Community News & Updates

Stay informed with the latest happenings, achievements, and announcements from our community.

All News

calendar_today January 16, 2026

Patanના સમીમાં અસામાજિક તત્વોનો આતંક, રિક્ષા અને છાપરામાં લગાવી આગ

પાટણ જિલ્લાના સમી શહેરમાં અસામાજિક તત્વોનો આતંક સામે આવ્યો છે. પૈસાની લેવડ-દેવડના વિવાદમાં માનવતા નેવે મૂકીને કેટલાક શખ્સોએ મોડી રાત્રે રહેણાંક વિસ્તારમાં આગચંપી કરી ભયનો માહોલ ફેલાવ્યો હતો. પોલીસે આ મામલે ત્વરિત કાર્યવાહી કરી મુખ્ય આરોપીની ધરપકડ કરી છે.ઉછીના પૈસા પરત ન આપતા આતંક મચાવ્યો સમીના એક રહીશે પોતાના પિતાની સારવાર માટે ઇમરાન નામના શખ્સ પાસેથી રૂ.50,000 ઉછીના લીધા હતા. જેમાંથી રૂ.35,000 તો પરત ચૂકવી દેવામાં આવ્યા હતા, પરંતુ બાકી નીકળતા માત્ર રૂ.15,000ની વસૂલાત માટે અસામાજિક તત્વોએ હિંસક માર્ગ અપનાવ્યો હતો. બાકી પૈસા પરત ન મળતા ઉશ્કેરાયેલા શખ્સોએ મોડી રાત્રે પીડિતના ઘર પાસેના છાપરા અને રિક્ષામાં આગ ચાંપી દીધી હતી. આ ઘટનાને પગલે વિસ્તારમાં અફરાતફરી મચી ગઈ હતી. પોલીસે એક આરોપીને ઝડપી રિકન્સ્ટ્રક્શન કર્યુ સમી પોલીસે ઘટનાની ગંભીરતા સમજીને તાત્કાલિક તપાસ હાથ ધરી હતી. પોલીસે આતંક મચાવનાર ઇમરાન ઉર્ફે મોન્ટી સૈયદની ધરપકડ કરી છે. પકડાયેલા આરોપીને સાથે રાખી પોલીસે ગુના વાળી જગ્યાએ રિકન્સ્ટ્રક્શનની પ્રક્રિયા હાથ ધરી હતી, જેથી પુરાવા મજબૂત કરી શકાય. આ ગુનામાં સંડોવાયેલ અન્ય એક શખ્સ, ઇમરાન ઉર્ફે ઓઝો સૈયદ, હજુ પોલીસ પકડથી દૂર છે, જેને પકડવા માટેના ચક્રો ગતિમાન કરાયા છે. આ ઘટનાએ વ્યાજખોરો અને અસામાજિક તત્વોના વધતા જતા ત્રાસ સામે કડક કાર્યવાહીની માંગ ઉભી કરી છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 16, 2026

Digital Arrest Scam: CBI અધિકારી બની વૃદ્ધને ડરાવ્યો, ₹2.19 કરોડની ઠગાઈ

દિલ્હી પોલીસના સ્પેશિયલ સેલની IFSO (Intelligence Fusion and Strategic Operations) યુનિટે એક એવી આંતરરાજ્ય સાયબર ગેંગનો પર્દાફાશ કર્યો છે, જે પોતાને CBI અને પોલીસ અધિકારી તરીકે રજૂ કરીને લોકોને ડરાવતી હતી. આ ગેંગે દિલ્હીના 78 વર્ષીય વૃદ્ધને મની લોન્ડરિંગ કેસમાં ફસાવવાની ધમકી આપી અને “ડિજિટલ ધરપકડ”ના બહાને તેની જીવનભરની કમાણીમાંથી કુલ ₹2.19 કરોડની છેતરપિંડી કરી. કેસ કેવી રીતે શરૂ થયો? વૃદ્ધ પીડિતને એક ફોન કોલ આવ્યો જેમાં ફોન કરનારાએ પોતાને લખનૌ પોલીસ હેડક્વાર્ટરનો અધિકારી ગણાવ્યો. તેણે કહ્યું કે પીડિત સામે મની લોન્ડરિંગના બે વોરંટ બાકી છે. ઉંમર અને સ્વાસ્થ્યનો ફાયદો ઉઠાવીને, પોલીસ સ્ટેશન બોલાવવાને બદલે “ડિજિટલ ધરપકડ” કરવાની વાત કરવામાં આવી. બાદમાં અન્ય ઠગોએ આધાર કાર્ડના દુરુપયોગની વાત કહીને ભયનો માહોલ ઊભો કર્યો. 24 કલાક માનસિક દબાણ અને નકલી CBI ઓફિસ ઠગોએ વોટ્સએપ વીડિયો કોલ દ્વારા પીડિત પર સતત 24 કલાક નજર રાખી. તેને ઘરની બહાર ન જવાની અને કોઈને વાત ન કરવાની સૂચના અપાઈ. વીડિયો કોલ દરમિયાન નકલી CBI ઓફિસ, ખોટા અધિકારીઓ અને વકીલ દેખાડીને તેને ગંભીર કાયદાકીય કાર્યવાહીનો ડર બતાવવામાં આવ્યો. આ દબાણને કારણે પીડિતે 26 નવેમ્બરથી 4 ડિસેમ્બર 2025 દરમિયાન અલગ-અલગ બેંક ખાતાઓમાં કુલ ₹2,19,18,000 ટ્રાન્સફર કરી દીધા. પોલીસ કાર્યવાહી અને ધરપકડ ફરિયાદ મળતાં જ 5 ડિસેમ્બર 2025ના રોજ કેસ નોંધાયો. ટેકનિકલ સર્વેલન્સ અને ડિજિટલ ફૂટપ્રિન્ટ્સના આધારે તપાસ કરતા જાણવા મળ્યું કે રકમનો મોટો ભાગ મધ્યપ્રદેશના બરવાણીના એક ખાતામાં ગયો હતો. ત્યારબાદ દીપેશ પાટીદાર અને અંશુલ રાઠોડની ધરપકડ કરવામાં આવી. તેમની પૂછપરછ બાદ જબલપુર, ઇન્દોર, પ્રયાગરાજ, ઝાંસી અને લખનૌમાં દરોડા પાડીને ગેંગના વધુ ત્રણ સભ્યોને પકડી પાડવામાં આવ્યા. જપ્તી અને હાલની સ્થિતિ પોલીસે નકલી રબર સ્ટેમ્પ, ચેકબુક, સાત મોબાઇલ ફોન, 20 ડેબિટ કાર્ડ અને આધાર કાર્ડની નકલો જપ્ત કરી છે. હાલ ગેંગના અન્ય સહયોગીઓ અને નાણાકીય લેવડદેવડ અંગે તપાસ ચાલુ છે. પોલીસની ચેતવણી દિલ્હી પોલીસે સ્પષ્ટ કહ્યું છે કે કાયદા અમલ એજન્સીઓ ક્યારેય વીડિયો કોલ દ્વારા ધરપકડ કરતી નથી. “ડિજિટલ ધરપકડ”ના નામે આવતો કોઈ પણ ફોન ઠગાઈ હોઈ શકે છે. આવા કોલ આવે તો તરત પોલીસ અથવા સાયબર ક્રાઇમ સેલને જાણ કરો.આ પણ વાંચો : નિવૃત્ત થયા છતાં મિશનમાં! US Air Forceના F-15 ફાઇટર જેટ હવે NASA સાથે ઉડાન ભરશે

Read Full Story arrow_forward

calendar_today January 16, 2026

Stock Market Closing: લીલા નિશાનમાં માર્કેટ બંધ, સેન્સેક્સ 83,598 અંકે બંધ

અમેરિકાના બજારોમાં મજબૂતી વચ્ચે ભારતીય શેરબજારના છેલ્લા ટ્રેડિંગ સેશનમાં તેજી જોવા મળી છે. સેન્સેક્સ અને નિફ્ટી બંને લીલા નિશાનમાં જ બંધ થયો છે. બપોરે 3.30 કલાકે સેન્સેક્સ 216 પોઇન્ટના વધારા સાથે 83,598 પર બંધ થયો છે જ્યારે નિફ્ટી 36.30 પોઇન્ટના વધારા સાથે 25,701 અંકે બંધ થયો છે. શેરબજારમાં વધારો કેમ? શુક્રવારે (16 જાન્યુઆરી) ના રોજ, અઠવાડિયાના છેલ્લા ટ્રેડિંગ સત્રમાં, અમેરિકન બજારોમાં મજબૂતાઈ વચ્ચે, ભારતીય શેરબજારો મજબૂત રીતે ખુલ્યા. ખુલ્યાના એક કલાકમાં જ બજાર ફરી ઉછળ્યું. આઇટી જાયન્ટ ઇન્ફોસિસના નેતૃત્વમાં આઇટી શેરોમાં મજબૂત તેજીએ બજારને ટેકો આપ્યો. વધુમાં, રિલાયન્સ ઇન્ડસ્ટ્રીઝ અને એચડીએફસી બેંકના ઇન્ડેક્સમાં થયેલા વધારાએ પણ બજારને ઉપર તરફ ખેંચ્યું.ટોપ ગેનર અને ટોપ લુઝર સેન્સેક્સ શેરોમાં, આઇટી શેર ઇન્ફોસિસ લગભગ 5 ટકા વધ્યા. ટેક મહિન્દ્રા, એચસીએલ ટેક, એમ એન્ડ એમ, બજાજ ફિનસર્વ, બજાજ ફાઇનાન્સ, પાવર ગ્રીડ, કોટક બેંક, અદાણી પોર્ટ્સ અને એનટીપીસી પણ વધ્યા. દરમિયાન, ઇટરનલ, સન ફાર્મા, ભારતી એરટેલ, બીઇએલ, એશિયન પેઇન્ટ્સ, મારુતિ સુઝુકી, આઇસીઆઇસીઆઇ બેંક અને એક્સિસ બેંક આજે સૌથી વધુ ઘટેલા શેરોમાં સામેલ હતા. વ્યાપક બજારમાં, નિફ્ટી મિડકેપ ઇન્ડેક્સ 0.64 ટકા વધ્યો, જ્યારે નિફ્ટી સ્મોલકેપ ઇન્ડેક્સ 0.29 ટકા વધ્યો. ક્ષેત્રીય રીતે, નિફ્ટી આઇટી અને નિફ્ટી કેપિટલ માર્કેટ્સ સૂચકાંકો દરેકમાં 2.5 ટકા વધ્યા. નિફ્ટી રિયલ્ટી ઇન્ડેક્સ 1.5 ટકા વધ્યો, અને નિફ્ટી પીએસયુ બેંક ઇન્ડેક્સ 1.4 ટકા વધ્યો. નિફ્ટી બેંક ઇન્ડેક્સ 0.6 ટકા વધ્યો.Chaturgrahi Rajyog 2026: મકરસંક્રાંતિ બાદ આ રાશિને મોજ, ચર્તુગ્રહી રાજયોગ કરાવશે ફાયદો જ ફાયદો

Read Full Story arrow_forward