Community News & Updates

Stay informed with the latest happenings, achievements, and announcements from our community.

All News

calendar_today January 4, 2026

Kachchh: રાપરના ખીરઈ ગામમાં અસામાજિક તત્વોએ પાબુજી દાદાના મંદિરમાં તોડફોડ કરી

કચ્છમાં રાપર તાલુકાના ખીરઈ ગામમાં શાંતિ ડહોળવાનો પ્રયાસ કરવામાં આવ્યો છે. અસામાજિક તત્વોએ મંદિરમાં તોડફોડ કરતાં ગ્રામજનોમાં રોષ ફેલાયો છે. ગ્રામજનોએ મંદિરમા તોડફોડ કરનારા શખ્સો સામે કાર્યવાહી કરવાની માગ કરી છે. ઘટનાની જાણ થતાં જ પોલીસ સ્થળ પર પહોંચી ગઈ હતી. પોલીસે મંદિરમાં થયેલી તોડફોડ અંગે વધુ તપાસ હાથ ધરી છે. રાપરના ખીરઈ ગામે શાંતિ ડહોળવાનો પ્રયાસ પ્રાપ્ત વિગતો પ્રમાણે કચ્છના રાપર તાલુકાના ખીરઈ ગામમાં કેટલાક અસમાજિક તત્વો દ્વારા પાબુજી દાદાના મંદિરમાં મૂર્તિઓની તોડફોડ કરવામાં આવી હતી. આ ઘટનાની આસપાસના ગામમાં જાણ થતાં જ ગામના આગેવાનો અને લોકો દોડી ગયા હતાં. પોલીસ પણ સ્થળ પર પહોંચી ગઈ હતી. રાપર પોલીસ અને રાપર તાલુકા પંચાયતના માજી પ્રમુખ હમીરજી સૌઢા સહિતના આગેવાનો પણ મંદિર પાસે આવી પહોંચ્યા હતાં. પોલીસે ઘટનાસ્થળે પહોંચી વધુ તપાસ હાથ ધરી મંદિરમાં તપાસ કરતાં પાબુજી દાદાની મૂર્તિઓમાં તોડફોડ કરવામાં આવી હતી. પોલીસે આ અંગે ફરિયાદ નોંધવા તજવીજ હાથ ધરી હતી. મંદિરમા તોડફોડ થતાં આસપાસના ગામમાં રહેતા લોકોમાં રોષ ફેલાયો હતો. લોકોએ મંદિરમાં તોડફોડ કરનારા અસામાજિક તત્વો સામે કાર્યવાહી કરવા માગ કરી છે.આ પણ વાંચોઃ Surendranagar News: જમીન કૌભાંડમાં જેલહવાલે પૂર્વ કલેક્ટર રાજેન્દ્ર પટેલનો બંગલો ખાલી કરાયો

Read Full Story arrow_forward

calendar_today January 4, 2026

Morbi: આઈસરમાં ચોરખાનું બનાવી થતી દારૂની હેરાફેરી ઝડપાઈ, 4944 બોટલ સાથે 22.28 લાખનો મુદ્દામાલ જપ્ત

મોરબી જિલ્લા પોલીસની સતર્કતાને કારણે વાંકાનેર-જડેશ્વર રોડ પરથી વિદેશી દારૂનો મોટો જથ્થો પકડી પાડવામાં આવ્યો છે. પૂંઠાના બોક્સની આડમાં અને ટ્રકની બોડીમાં ખાસ બનાવેલા ચોરખાના દ્વારા કરવામાં આવતી આ તસ્કરીનો પોલીસે પર્દાફાશ કર્યો છે.વિદેશી દારૂનો મોટો જથ્થો જપ્તમોરબી જિલ્લા LCB પીઆઈ એમ.પી. પંડયાની સૂચના હેઠળ પીએસઆઈ બી.ડી. ભટ્ટ અને તેમની ટીમ પેટ્રોલિંગમાં હતી. આ દરમિયાન ચોક્કસ બાતમી મળી હતી કે, એક આઈસર ટ્રક વાંકાનેરથી જડેશ્વર રોડ થઈ ટંકારા તરફ દારૂનો જથ્થો સપ્લાય કરવા જઈ રહ્યો છે. બાતમી મુજબ રાતીદેવળી ગામ નજીક સંગમ વોટરપાર્ક પાસે પોલીસે વોચ ગોઠવી આઈસર ટ્રક (નંબર GJ 03 BY 1451) ને અટકાવ્યો હતો.ચોરખાનામાંથી નીકળ્યો દારૂનો ખજાનોપોલીસે ટ્રકની તપાસ કરતા પ્રથમ દ્રષ્ટિએ તેમાં પૂંઠાના બોક્સ ભરેલા દેખાતા હતા. જોકે, ઝીણવટભરી તપાસમાં ડ્રાઈવર કેબિનની પાછળના ભાગે અત્યંત સાવધાનીપૂર્વક બનાવેલું એક ચોરખાનું મળી આવ્યું હતું. આ ચોરખાનામાંથી વિવિધ બ્રાન્ડની 4944 બોટલ વિદેશી દારૂ મળી આવ્યો હતો.પોલીસે ઘટનાસ્થળેથી બે શખ્સોની ધરપકડ કરી છે.પૂછપરછ દરમિયાન આ માલ મંગાવનાર તરીકે થાનગઢના મેહુલભાઇ ગોવીંદભાઇ સાબરીયાનું નામ ખુલતા પોલીસે તેને વોન્ટેડ જાહેર કર્યો છે.તસ્કરીની નવી મોડસ ઓપરેન્ડીઆરોપીઓ મધ્યપ્રદેશ (MP) બોર્ડર પરથી પૂંઠાના બોક્સની બિલ્ટી બતાવીને પોલીસને છેતરતા હતા. પૂંઠાના માલની આડમાં હજારો બોટલો છુપાવીને હેરાફેરી કરવામાં આવતી હતી. વાંકાનેર તાલુકા પોલીસે આ મામલે ગુનો નોંધી દારૂ ક્યાંથી લાવવામાં આવ્યો હતો તે દિશામાં તપાસ તેજ કરી છે.આ પણ વાંચો: વસ્ત્રાલમાં હથિયારો સાથે બે શખ્સો ઝડપાયા, બોલાચાલીનો બદલો લેવા તમંચો લાવ્યો હતો

Read Full Story arrow_forward

calendar_today January 4, 2026

Ahmedabadમાં પત્રકાર હોવાની ઓળખ આપી વેપારી પાસેથી રૂ.65,000 પડાવનાર જયેશ ઠક્કર વિરુદ્ધ ફરિયાદ

અમદાવાદના દાણીલીમડા વિસ્તારમાં પત્રકારના નામે તોડબાજી કરનાર એક શખ્સનો પર્દાફાશ થયો છે. પોલીસની ધરપકડનો ડર બતાવી બુટ-ચપ્પલના વેપારી પાસેથી હજારો રૂપિયા પડાવનાર બોગસ પત્રકાર જયેશ ઠક્કર વિરુદ્ધ દાણીલીમડા પોલીસ મથકે ગુનો નોંધવામાં આવ્યો છે. ભોગ બનનાર વેપારી દાણીલીમડા વિસ્તારમાં બુટ-ચપ્પલનો વ્યવસાય કરે છે. અગાઉ આ વેપારી પર જુગારનો એક કેસ નોંધાયો હતો.જયેશ ઠક્કર વિરુદ્ધ દાણીલીમડા પોલીસમાં ફરિયાદઆ બાબતનો ફાયદો ઉઠાવી જયેશ ઠક્કરે પોતાની ઓળખ પત્રકાર તરીકે આપી હતી. તેણે વેપારીને ધમકી આપી હતી કે, "તારા વિરુદ્ધ પોલીસ વિભાગમાં અરજી કરવામાં આવી છે, જો તું પૈસા નહીં આપે તો તારી ધરપકડ કરાવી દઈશ." પોલીસના નામે ડરાવીને જયેશ ઠક્કરે વેપારી પાસેથી ટુકડે-ટુકડે કુલ ₹65,000 પડાવી લીધા હતા. વારંવારની નાણાંની માંગણીથી કંટાળીને અંતે વેપારીએ હિંમત દાખવી દાણીલીમડા પોલીસનો સંપર્ક કર્યો હતો અને સમગ્ર આપવીતી જણાવી હતી.જુગારનો કેસ થયો હોવાથી ધરપકડની ધમકી આપી પોલીસે વેપારીની ફરિયાદના આધારે બોગસ પત્રકાર જયેશ ઠક્કર વિરુદ્ધ ગુનો દાખલ કરી કાયદેસરની તપાસ હાથ ધરી છે. આ ઘટનાએ ફરી એકવાર સાબિત કર્યું છે કે પત્રકારત્વના ઓઠા હેઠળ કેટલાક અસામાજિક તત્વો વેપારીઓને નિશાન બનાવી રહ્યા છે. પોલીસે લોકોને અપીલ કરી છે કે આવા કોઈ પણ લેભાગુ તત્વોથી ડર્યા વગર તુરંત પોલીસનો સંપર્ક કરવો.

Read Full Story arrow_forward