Community News & Updates

Stay informed with the latest happenings, achievements, and announcements from our community.

All News

calendar_today October 22, 2026

Dahegam : મિલકત સંબંધી ગુનાનો અંજારનો ફરાર આરોપી દહેગામથી પકડાયો

અંજારમાં મિલકત સંબંધી ગુનો આચર્યા બાદ ફરાર થઇ ગયેલા એક આરોપીને દહેગામના એક એપાર્ટમેન્ટમાંથી પકડી પાડવામાં આવ્યો હતો. અંજાર પોલીસ આરોપીને શોધી રહી હતી અ દરમિયાન દહેગામ પોલીસે બાતમી આધારે દહેગામના ઇસમને પકડી પાડીને અંજાર પોલીસને સોંપ્યો હતો. મળતી વિગતો મુજબ દહેગામ ટાઉન બીટ જમાદાર જીનલકુમાર મહંતને બાતમી મળી હતી કે અંજાર પોલીસ મથકમાં વર્ષ 2026 માં ભારતીય ન્યાય સંહિતાની કલમ મુજબ નોંધાયેલા એક મિલકત સંબંધીત ગુનામાં નાસતો ફરતો આરોપી મિતુલ કિશોરભાઇ પટેલ (રહે. દહેગામ હરેકૃષ્ણ એપાર્ટમેન્ટ , મકાન નંબર 1003 મુળ રહે. ઇકબાલગઢ તા. અમીરગઢ બનાસકાંઠા) હાલમાં દહેગામમાં તેના ઘરે આવેલ છે. આ હકીકત આધારે પોલીસે ઉપરોક્ત સ્થળે રેડ કરીને નાસતા ફરતા આરોપી મિતુલ પટેલને તેના જ ઘરેથી રંગેહાથ પકડી પાડયો હતો. આરોપી અંજાર ખાતે મિલકત સંબંધીત ગુના આચર્યો હોવાથી આ મામલે સ્ટેડા નોંધ કરીને અંજાર પોલીસને સોંપવામાં આવ્યો હોવાની વિગતો છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 22, 2026

Mahemdavad : મહેમદાવાદ પાલિકા પ્રમુખની ખુરશી સલામત

મહેમદાવાદ પાલિકાના પ્રમુખ પ્રશાંત પટેલ સામે રજૂ કરવામાં આવેલી અવિશ્વાસની દરખાસ્ત પરત ખેંચી લેવામાં આવી છે. ભાજપના નેતાએ સમયસર મધ્યસ્થતા કરીને અસંતૃષ્ટ 10 કાઉન્સિલરોને મનાવી લેવામાં આવ્યા હતા. ગુરૂવારે પાલિકામાં બોલાવવામાં આવેલી ખાસ સભામાં તમામ કાઉન્સિલરો ઉપસ્થિત રહીને હાથ ઊંચા કરીને પ્રમુખને પોતાનું સંપૂર્ણ સમર્થન આપવાની જાહેરાત કરી છે. અને પ્રમુખની ખુરશી સલામત રહી છે. ભાજપ શાસિત મહેમદાવાદ નગરપાલિકાના કુલ 28 સભ્યો માંથી ભાજપના 18 પૈકી 10 કાઉન્સિલરોએ પ્રમુખ પ્રશાંત પટેલ સામે મનમાની અને વિશ્વાસમાં લીધા વિના નિર્ણયો અને વહીવટના મુદ્દે તા. 13 ઓકટોબરે અવિશ્વાસની દરખાસ્ત રજૂ કરી હતી. આ દરખાસ્ત ચીફઓફિસરને આપી હતી. જેને લઇને સ્થાનિક રાજકારણમાં ભારે ખળભળાટ મચી ગયો હતો. આ દરખાસ્ત રજૂ થયા બાદ ભાજપના નેતાઓ અને સંગઠનના હોદ્દેદારો સત્તાપક્ષની આબરૂ ન જાય તે માટે તાત્કાલિક એકશન મોડમાં આવી ગયા હતા. સ્થાનિક નેતા અને ધારાસભ્ય અર્જુનસિંહ ચૌહાણે આ પરિસ્થિતિને થાળે પાડવા માટે બેઠકોનો દોર શરૂ કર્યો હતો. નવરાત્રિ મહોત્સવ પૂર્ણ થયા બાદ ધારાસભ્યે બુધવારે સરકીટ હાઉસમાં નારાજ સભ્યો સહિત તમામ કાઉન્સિલરોને બોલાવીને એક બેઠક યોજવામાં આવી હતી. આ બેઠકમાં નારાજ સભ્યો સાથે સીધી વાતચીત કરી અને પક્ષની શિસ્ત જાળવી રાખવા માટે કડક શબ્દોમાં ઠપકો પણ આપવામાં આવ્યો હતો. ડેમેજ કંટ્રોલની આ કવાયતમાં તમામ નારાજ સભ્યોના મુદ્દાઓને સાંભળીને વિવાદનો ઉકેલ લાવવામાં આવ્યો હતો અને નારાજ સભ્યાને મનાલી લીધા હતા. નિયમ પ્રમાણે દરખાસ્ત થયાના પંદર દિવસ પહેલા પ્રમુખે વિશ્વાસ મત લેવા માટે ખાસ સામાન્ય સભા બોલાવવાની હોય છે. દરખાસ્તના દસંમા દિવસે પ્રમુખે પાલિકાની ખાસ સામાન્ય સભા બોલાવી હતી. આ સભા સત્તાપક્ષના પ્રમુખ સહિત 18 અને અપક્ષ 10 સભ્યો ઉપસ્થિતિમાં સભા યોજાઇ હતી. સભામાં તમામ સભ્યોએ હાથ ઊંચો કરીને પ્રમુખને સંપૂર્ણ સમર્થન આપીને અવિશ્વાસની દરખાસ્ત પાછી ખેંચી લેવામાં આવી હતી. આ વિવાદનો અંત આવી ગયો છે. દરખાસ્ત પરત ખેંચાઇ જવાથી પ્રમુખની ખુરશી સલામત થઇ ગઇ છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 22, 2026

Vallabh vidyanagar : SPયુનિવર્સિટીના 4 અધ્યાપકોએ વૈશ્વિક સંશોધનમાં ડંકો વગાડ્યો

સરદાર પટેલ યુનિવર્સિટીના ચાર પ્રાધ્યાપકોને સ્ટેનફોર્ડ યુનિવર્સિટી અને વૈશ્વિક શૈક્ષણિક પ્રકાશન સંસ્થા એલ્સેવિયર દ્વારા જાહેર કરવામાં આવેલી વિશ્વના ટોચના 2 ટકા વૈજ્ઞાનિકોની યાદીમા વૈજ્ઞાનિકોના ઉત્કૃષ્ટ સંશોધન પત્રો, તેમના શૈક્ષણિક પ્રભાવ અને સંદર્ભોના આધારે મૂલ્યાંકન કરીને સ્થાન આપવામાં આવ્યું છે. ગૌરવપૂર્ણ સિદ્ધિમાં ભૌતિક શાસ્ત્ર વિભાગના પ્રો.ડૉ.સુનિલ ચાકી વર્ષ 2022 થી 2026 સુધી સતત પાંચમાં વર્ષે યાદીમાં સ્થાન જાળવ્યુ છે. તેઓ ભૌતિકશાસ્ત્ર અને ખગોળશાસ્ત્ર અંતર્ગત એપ્લાઇડ ફિઝિક્સ ક્ષેત્રે સંશોધનકાર્ય કરી રહ્યા છે. ઉપરાંત ભૌતિક શાસ્ત્ર વિભાગના જ પ્રો.ડૉ.અરુણ આનંદે ઓપ્ટિક્સ પ્રકાશવિજ્ઞાન ક્ષેત્રે સમગ્ર કારકિર્દી દરમિયાન આપેલા ઉત્કૃષ્ટ પ્રદાનના આદારે વર્ષ 2023 થી 2026 સુધી પોતાનું સ્થાન અંકિત કર્યુ છે. રસાયણ શાસ્ત્ર વિભાગમાંથી પ્રો.ડૉ.પ્રજ્ઞેશ એન દવે કેમિકલ એન્જિનિયરિંગ અને સબંધિત ક્ષેત્રના ઉચ્ચસ્તરીય સંશોધનના આધારે વર્ષ 2022 થી 2026 સુધીના સમયગાળા માટેની યાદીમાં સ્થાન મેળવ્યુ છે. તેમજ ભૌતિકશાસ્ત્ર વિભાગના વડા પ્રોડૉ.મિલંદ પ્રભાકર દેશપાંડેએ પણ એપ્લાઇડ ફિઝિક્સના સંશોધનકાર્ય થકી વર્ષ 2025 અને 2026ની યાદીમાં સ્તાન મેળવી સરદાર પટેલ યુનિવર્સિટીનું ગૌરવ વધાર્યુ છે. આ પ્રસંગે કુલપતિ ડૉ.નિરંજન પટેલે જણાવ્યુ હતું કે સરદાર પટેલ યુનિવર્સિટીના ચાર સમર્પિત પ્રાધ્યાપકોનું સ્ટેનફોર્ડ યુનિવર્સિટી જેવી વૈશ્વિક સંસ્થાની યાદીમાં સ્થાન પામવું એ સમગ્ર યુનિવર્સિટી અને ગુજરાતના ઉચ્ચશિક્ષણ જગત માટે ગૌરવની ક્ષણ છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward