Community News & Updates

Stay informed with the latest happenings, achievements, and announcements from our community.

All News

calendar_today January 7, 2026

Surat News: બાઈક સ્ટંટ કરનાર પિતા પાસે પોલીસે મંગાવી માફી

સુરત શહેરમાં સ્ટંટબાજોનો ત્રાસ દિન-પ્રતિદિન વધી રહ્યો છે. ખાસ કરીને યુવાધન સોશિયલ મીડિયા પર લાઈક્સ અને વ્યૂઝ મેળવવા માટે જાહેર માર્ગો પર લોકોના જીવ જોખમમાં મૂકી રહ્યા છે. તાજેતરમાં મોટા વરાછા રિંગરોડ પર બાઈક સ્ટંટ કરતા એક યુવકનો વીડિયો વાયરલ થયો હતો. પોલીસે આ મામલે કડક કાર્યવાહી કરતા સ્ટંટ કરનાર સગીરના પિતા પાસે જાહેર માફી મંગાવી છે.શું હતી સમગ્ર ઘટના? ઘટનાની મળતી માહિતી અનુસાર, સુરતના મોટા વરાછા રિંગરોડ પર એક બાઈક સવારે પોતાની બાઈકનું આગળનું વ્હીલ ઊંચું કરી ભયજનક રીતે સ્ટંટ કર્યા હતા. નવાઈની વાત એ છે કે, આ સ્ટંટબાજે પોતાની સુરક્ષા માટે હેલ્મેટ તો પહેર્યું હતું, પરંતુ જાહેર માર્ગ પર અન્ય વાહનચાલકોની સુરક્ષાને નેવે મૂકી હતી. આ સ્ટંટનો વીડિયો સોશિયલ મીડિયા પર વાયરલ થતા ઉત્રાણ પોલીસ એક્શનમાં આવી હતી. તપાસમાં સગીર હોવાનું ખૂલ્યું ઉત્રાણા પોલીસે વાયરલ વીડિયોના આધારે તપાસ હાથ ધરતા માલૂમ પડ્યું કે બાઈક ચલાવનાર કોઈ પુખ્ત વયનો યુવક નહીં પરંતુ એક સગીર હતો. પોલીસે તાત્કાલિક કાર્યવાહી કરીને સગીર અને તેના પિતાને પોલીસ સ્ટેશન બોલાવ્યા હતા. કાયદાકીય જોગવાઈઓ મુજબ સગીર સંતાનની ભૂલ બદલ તેના પિતાએ ક્ષોભજનક સ્થિતિમાં મુકાવું પડ્યું હતું.http://x.com/sandeshnews/status/2008806235345481955 પિતાએ માંગી માફી પોલીસ સ્ટેશનમાં સગીરના પિતાએ પોતાના પુત્રની ભૂલ સ્વીકારી હતી અને ભવિષ્યમાં આવી ભૂલ નહીં થાય તેવી ખાતરી આપી હતી. પોલીસે પિતા પાસે માફી મંગાવી હતી જેથી અન્ય વાલીઓ પણ જાગૃત થાય અને પોતાના સગીર સંતાનોને વાહન આપતા પહેલા સો વાર વિચારે. પોલીસે સ્પષ્ટ સંદેશ આપ્યો છે કે, સ્ટંટબાજી ચલાવી લેવામાં આવશે નહીં. આ પણ વાંચો - Surat News: યુવક પર હુમલો કરનાર બે આરોપી ઝડપાયા

Read Full Story arrow_forward

calendar_today January 7, 2026

ISRO 2026: ISROનું નવા વર્ષનું પહેલુ મિશન, EOS-N1 ઉપગ્રહ 12 જાન્યુઆરીએ કરશે લોન્ચ

ઇસરો 2026ની પહેલી લોન્ચિંગ 12 જાન્યુઆરીએ PSLV-C62 મિશનથી કરશે. શ્રી હરિકોટાથી સવારે 10.17 કલાકે ટેક ઓફ કરશે. મુખ્ય સેટેલાઇટ ડીઆરડીઓનું EOS-N1 રક્ષા માટે હશે. સ્પેનનું KID પ્રોબ અને 17 અન્ય કોર્મશિયલ પેલોડ્સ પણ છે.મુખ્ય ઉપગ્રહ: EOS-N1 મિશનનું પ્રાથમિક પેલોડ EOS-N1 છે, જેને "અન્વેષા" ઉપનામ આપવામાં આવ્યું છે. આ ઉપગ્રહ DRDO દ્વારા બનાવવામાં આવ્યો હતો. તે એક હાઇપરસ્પેક્ટ્રલ ઇમેજિંગ ઉપગ્રહ છે જે સેંકડો વિવિધ તરંગ લંબાઇમાં પૃથ્વીની સપાટીનું નિરીક્ષણ કરવા સક્ષમ છે. તે સંરક્ષણ, કૃષિ, શહેર મેપિંગ, પર્યાવરણીય દેખરેખ અને સામગ્રી ઓળખમાં મદદ કરશે. તે ખાસ કરીને વ્યૂહાત્મક હેતુઓ માટે રચાયેલ છે. ISRO એ 'X' (પહેલાનું ટ્વિટર) પર પોસ્ટ કર્યું હતું કે જનતા શ્રીહરિકોટામાં લોન્ચ વ્યૂ ગેલેરીમાંથી લોન્ચ જોઈ શકે છે. ઓનલાઈન નોંધણી ફરજિયાત છે. એજન્સીએ દર્શકોને વિનંતી કરી છે કે તેઓ નોંધણી પ્રક્રિયાને સરળ બનાવવા અને ઝડપી બનાવવા માટે તેમનો આધાર કાર્ડ, ડ્રાઈવિંગ લાઇસન્સ અથવા અન્ય સરકારી ઓળખ કાર્ડ, તેમનો મોબાઇલ નંબર અને ઇમેઇલ સરનામું તૈયાર રાખે.અન્ય પેલોડ્સકેસ્ટ્રેલ ઇનિશિયલ ડેમોન્સ્ટ્રેટર (KID): આ નાનું પ્રોબ (25 કિલો, ફૂટબોલનું કદ) સ્પેનિશ સ્ટાર્ટઅપ ઓર્બિટલ પેરાડાઈમ દ્વારા વિકસાવવામાં આવ્યું હતું. તે રોકેટના ચોથા તબક્કા (PS-4) સાથે જોડાયેલ હશે અને ફરીથી પ્રવેશ ટેકનોલોજીનું પરીક્ષણ કરશે. ભારત, મોરેશિયસ, લક્ઝમબર્ગ, UAE, સિંગાપોર, યુરોપ અને યુનાઇટેડ સ્ટેટ્સમાં સ્ટાર્ટઅપ્સ અને સંશોધન સંસ્થાઓના 17-18 અન્ય વ્યાપારી પેલોડ પણ હશે. જાહેરાત લોન્ચ શા માટે ખાસ છે? ગયા વર્ષે PSLV-C61 ની આંશિક નિષ્ફળતા પછી આ મિશન PSLV ના પુનરાગમનનું પ્રતીક છે. PSLV એ ISRO નું વર્કહોર્સ રોકેટ છે, જે નાના અને મધ્યમ ઉપગ્રહોને ચોક્કસ ભ્રમણકક્ષામાં પહોંચાડે છે. લોન્ચ કેવી રીતે જોવું? જનતા શ્રીહરિકોટામાં લોન્ચ વ્યૂ ગેલેરીમાંથી લાઈવ જોઈ શકે છે. ઓનલાઈન નોંધણી કરો: lvg.shar.gov.in. તમારું આધાર કાર્ડ, ડ્રાઇવિંગ લાઇસન્સ, અથવા કોઈપણ અન્ય સરકારી ID, મોબાઇલ નંબર અને ઇમેઇલ સરનામું તૈયાર રાખો.આ ISRO મિશન ભારતની અવકાશ ક્ષમતાઓને વધુ મજબૂત બનાવશે. નવા વર્ષમાં ભારત અવકાશ વિશ્વમાં મજબૂત શરૂઆત કરશે.

Read Full Story arrow_forward

calendar_today January 7, 2026

Diamond River Of India : ભારતની આ નદીને કહેવામાં આવે છે ડાયમંડ રિવર! જ્યાંથી મળ્યો હતો કોહિનૂર હીરો

ભારતમાં કુલ 12 મુખ્ય નદી પ્રણાલીઓ અને 400થી વધુ નદીઓ વહે છે, જેના કારણે ભારતને નદીઓની ધરતી તરીકે ઓળખવામાં આવે છે. આ નદીઓ દેશના કરોડો લોકો માટે જીવનનો આધારસ્તંભ છે. ખેતીમાં સિંચાઈથી લઈને પીવાનું પાણી પૂરું પાડવા સુધી, નદીઓનો ઉપયોગ રોજિંદા જીવનના દરેક પાસામાં થાય છે. પરંતુ શું તમને ખબર છે કે ભારતમાં એક એવી અનોખી નદી પણ છે જેને હીરા નદી તરીકે ઓળખવામાં આવે છે? આ નદી ભારતના મધ્ય પ્રદેશમાંથી વહે છે અને ઈતિહાસમાં તેના નદી પટમાં મળેલા અમૂલ્ય રત્નો માટે સમગ્ર વિશ્વમાં પ્રખ્યાત રહી છે. વિશ્વના અનેક જાણીતા અને કિંમતી હીરા આ નદીના કિનારાઓ પરથી મળી આવ્યા હોવાનું માનવામાં આવે છે.કૃષ્ણા નદીને ડાયમંડ નદી કહેવામાં આવે છેકૃષ્ણા નદી ઐતિહાસિક રીતે ડાયમંડ નદી તરીકે ઓળખાય છે. તેના ડેલ્ટા વિસ્તાર અને આસપાસના પ્રદેશો વિશેષ કરીને પ્રાચીન ગોલકોંડા વિસ્તાર એક સમય દરમિયાન દુનિયાના સૌથી કિંમતી હીરાઓ માટે પ્રખ્યાત રહ્યા હતા. કોહિનૂર, હોપ અને દરિયા-એ-નૂર જેવા વિશ્વવિખ્યાત હીરાઓનો ઉદ્ભવ આ જ વિસ્તારો સાથે જોડાયેલો માનવામાં આવે છે. ભૂગોળીય દૃષ્ટિએ કૃષ્ણા નદી ભારતની દ્વીપકલ્પીય નદીઓમાં ત્રીજા ક્રમે સૌથી લાંબી છે અને તેની કુલ લંબાઈ અંદાજે 1,400 કિલોમીટર જેટલી છે., જે આશરે 1,400 કિમી લાંબી છે. કૃષ્ણા નદીનું ઉદ્ગમ સ્થાન કૃષ્ણા નદીનો ઉદ્ભવ મહારાષ્ટ્ર રાજ્યમાં આવેલા મહાબળેશ્વર વિસ્તારમાં, પશ્ચિમ ઘાટમાં સ્થિત મહાદેવ મંદિર નજીકથી થાય છે. આ નદી પોતાની યાત્રા દરમિયાન મહારાષ્ટ્ર, કર્ણાટક, તેલંગાણા અને આંધ્રપ્રદેશમાંથી પસાર થઈને અંતે બંગાળના અખાતમાં મળે છે. કૃષ્ણા નદીની અનેક મહત્વપૂર્ણ ઉપનદીઓ છે, જેમાં તુંગભદ્રા સૌથી મોટી ઉપનદી તરીકે ઓળખાય છે. આ ઉપરાંત ભીમા, કોયના, ઘટપ્રભા, મલપ્રભા, મુસી અને વડવતી નદીઓ પણ તેની મુખ્ય ઉપનદીઓમાં સામેલ છે.મુખ્ય બંધ અને પ્રોજેક્ટ્સ નાગાર્જુન સાગર ડેમ (આંધ્રપ્રદેશ-તેલંગાણા) શ્રીશૈલમ ડેમ અલમત્તી ડેમ (કર્ણાટક) કોયના ડેમ (મહારાષ્ટ્ર) તુંગભદ્રા ડેમ આ પણ વાંચો- Bollywood Biggest Record : 70 કરોડનું બજેટ અને કમાણી 2000 કરોડની, 10 વર્ષથી કોઈ તોડી શક્યું નથી આ ફિલ્મનો મહારેકોર્ડ!

Read Full Story arrow_forward