Community News & Updates

Stay informed with the latest happenings, achievements, and announcements from our community.

All News

calendar_today January 24, 2026

ભગવાન રામનું 286 કિલો વજનનું 'કોદંડ' ધનુષ અયોધ્યા પહોંચ્યું, જાણો આ દિવ્ય શસ્ત્રનું ધાર્મિક મહત્વ

3 જાન્યુઆરીએ ઓડિશાથી નીકળે દિવ્ય 'કોદંડ' ધનુષ 22 જાન્યુઆરીના દિવસે અયોધ્યા પહોંચી ગયું છે. અયોધ્યા ગૌરવશાળી ક્ષણનું સાક્ષી બન્યું. 286 કિલોગ્રામના વજનનું ભગવાન રામનું દિવ્ય ધનુષ 'કોદંડ' રામનગરી પહોંચ્યું. ભારતના સાંસ્કૃતિક અને ધાર્મિક વિરાસતની ધરોહર સમાન આ ધનુષ રામ નગરી પહોંચતા અયોધ્યાની શોભામાં વધારો કર્યો છે. ભગવાન રામના ધનુષ 'કોદંડ'નું જાણો મહત્વ.

Read Full Story arrow_forward

calendar_today January 24, 2026

Uttar Pradesh Day: યુપી ભારતની આત્મા અને ધડકન, લખનૌમાં બોલ્યા અમિત શાહ

આજે કેન્દ્રીય ગૃહમંત્રી અમિત શાહ લખનૌની મુલાકાતે છે.  ઉત્તર પ્રદેશ મહોત્સવ 24 થી 26 જાન્યુઆરી દરમિયાન રાષ્ટ્રીય પ્રેરણા સ્થળ પર યોજાઈ રહ્યો છે. ગૃહમંત્રી અમિત શાહ યુપી દિવસની ઉજવણી માટે લખનૌ પહોંચ્યા હતા. મુખ્યમંત્રી યોગી આદિત્યનાથ અને ભાજપના પ્રદેશ પ્રમુખ પંકજ ચૌધરીએ એરપોર્ટ પર તેમનું પુષ્પગુચ્છથી સ્વાગત કર્યું હતું. ત્યારબાદ અમિત શાહ રાષ્ટ્રીય પ્રેરણા સ્થળ પર પહોંચ્યા હતા.અમિત શાહે લગાવ્યા જયશ્રી રામના નારા આ પ્રસંગે અમિત શાહે જયશ્રી રામના નારા લગાવીને સંબોધનની શરૂઆત કરી હતી. તેમણે કહ્યું કે એક સમય હતો જ્યારે ઉત્તર પ્રદેશને શ્રમ સ્ત્રોત રાજ્ય માનવામાં આવતું હતું. આજે, તે ભારતના અર્થતંત્રનું ચાલક બળ બની ગયું છે. કોંગ્રેસ, સપા અને બસપાએ તેને 'બીમારુ' રાજ્ય બનાવી દીધું હતું. જ્યારે . ભાજપ સરકારે તેને એક પ્રગતિશીલ રાજ્યમાં પરિવર્તિત કર્યું, અને વિકાસ હવે દરેક ગામ સુધી પહોંચી ગયો છે.યુપી ભારતની આત્મા અને ધડકન છે- અમિત શાહ કેન્દ્રીય ગૃહમંત્રીએ કહ્યું કે ઉત્તર પ્રદેશમાં પણ યોગીજીએ રાજ્યના વિકાસનો સંકલ્પ લીધો છે. 15 ઓગસ્ટ, 2047ના રોજ, જ્યારે દેશની આઝાદીની 100મી વર્ષગાંઠ ઉજવવામાં આવશે, ત્યારે ઉત્તર પ્રદેશનો વિકાસ થશે. વિકસિત ભારત માટે ઉત્તર પ્રદેશ એક મુખ્ય રાજ્ય છે. અમે આજે આ સંકલ્પને પુનરાવર્તિત કરીએ છીએ. ઉત્તર પ્રદેશ ભારતનું હૃદય અને આત્મા છે. હવે, આ રાજ્ય દેશના વિકાસનું એન્જિન પણ બની રહ્યું છે.અમિત શાહે યોગીની કરી પ્રશંસા અમિત શાહે યુપી દિવસ કાર્યક્રમમાં યોગી સરકારની પ્રશંસા કરી. તેમણે કહ્યું કે પ્રશ્ન ઉઠાવવામાં આવ્યો હતો: શું ઉત્તર પ્રદેશ સફળ થશે? અમિત શાહે કહ્યું કે યોગીએ મને કહ્યું હતું કે પહેલા 65 એકર જમીન પર કચરાનો પહાડ હતો, જેને અમે સોનામાં પરિવર્તિત કરીને વિકસાવ્યો છે. દર વર્ષે એક લાખ યુવાનોને 5 લાખ રૂપિયા સુધીની વ્યાજમુક્ત, ગેરંટીમુક્ત લોન આપવા માટે એક સિસ્ટમ સ્થાપિત કરવામાં આવી છે. અત્યાર સુધીમાં એક લાખ યુવાનોને આનો લાભ મળ્યો છે. એક જિલ્લો, એક વાનગી કાર્યક્રમ રોજગારની નવી તકો પણ ઉભી કરશે. 2017 ની ઉત્તર પ્રદેશ વિધાનસભા ચૂંટણી દરમિયાન, અમે પહેલીવાર અમારા મેનિફેસ્ટોમાં "એક જિલ્લો, એક ઉત્પાદન" ના સૂત્રનો સમાવેશ કર્યો હતો. આજે, આ મોડેલને દેશભરના ઘણા રાજ્યોમાં અપનાવવામાં આવી રહ્યું છે. "એક જિલ્લો, એક ભોજન" પહેલ હવે શરૂ થઈ રહી છે. તેમણે કહ્યું કે રાજ્યના વિકાસ પર સવાલ ઉઠાવનારાઓ એ પણ જોઈ રહ્યા છે કે રાજ્ય માત્ર વિકાસનું અગ્રણી એન્જિન બન્યું નથી, પરંતુ આજે "એક જિલ્લો, એક મીઠાઈ" પહેલ શરૂ કરીને વધુ એક સીમાચિહ્ન હાંસલ કરવા જઈ રહ્યું છે.

Read Full Story arrow_forward

calendar_today January 24, 2026

Agriculture News : સુરેન્દ્રનગરના પ્રાકૃતિક ખેતી કરતા ખેડૂતોને હવે મળશે વૈશ્વિક બજાર, આત્મા પ્રોજેક્ટ દ્વારા 'નેચરલ સર્ટિફિકેશન'ની પ્રક્રિયાને વેગ

સુરેન્દ્રનગર જિલ્લામાં પ્રાકૃતિક કૃષિ ખેત પેદાશોના વેચાણને વેગ મળે અને ખેડૂતોને આંતરરાષ્ટ્રીય માપદંડો મુજબનું માર્કેટિંગ પ્લેટફોર્મ મળી રહે તે હેતુથી નેચરલ સર્ટિફિકેશનની કામગીરીને વેગમાન બનાવવા માટે ખેડૂત તાલીમ કેન્દ્ર ખાતે એક વિશેષ સંયુક્ત સંકલન બેઠકનું આયોજન કરવામાં આવ્યું હતું. માર્કેટિંગ ઇન્કવાયરી મળશે અને વચેટિયાઓ વિના વેચાણની પ્રક્રિયા સુગમ બનશે બેઠકમાં ઉપસ્થિત ફાઉન્ડેશનના ટેકનિકલ ઓફિસર એચ.જી. લાલવાણીએ માહિતી આપતા જણાવ્યું હતું કે, વર્તમાન સમયમાં શુદ્ધ અને રાસાયણિક મુક્ત આહારની માંગ સતત વધી રહી છે. જો પ્રાકૃતિક ખેતી કરતા ખેડૂતો સત્તાવાર રીતે ‘નેચરલ સર્ટિફિકેશન’ મેળવશે, તો તેમની પેદાશોની વિશ્વસનીયતા વધશે અને આગામી સમયમાં બજારની સ્પર્ધામાં ટકી રહેવું સરળ બનશે. સર્ટિફિકેશનના માધ્યમથી ખેડૂતોને સીધી માર્કેટિંગ ઇન્કવાયરી મળશે અને વચેટિયાઓ વિના વેચાણની પ્રક્રિયા સુગમ બનશે, જેનો સીધો આર્થિક લાભ ખેડૂતોને મળશે. પ્રક્રિયામાં આત્મા અને પ્રાકૃતિક બોર્ડના સ્ટાફને સંપૂર્ણ સહયોગ આપવા આદેશ કરવામાં આવ્યો બેઠકના અધ્યક્ષ સ્થાનેથી આત્મા પ્રોજેક્ટ ડાયરેક્ટરે ઉપસ્થિત સ્ટાફ અને ખેડૂત પ્રતિનિધિઓને માર્ગદર્શન આપતા જણાવ્યું હતું કે, જિલ્લામાં જે ક્લસ્ટરોમાં ૧૨૫ જેટલા સ્વયં પ્રેરીત ખેડૂતોનું રજીસ્ટ્રેશન થયેલું છે અને તેઓ સંપૂર્ણપણે પ્રાકૃતિક ખેતીના સિદ્ધાંતોનું પાલન કરે છે, તેવા ખેડૂતોએ સર્ટિફિકેશનની પ્રાથમિક વિગતો તાત્કાલિક પૂર્ણ કરવાની રહેશે. ખેડૂતોએ પોતાના આધાર કાર્ડ, જમીન ખાતાની નકલ (૭/૧૨, ૮-અ), બેંક પાસબુકની નકલ અને સેલ્ફ ડિકલેરેશન જેવી માહિતી ક્ષેત્રીય કક્ષાએ કાર્યરત હેલ્થ એન્ડ કેર ન્યુટ્રીશન ફાઉન્ડેશનના સ્ટાફને જમા કરાવવાની રહેશે. આ પ્રક્રિયામાં આત્મા અને પ્રાકૃતિક બોર્ડના સ્ટાફને સંપૂર્ણ સહયોગ આપવા આદેશ કરવામાં આવ્યો છે જેથી જિલ્લામાં માર્કેટિંગનો પ્રશ્ન કાયમી ધોરણે હલ કરી શકાય. પ્રાકૃતિક ખેતી કરતા ખેડૂતોના આર્થિક ઉત્થાનનો નવો માર્ગ પ્રશસ્ત થશે ઉલ્લેખનીય છે કે, ગુજરાત સરકાર રાજ્યપાલ આચાર્ય દેવવ્રતજી અને મુખ્યમંત્રી ભૂપેન્દ્રભાઈ પટેલના નેતૃત્વમાં પ્રાકૃતિક ખેતીને પ્રોત્સાહન આપવા માટે મક્કમ છે. રાજ્ય સરકાર દ્વારા પ્રાકૃતિક ખેતી કરતા ખેડૂતોને પ્રોત્સાહિત કરવા માટે દેશી ગાયના નિભાવ પેટે આર્થિક સહાય સીધી ખેડૂતોના ખાતામાં જમા કરવામાં આવે છે. આ ઉપરાંત, રાસાયણિક ખાતર અને જંતુનાશકોના વપરાશને ઘટાડી જમીનની ફળદ્રુપતા જાળવવા તેમજ નાગરિકોને ઝેરમુક્ત આહાર પૂરો પાડવા માટે ‘ગુજરાત પ્રાકૃતિક કૃષિ વિકાસ બોર્ડ’ દ્વારા ગામેગામ તાલીમ અને માર્ગદર્શન પૂરૂં પાડવામાં આવી રહ્યું છે. સુરેન્દ્રનગર જિલ્લામાં આ સર્ટિફિકેશન ઝુંબેશથી આગામી સમયમાં પ્રાકૃતિક ખેતી કરતા ખેડૂતોના આર્થિક ઉત્થાનનો નવો માર્ગ પ્રશસ્ત થશે. આ પણ વાંચો : Surendranagar News : ગુજરાતને ફરી વિજેતા બનાવવા સુરેન્દ્રનગર જિલ્લા વહીવટી તંત્રની અપીલ: 'MyGov India' એપ પર રજિસ્ટ્રેશન પ્રક્રિયા શરૂ

Read Full Story arrow_forward