Community News & Updates

Stay informed with the latest happenings, achievements, and announcements from our community.

All News

calendar_today October 23, 2026

ટાઈગર શ્રોફ કેસમાં સનસનીખેજ ખુલાસો, બંગાળની ખાડીમાં ચક્રવાતી સિસ્ટમ સક્રિય,તિબ્બતમાં ભૂકંપને કારણે 16ના મોત

સંદેશ ન્યૂઝ ડિજિટલ પર વાંચો દિવસભરના તમામ મહત્વના અને મોટા સમાચાર1. Crime News: શું નશાખોરીના રવાડે ચડી રહ્યું છે ગુજરાત? ઓક્ટોબર મહિનામાં જ કરોડોનું ડ્રગ્સ ઝડપાતા યુવાનોના ભવિષ્ય સામે ગંભીર જોખમ2. Ishan Kishan બહાર થતાં વૈભવની લાગી લોટરી! બીજા T20માં મળશે તક?3. Europe: 100 અબજ ડોલરનું વચન ક્યાં ગયું? પીયૂષ ગોયલે યુરોપને પૂછ્યો સીધો સવાલ4. Tiger Shroff કેસમાં સનસનીખેજ ખુલાસો! રેપિડો રાઇડર બનીને 1 વર્ષથી રેકી કરી રહ્યો હતો શૂટર5. Face Off With China: અરુણાચલ બોર્ડર પર ચીન સાથે Face OFF યથાવત ! ITBP DGએ કહ્યું અમે જડબાતોડ જવાબ આપવા તૈયાર6. Stock Market Opening: શેરબજારની દમદાર શરૂઆત, 295.94 પોઇન્ટના વધારા સાથે ખૂલ્યો સેન્સેક્સ7. Petrol Diesel Price Today: સાઉદી અરબ પર હુમલાથી કાચા તેલના ભાવમાં ભડકો.. હવે વધી જશે પેટ્રોલ ડીઝલના ભાવ?8. Weather Update: બંગાળની ખાડીમાં ચક્રવાતી સિસ્ટમ સક્રિય, દિલ્હી-UP સહિત 11 રાજ્યોમાં વરસાદનું એલર્ટ9. Earthquake: ચીન, પાકિસ્તાન અને અફઘાનિસ્તાનમાં ભૂકંપના આંચકા, તિબ્બતમાં ભૂકંપને કારણે 16ના મોત10.  CNG Gas Rate: અદાણી ગેસના ભાવમાં 4 રૂપિયાનો વધારો, જાણો નવો ભાવ કેટલો થયો

Read Full Story arrow_forward

calendar_today October 23, 2026

Bogus Doctors in Rajkot : ડિગ્રી શૂન્ય અને કમાણી લાખોમાં! 17 ઝોલાછાપ ડોક્ટરો ઝડપાયા, પોલીસની કડક તપાસ શરૂ

રાજકોટ જિલ્લામાં ગ્રામ્ય અને અંતરિયાળ વિસ્તારોમાં લોકોના આરોગ્ય અને સ્વાસ્થ્ય સાથે ખુલ્લેઆમ ચેડાં કરતા નકલી ડૉક્ટરો સામે પોલીસે અને આરોગ્ય વિભાગે લાલ આંખ કરી છે. સઘન દરોડા અને ગુપ્ત બાતમીના આધારે કરવામાં આવેલી કડક કાર્યવાહી દરમિયાન જિલ્લાના જુદા જુદા વિસ્તારોમાંથી કોઈ પણ પ્રકારની માન્ય મેડિકલ ડિગ્રી વગર પ્રેક્ટિસ કરતા 17 જેટલા નકલી ડૉક્ટરોને ઝડપી પાડવામાં આવ્યા છે. આ કડક કાર્યવાહીથી સમગ્ર રાજકોટ જિલ્લાના બોગસ તબીબોમાં ફફડાટ વ્યાપી ગયો છે.મોટાભાગના નકલી ડૉક્ટરો માત્ર 10 કે 12 પાસપોલીસ દ્વારા હાથ ધરવામાં આવેલી પ્રાથમિક પૂછપરછ અને તપાસમાં અત્યંત ચોંકાવનારી વિગતો સામે આવી છે. પકડાયેલા 17 નકલી ડૉક્ટરોમાંથી મોટાભાગના શખ્સો માત્ર 10 કે 12 ધોરણ સુધીનો જ અભ્યાસ ધરાવે છે. કોઈપણ પ્રકારની અધિકૃત વૈદ્યકીય તાલીમ કે લાયકાત ન હોવા છતાં, આ બોગસ તબીબો વર્ષોથી એલોપેથિક દવાઓ, એન્ટિબાયોટિક્સ અને ઇંજેક્શનો આપીને નિર્દોષ ગ્રામજનોના જીવ સાથે જોખમ ઊભું કરી રહ્યા હતા. ક્લિનિકોમાંથી મોટા પ્રમાણમાં એલોપેથિક દવાઓ અને મેડિકલ સાધનો પણ જપ્ત કરવામાં આવ્યા છે.નકલી ડૉક્ટરોનો આંકડો હજુ વધવાની શક્યતારાજકોટ જિલ્લા પોલીસ દ્વારા આ મામલે વિવિધ પોલીસ સ્ટેશનોમાં ગુના નોંધીને વધુ ઊંડાણપૂર્વક તપાસ હાથ ધરવામાં આવી છે. તંત્રના જણાવ્યા મુજબ, હજુ પણ કેટલાક વિસ્તારોમાં આવા બોગસ તબીબો સક્રિય હોવાની આશંકા છે, જેના કારણે આગામી દિવસોમાં આ નકલી ડૉક્ટરોનો આંકડો વધુ વધવાની પૂરેપૂરી શક્યતા છે. આ કાળા કારોબારમાં સંકળાયેલા અન્ય લોકો તેમજ તેમને ગેરકાયદેસર રીતે દવાઓ સપ્લાય કરનાર નેટવર્ક સુધી પહોંચવા માટે પોલીસે અલગ-અલગ ટીમો બનાવી તપાસ વધુ તેજ બનાવી છે.આ પણ વાંચો : Bogus Doctors in Rajkot: જસદણમાં બોગસ ડોક્ટરોનો રાફડો ફાટ્યો! એક સાથે ત્રણની ધરપકડ

Read Full Story arrow_forward

calendar_today October 23, 2026

Banaskantha News: નશામુક્તિ કેન્દ્રની આડ નશાનો કાળો કારોબાર! ડોક્ટર સહિત 4 આરોપીઓની ધરપકડ

બનાસકાંઠા જિલ્લામાંથી એક ચોંકાવનારા સમાચાર સામે આવ્યા છે. નશામુક્તિ કેન્દ્રની આડમાં ચાલતા નશીલી દવાઓના ગેરકાયદે વેપારનો રાજસ્થાનની બાડમેર પોલીસે મોટો પર્દાફાશ કર્યો છે. બાડમેર પોલીસે કાર્યવાહી કરીને બનાસકાંઠાના ડીસા ખાતેના એક ડોક્ટર સહિત કુલ ચાર કુખ્યાત આરોપીઓની ધરપકડ કરી છે, જેના કારણે સમગ્ર પંથકમાં ચકચાર મચી ગઈ છે.બાડમેર પોલીસની મોટી કાર્યવાહી, 16,800 નશીલી ટેબ્લેટ્સ જપ્તઆ સમગ્ર રેકેટનો પર્દાફાશ ત્યારે થયો, જ્યારે બાડમેર પોલીસે ગત 3 જાન્યુઆરીના રોજ દરોડા પાડીને કુલ 16,800 નશીલી ટેબ્લેટ્સ જપ્ત કરી હતી. આ નશીલી દવાઓનો જથ્થો ક્યાંથી આવ્યો અને ક્યાં મોકલવામાં આવી રહ્યો હતો તે અંગે પોલીસે ઊંડાણપૂર્વક તપાસ શરૂ કરી હતી, જેના તાર સીધા બનાસકાંઠાના ડીસા સુધી પહોંચ્યા હતા.ડૉ. સમ્રાટ પોપટ સહિત આ આરોપીઓની ધરપકડબાડમેર પોલીસે સઘન તપાસના અંતે ડીસાના કુખ્યાત ડૉ. સમ્રાટ પોપટ સહિત ચાર મુખ્ય આરોપીઓને ઝડપી પાડ્યા છે. પકડાયેલા અન્ય આરોપીઓમાં મુકેશ ખત્રી, ચંદ્રેશ કુમાર અને પાથાવાડાના ચિરાગગિરી ગોસ્વામીનો સમાવેશ થાય છે. આ તમામ આરોપીઓ નશામુક્તિ કેન્દ્રની આડમાં ગેરકાયદે પ્રવૃત્તિઓ આચરી રહ્યા હોવાનું પોલીસ તપાસમાં બહાર આવ્યું છે.જેસલમેર અને મહેસાણા સુધી ફેલાયેલું હતું નેટવર્કપોલીસ પૂછપરછ દરમિયાન ચોંકાવનારી વિગતો બહાર આવી છે કે, આ આરોપીઓ માત્ર ડીસા કે બાડમેર પૂરતા મર્યાદિત ન હતા, પરંતુ તેઓ રાજસ્થાનના જેસલમેર અને ગુજરાતના મહેસાણામાં પણ નશામુક્તિ કેન્દ્રો ચલાવતા હતા. આ નશામુક્તિ કેન્દ્રોની ઓથે જ નશીલી દવાઓનું આંતરરાજ્ય નેટવર્ક ચલાવવામાં આવી રહ્યું હોવાની આશંકા વ્યક્ત કરવામાં આવી રહી છે.આગળની તપાસ અને સપ્લાય નેટવર્ક પર પોલીસની નજરહાલમાં બાડમેર પોલીસ દ્વારા આ નશીલી દવાઓ ક્યાં ક્યાં સપ્લાય થતી હતી અને આ રેકેટમાં અન્ય કયા કયા મોટા માથાઓ સંડોવાયેલા છે તે અંગે વધુ સઘન તપાસ શરૂ કરવામાં આવી છે. પોલીસના જણાવ્યા અનુસાર, આ કેસમાં આગામી સમયમાં વધુ મોટા ખુલાસા થવાની પૂરેપૂરી સંભાવના છે.આ પણ વાંચો: Banaskantha News: અંબાજી આબુરોડ પર નીકળતા પહેલા ચેતી જજો, હથિયારો સાથે ટોળકી કરે છે હુમલો

Read Full Story arrow_forward