાશાજનક સ્થિતિ બાદ જૂનાગઢ આચાર્ય સંઘના પ્રમુખ દ્વારા સંઘના તમામ હોદ્દેદારોને સંબોધીને એક પત્ર લખવામાં આવ્યો હતો. આ પત્રમાં આંતરિક વિખવાદ અને પદ ગુમાવવા પાછળના અસલી કારણોનો પર્દાફાશ કરવામાં આવ્યો હોવાનું ચર્ચાઈ રહ્યું છે. આ પત્ર સોશિયલ મીડિયાના પ્લેટફોર્મ પર વાયરલ થતાં જ શિક્ષણ ક્ષેત્રે અને આચાર્ય આલમમાં ભારે ખળભળાટ મચી ગયો છે તથા જૂથવાદ સામે અનેક સવાલો ઉઠી રહ્યા છે.આ પણ વાંચો : Rajkotમાં શાળાઓમાં અનઅધિકૃત પ્રવેશના પરિપત્રથી મોટો વિવાદ, સામાજિક સંસ્થાઓ અને ટ્રસ્ટો મુશ્કેલીમાં મુકાયા

Read Full Story arrow_forward

calendar_today October 23, 2026

Delhi-NCRમાં આઈફોન Duo પ્રત્યે ગ્રાહકોની ઘેલછા, 5 મિનિટમાં મોબાઈલ આઉટ ઓફ સ્ટોક!

એપલના પહેલા ફોલ્ડેબલ સ્માર્ટફોન iPhone Duo ને લઈને ગ્રાહકોમાં જબરદસ્ત ઉત્સાહ જોવા મળી રહ્યો છે. ભારતમાં ડિલિવરી શરૂ થતાં જ આ ફોનની ડિમાન્ડ એટલી વધી ગઈ કે દિલ્હી-NCRમાં બ્લિંકીટ (Blinkit) પર ઉપલબ્ધ આખો સ્ટોક માત્ર 5 મિનિટમાં જ વેચાઈ ગયો. હવે કંપની વધુ યુનિટ્સ એકત્ર કરવાનો પ્રયાસ કરી રહી છે, જેથી આગામી અઠવાડિયામાં ગ્રાહકોને તેને ખરીદવાની વધુ એક તક મળી શકે.બ્લિંકીટ પર સવારે 8:15 વાગ્યે આવ્યો ફોન, 5 મિનિટમાં સ્ટોક ખતમબ્લિંકીટની પેરેન્ટ કંપની ઇટરનલના સીઈઓ અલ્બિન્દર ઢીંડસાએ સોશિયલ મીડિયા પ્લેટફોર્મ X પર આ અંગે માહિતી આપી હતી. તેમણે જણાવ્યું કે 23 ઓક્ટોબરે સવારે 8:15 વાગ્યે બ્લિંકીટ પર iPhone Duo ની ડિલિવરી શરૂ કરવામાં આવી હતી. હાલમાં આ સુવિધા માત્ર દિલ્હી-NCR ના ગ્રાહકો માટે જ ઉપલબ્ધ હતી. ફોનની સેલ શરૂ થયાના થોડીવારમાં જ તમામ યુનિટ્સ વેચાઈ ગયા. ઢીંડસાના જણાવ્યા અનુસાર, સ્ટોક ખતમ થવામાં માત્ર 5 મિનિટ લાગી. તેમણે એ પણ જણાવ્યું કે બ્લિંકીટ આગામી અઠવાડિયામાં ફોનની વધુ યુનિટ્સ ઉપલબ્ધ કરાવવા માટે કામ કરી રહી છે. જેથી જે ગ્રાહકોને પહેલી વારમાં ફોન નથી મળી શક્યો, તેમણે આગામી સ્ટોકની રાહ જોવી પડી શકે છે. ભારતમાં પહેલા અઠવાડિયાનો સ્ટોક પણ ખતમiPhone Duo ની ડિમાન્ડ ફક્ત બ્લિંકીટ પૂરતી મર્યાદિત નથી. એક રિપોર્ટ મુજબ, એપલ ભારતમાં iPhone Duo ના પહેલા અઠવાડિયા માટે નક્કી કરેલો સ્ટોક સેલ શરૂ થતા પહેલા જ વેચી ચૂક્યું હતું. રિપોર્ટમાં જણાવવામાં આવ્યું કે મુંબઈના બાંદ્રા કુર્લા કોમ્પલેક્સ (BKC) અને નવી દિલ્હીના સાકેત સ્થિત એપલ સ્ટોર્સમાં સૌથી વધુ પ્રી-બુકિંગ નોંધાઈ હતી. બંને સ્ટોરમાં બુકિંગની સંખ્યા લગભગ સરખી જણાવવામાં આવી છે. iPhone Duo નું પ્રી-બુકિંગ ભારતમાં 16 ઓક્ટોબરથી શરૂ થયું હતું. શરૂઆતના બુકિંગના આંકડા બતાવે છે કે ફોલ્ડેબલ આઈફોનની લાંબા સમયથી રાહ જોઈ રહેલા ગ્રાહકોમાં તેને લઈને ભારે ઉત્સુકતા છે.₹2,99,900 થી શરૂ થાય છે કિંમત ભારતમાં iPhone Duo ની કિંમત સ્ટોરેજ વેરિઅન્ટના હિસાબે ₹2,99,900 થી ₹4,49,900 સુધી છે. સ્ટોરેજ મુજબ તમામ વેરિઅન્ટ્સની કિંમતો:• 256GB (બેઝ વેરિઅન્ટ): 2,99,900 રૂપિયા• 512GB વેરિઅન્ટ: 3,24,900 રૂપિયા• 1TB વેરિઅન્ટ: 3,74,900 રૂપિયા• 2TB (ટોપ વેરિઅન્ટ): 4,49,900 રૂપિયાફોનને બંધ કરવા પર તેમાં 5.4-inch ની ડિસ્પ્લે મળે છે, જ્યારે ખોલવા પર સ્ક્રીનનો આકાર 7.6-inch થઈ જાય છે. કાઉન્ટરપૉઇન્ટ રિસર્ચના ડિરેક્ટર તરુણ પાઠકના મતે, ફોનની ફોલ્ડેબલ ડિઝાઇન, મોટી સ્ક્રીન અને યુઝર ઇન્ટરફેસ એપલના વર્તમાન ગ્રાહકોની સાથેસાથે એવા લોકોને પણ આકર્ષિત કરી શકે છે, જેઓ લાંબા સમયથી ફોલ્ડેબલ iPhone ની રાહ જોઈ રહ્યા હતા. તેઓ માને છે કે શરૂઆતમાં iPhone Duo ભારતમાં ફોલ્ડેબલ સ્માર્ટફોન બજારના ટોટલ રેવેન્યુ વધારવામાં વધુ યોગદાન આપી શકે છે, જ્યારે કુલ વેચાતા ફોનની સંખ્યા પર તેની અસર ધીમે-ધીમે દેખાઈ આવશે. આનાથી ફોલ્ડેબલ ફોનના માર્કેટને પણ વધુ ચર્ચા મળી શકે છે.વેઈટિંગ પીરિયડ લંબાયો- ગ્રાહકોએ જોવી પડશે લાંબી રાહફોનની ડિમાન્ડની અસર ડિલિવરીની તારીખો પર પણ પડી છે. પ્રી-બુકિંગ શરૂ થયાના થોડીવારની અંદર જ એપલે ડિલિવરીનો અંદાજિત સમય વધારીને જાન્યુઆરીના છેલ્લા અઠવાડિયા સુધી કરી દીધો હતો. એટલે કે હવે ફોન બુક કરનારા કેટલાક ગ્રાહકોએ ડિલિવરી માટે લાંબી રાહ જોવી પડી શકે છે. એક રિપોર્ટ મુજબ, એપલે ગ્રાહકોના પ્રતિસાદને અત્યંત શાનદાર ગણાવ્યો છે. હાલમાં, વધુ માંગ અને મર્યાદિત પુરવઠા વચ્ચે કંપની સામે ફોનની ઉપલબ્ધતા વધારવાનો મોટો પડકાર છે. આગામી અઠવાડિયામાં બ્લિંકીટ પર નવો સ્ટોક આવવા અને એપલનો પુરવઠો વધવાથી જ સ્પષ્ટ થશે કે ગ્રાહકોને iPhone Duo કેટલી જલ્દી મળી શકશે.વધુ સમાચાર વાંચવા ડાઉનલોડ કરો સંદેશ ન્યૂઝ એપ : https://sandesh.com/d

Read Full Story arrow_forward

calendar_today October 23, 2026

India Uzbekistan Relations: આતંકવાદ સામે ભારત અને ઉઝબેકિસ્તાન મજબૂત કરશે સુરક્ષા સહયોગ, નવી દિલ્હીમાં યોજાઈ બેઠક

દિલ્હીમાં આતંકવાદ પર ભારત-ઉઝબેકિસ્તાનની એક મોટી બેઠક યોજાઈ હતી.સહયોગને મજબૂત બનાવવા પર ચર્ચા ભારત અને ઉઝબેકિસ્તાન વચ્ચે આતંકવાદ વિરોધી સંયુક્ત કાર્યકારી જૂથની 10મી બેઠક ગુરુવારે નવી દિલ્હીમાં યોજાઈ હતી, જ્યાં બંને દેશો વચ્ચે આતંકવાદ વિરોધી સહયોગને મજબૂત બનાવવા પર ચર્ચા કરવામાં આવી હતી. બેઠકમાં, બંને દેશો માહિતીની વહેંચણી, ક્ષમતા નિર્માણ અને શ્રેષ્ઠ પ્રથા આદાનપ્રદાન દ્વારા આતંકવાદ વિરોધી સહયોગને મજબૂત કરવા સંમત થયા હતા. આતંકવાદી જૂથો દ્વારા ઉભા થયેલા જોખમો પર ચર્ચાબંને પક્ષોએ વૈશ્વિક સ્તરે અને તેમના સંબંધિત પ્રદેશોમાં આતંકવાદી જૂથો દ્વારા ઉભા થયેલા જોખમો પર ચર્ચા કરી. તેઓએ ઉગ્રવાદ, કટ્ટરપંથીકરણ, આતંકવાદી ભંડોળ અને આતંકવાદી પ્રવૃત્તિઓ માટે ટેકનોલોજીના દુરુપયોગ જેવા પડકારો પર મંતવ્યો શેર કર્યા. બંને દેશો રાષ્ટ્રીય અને પ્રાદેશિક સુરક્ષા માટેના જોખમોને સંયુક્ત રીતે સંબોધવા અને આતંકવાદ વિરોધી સંયુક્ત કાર્યકારી જૂથના માળખાને વધુ મજબૂત બનાવવા સંમત થયા છે. સહયોગ વધારવાની શક્યતાઓબેઠકમાં માહિતીની વહેંચણી, ક્ષમતા નિર્માણ અને આતંકવાદ વિરોધી સહયોગ વધારવા માટે એકબીજાની શ્રેષ્ઠ પ્રથાઓમાંથી શીખવા પર ભાર મૂકવામાં આવ્યો. બંને દેશોની સંબંધિત એજન્સીઓ વચ્ચે આતંકવાદ વિરોધી સહયોગ વધારવાની શક્યતાઓ પર પણ ચર્ચા કરવામાં આવી. સંયુક્ત રાષ્ટ્ર (UN), શાંઘાઈ સહયોગ સંગઠનના પ્રાદેશિક આતંકવાદ વિરોધી માળખું (SCO-RATS), અને યુરેશિયન જૂથ (EAG) સહિત અન્ય મંચો પર સહયોગ મજબૂત કરવાની પ્રતિબદ્ધતાનો પુનરોચ્ચાર કરવામાં આવ્યો. સંયુક્ત કાર્યકારી જૂથની આગામી બેઠક હવે ઉઝબેકિસ્તાનમાં બંને પક્ષો દ્વારા સંમત તારીખે યોજાશે.આ પણ વાંચોઃ ડોનાલ્ડ ટ્રમ્પના જમાઈ જેરેડ કુશનેરને 2 અબજ ડૉલરની લાંચ આપ્યાનો ખુલાસો, જાણો શુ છે મામલો?

Read Full Story arrow_forward