Gandhinagar: ડ્રાઈવિંગ ટેસ્ટમાં વેઈટિંગ બે મહિને પહોંચતા એપોઈન્ટમેન્ટ વધારાઈ
ગાંધીનગર આરટીઓમાં આગામી સમયે એઆઈ બેઝ વિડિયો એનાલિટિક ટેક્નોલોજીથી સજ્જ ડ્રાઈવિંગ ટેસ્ટ શરૂ થઈ જશે.જેમાં પાસ-નાપાસના રેશિયોમાં વધારો થવાનો છે. જેને પગલે ગાંધીનગરમાં છેલ્લા ઘણા સમયથી ડ્રાઈવિંગ ટેસ્ટ માટે ધસારો વધ્યો છે. ગાંધીનગરમાં ડ્રાઈવિંગ ટેસ્ટ માટે બેથી અઢી મહિનાનું વેઈટિંગ થઈ ગયું હતુ. જેને પગલે ગાંધીનગર RTO દ્વારા અરજદારોની સુવિધા માટે ટુ વ્હીલર અને ફોર વ્હીલરમાં 30-30 જેટલી એપોઈન્ટમેન્ટ વધારી દેવાઈ છે. જેને પગલે હાલના સમયે વેઈટિંગ ઘટીને 10 દિવસ ઉપર આવ્યું હોવાનું કહેવાય છે. અધિકારી દ્વારા ટ્રેક સંભાળતા કર્મચારીઓને પણ વધારે સમય બેસીને પણ અરજદારોના ટેસ્ટ પુરા કરવા માટે સૂચના આપી હોવાની વિગતો છે. આરટીઓમાં પહેલાં ટુવ્હીલર અને ફોરવ્હીલરના મળીને અંદાજે 200 જેટલા ટેસ્ટ થતાં હતા. જેમાં વધારો કરીને ફોર વ્હીલરમાં 133 જ્યારે ટુ વ્હીલરમાં 128 જેટલા ટેસ્ટ હાલ લેવામાં આવે છે. આગામી સમયે ગાંધીનગર આરટીઓમાં એઆઈ બેઝ ટ્રેક સિસ્ટમ અમલી બનશે, ત્યારે તે પહેલાં અરજદારોએ ટેસ્ટા આપવા માટે પડાપડી કરી હોવાનું મનાય છે. જેની સીધી અસરથી વેઈટિંગમાં વધારો થતાં આરટીઓને એપોઈન્ટમેન્ટ વધારવાની ફરજ પડી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
