Community News & Updates

Stay informed with the latest happenings, achievements, and announcements from our community.

All News

calendar_today January 25, 2026

Ahmedabad News : જો સુભાષબ્રિજના સ્પાન સલામત હતાં તો બ્રિજ એક મહિનો બંધ કેમ રાખ્યો, AMCની કામગીરી સામે ઉઠ્યા સવાલ

અમદાવાદનો સુભાષબ્રિજ ક્ષતિગ્રસ્ત થતાં વાહન ચાલકો માટે બંધ કરવામાં આવ્યો હતો. હવે આ બ્રિજ નવો બનાવવાની ચર્ચાઓ વચ્ચે મનપા અને પોલીસના જોખમી નિર્ણયને લઈને સવાલો ઊભા થયાં છે. મનપા અને પોલીસે સુભાષ બ્રિજ નીચે રિવરફ્રન્ટ પરનો રસ્તો ખુલ્લો કર્યો છે. અગાઉ મનપા અને ટ્રાફિક પોલીસે સુભાષબ્રિજના બંને છેડા પર સંયુક્ત રીતે બેરિકેટિંગ કર્યું હતું. બ્રિજનો સ્પાન સલામત હોવાનો રિપોર્ટ આવતા આ નિર્ણય કરવામાં આવ્યો છે. અમદાવાદ મનપા અને પોલીસે લીધો જોખમી નિર્ણય અમદાવાદના સુભાષ બ્રિજના સ્પાન સલામત હોવાનો રીપોર્ટ આવ્યા બાદ મનપા અને પોલીસે જોખમી નિર્ણય કર્યો છે. સુભાષ બ્રિજ નીચે રિવરફ્રન્ટ પરનો રસ્તો ખુલ્લો કર્યો છે.અગાઉ મનપા અને ટ્રાફિક પોલીસે સુભાષબ્રિજના બંને છેડા પર સંયુક્ત રીતે બેરિકેટિંગ કર્યું હતું. સ્પાન સલામત હોવાનો 26 ડિસેમ્બરે મનપાને રીપોર્ટ મળ્યો હતો. તો હવે સવાલો એવા થયા છે કે, જો સ્પાન સલામત હોય તો બ્રિજ એક મહિના સુધી બંધ કેમ રાખ્યો. અચાનક બેરિકેટિંગ હટતાં મનપાની કામગીરી સામે સવાલો ઉભા થયાં છે. આ પણ વાંચોઃ Amreli News: ભાવનગર સોમનાથ હાઈવે પર અકસ્માત સર્જાયો, લગ્નના 15 દિવસ પહેલા જ યુવકનું મોત

Read Full Story arrow_forward

calendar_today January 25, 2026

Vadodara News : બુટલેગરને ભગાડ્યો હોવાનો વીડિયો વાયરલ થતાં લક્ષ્મીપુરા પોલીસે બુટલેગરની ધરપકડ કરી

વડોદરાના લક્ષ્મીપુરા પોલીસ સ્ટેશનની કામગીરી હાલ ગંભીર સવાલોના ઘેરામાં આવી ગઈ છે. એક પૂર્વ બુટલેગરે સોશિયલ મીડિયા પર વીડિયો વાયરલ કરીને સનસનીખેજ આક્ષેપ કર્યો છે કે પોલીસની મિલીભગતથી જ એક આરોપી પોલીસ સ્ટેશનમાંથી ભાગવામાં સફળ રહ્યો છે. આ વીડિયો સોશિયલ મીડિયામાં વાયુવેગે પ્રસરતા પોલીસ બેડામાં ભારે ચર્ચાઓ જાગી છે. આ વીડિયો વાયરલ થયા બાદ લક્ષ્મીપુરા પોલીસે બુટલેગરની ધરપકડ કરી છે. આખરે ઘટનામાં ભીનું સંકેલાયુ હોવાની ચર્ચાઓએ જોર પકડ્યું છે. આખી ઘટનામાં ભીનું સંકેલાયું હોવાની ચર્ચા પોલીસના ઉચ્ચ અધિકારીઓ કે સ્ટાફની રહેમનજર હેઠળ આરોપીને છટકી જવામાં મદદ કરવામાં આવી હતી. પૂર્વ બુટલેગર દ્વારા કરવામાં આવેલા આ ધડાકાએ પોલીસ અને ગુનેગારો વચ્ચેના કથિત ગઠબંધનને ખુલ્લું પાડવાનો પ્રયાસ કર્યો છે. આ ઘટનાને પગલે સ્થાનિક પ્રશાસન અને ઉચ્ચ પોલીસ અધિકારીઓ પર તપાસનું દબાણ વધ્યું છે. આ વીડિયો વાયરલ થયા બાદ લક્ષ્મીપુરા પોલીસે બુટલેગર રાકેશ કથીરીયાની ધરપકડ કરી ભીનું સંકેલી લીધું હોવાની ચર્ચાઓએ જોર પકડ્યું છે. પોલીસે મુદ્દામાલ તરીકે ચાર ક્વાટર બતાવ્યા અને બુટલેગર પાસે ઉઠબેસ કરાવી હતી. આ પણ વાંચોઃ Amreli News: ભાવનગર સોમનાથ હાઈવે પર અકસ્માત સર્જાયો, લગ્નના 15 દિવસ પહેલા જ યુવકનું મોત

Read Full Story arrow_forward

calendar_today January 25, 2026

Dahod News : ઉત્તરાયણ પછી પણ પતંગની દોરીનો કહેર યથાવત, બાઈક ચાલકને મોંઢા પર 15 ટાંકા આવ્યા

ગુજરાતમાં ઉત્તરાયણનો પર્વ પૂર્ણ થયે આજે 10 દિવસ પૂર્ણ થયાં છે. ત્યારે હજી પણ પતંગની દોરી વાગવાની ઘટનાઓ સામે આવી રહી છે. પતંગની દોરીના ઘા અનેક લોકોને ગંભીર ઈજાઓ પહોંચાડી રહ્યાં છે. ત્યારે દાહોદમાં પતંગની દોરીથી એક બાઈક ચાલકને ઈજા પહોંચી હતી. મોઢાના ભાગે દોરી વાગતા યુવક લોહી લુહાણ થઈ ગયો હતો. તેને તાત્કાલિક સારવાર માટે હોસ્પિટલ ખસેડાયો હતો. દાહોદમાં પતંગની દોરીથી બાઈક ચાલક ઘાયલ દાહોદમાં ગરબાડા ચોકડી બ્રિજ પરથી પસાર થતાં એક બાઈક ચાલકને પતંગની દોરી મોઢાના ભાગે વાગી હતી. દોરીનો ઘા એટલો ખતરનાક હતો કે યુવક લોહીલુહાણ થઈ ગયો હતો. ઈજાગ્રસ્ત યુવકને તાત્કાલિક સારવાર માટે હોસ્પિટલ ખસેડવામાં આવ્યો હતો. મુર્તુજાભાઈ નામના યુવકને ઈજા પહોંચી હતી. સારવાર દરમિયાન યુવકને મોઢા પર 15 ટાંકા આવ્યા હતાં. આ પણ વાંચોઃ Dang News : એસટી બસનું સ્ટીયરીંગ જામ થઈ જતાં વઘઈ આહવા રોડ પર અકસ્માત, બે મુસાફરોને ઈજા પહોંચી

Read Full Story arrow_forward