Community News & Updates

Stay informed with the latest happenings, achievements, and announcements from our community.

All News

calendar_today January 1, 2026

નવા વર્ષની સવાર ઝેરી હવા સાથે, દિલ્હી-NCRમાં હવામાન વિભાગની ચિંતાજનક આગાહી

નવા વર્ષની સવાર રાષ્ટ્રીય રાજધાની દિલ્હી માટે મુશ્કેલીઓ લઈને આવી છે. શહેરમાં કડકડતી ઠંડી, ગાઢ ધુમ્મસ અને ગંભીર વાયુ પ્રદૂષણ જોવા મળ્યું. ગુરુવારે સવારે દિલ્હીની એર ક્વોલિટી ઇન્ડેક્સ (AQI) 382 નોંધાઈ, જે ખૂબ જ ખરાબ ગણવામાં આવે છે. ઠંડી અને પ્રદૂષણની સંયુક્ત અસરને કારણે સવારના સમયે રસ્તાઓ પર દૃશ્યતા ઓછી રહી અને લોકોને અવરજવર કરવામાં મુશ્કેલી પડી. હવામાનની આગાહી ભારતીય હવામાન વિભાગ (IMD) અનુસાર, દિવસ દરમિયાન આકાશ સામાન્ય રીતે વાદળછાયું રહેશે. રાજધાનીના કેટલાક વિસ્તારોમાં હળવો અથવા ખૂબ જ હળવો વરસાદ પડી શકે છે. હવામાન વિભાગે ચેતવણી આપી છે કે સવાર દરમિયાન ઘણા વિસ્તારોમાં મધ્યમથી ગાઢ ધુમ્મસ છવાયેલું રહેશે. આ ઉપરાંત, કેટલાક વિસ્તારોમાં “ઠંડા દિવસ” જેવી સ્થિતિ બની રહેવાની સંભાવના છે. 2019 પછી સૌથી વધુ ઠંડી નોંધાય બુધવારે દિલ્હીમાં 2019 પછીનો સૌથી ઠંડો દિવસ નોંધાયો હતો. મહત્તમ તાપમાન માત્ર 14.2 ડિગ્રી સેલ્સિયસ રહ્યું, જે સામાન્ય કરતા 6 ડિગ્રીથી વધુ ઓછું હતું. હવામાન નિષ્ણાતોના જણાવ્યા મુજબ, ઠંડી અને પવનની ઓછી ગતિને કારણે પ્રદૂષક તત્વો વાતાવરણમાં ફસાઈ જાય છે. પરિણામે હવાની ગુણવત્તામાં તરત કોઈ સુધારો થવાની શક્યતા નથી. દિલ્હીમાં હવાની સ્થિતિ વધુ ચિંતાજનક દિલ્હી-NCRના અલગ-અલગ વિસ્તારોમાં હવાની સ્થિતિ વધુ ચિંતાજનક બની છે. અલીપુર વિસ્તારમાં AQI 474 નોંધાયો, જે ગંભીર શ્રેણીમાં આવે છે. દ્વારકામાં AQI 395 રહ્યો, જ્યારે સોનિયા વિહાર અને આનંદ વિહાર જેવા વિસ્તારોમાં પણ હવાની ગુણવત્તા ખૂબ જ નબળી નોંધાઈ છે. ગાઢ ધુમ્મસને કારણે વાહનચાલકોને ખાસ સાવધાની રાખવી પડી. NCRના અન્ય શહેરોમાં પણ પ્રદૂષણની અસર સ્પષ્ટ રીતે જોવા મળી. ગાઝિયાબાદના વસુંધરા વિસ્તારમાં AQI 247 નોંધાયો, જ્યારે નોઈડાના સેક્ટર-116માં AQI 228 રહ્યો. આ આંકડા દર્શાવે છે કે સમગ્ર દિલ્હી-એનસીઆર વિસ્તારમાં હવાની ગુણવત્તા ચિંતાજનક સ્તરે છે. આરોગ્ય નિષ્ણાત દ્વારા ચેતવણી પ્રદૂષણ અને ઠંડીની અસર વચ્ચે, આરોગ્ય નિષ્ણાતોએ ખાસ કરીને બાળકો, વૃદ્ધો અને શ્વસનતંત્ર સંબંધિત બીમારીઓ ધરાવતા લોકોને વધુ સાવધાની રાખવાની સલાહ આપી છે. અનાવશ્યક બહાર નીકળવાનું ટાળવું, માસ્ક પહેરવું અને ગરમ કપડાંનો ઉપયોગ કરવો જરૂરી છે. હાલની પરિસ્થિતિને ધ્યાનમાં લેતા, આગામી કેટલાક દિવસો સુધી લોકોને ખાસ કાળજી રાખવાની જરૂર રહેશે. આ પણ વાંચો : LPG Price Hike: નવા વર્ષે જ LPG સિલિન્ડર વધુ મોંઘા થયા, પ્રતિ સિલિન્ડર 111 રુપિયા સુધીનો વધારો

Read Full Story arrow_forward

calendar_today January 1, 2026

Petrol Diesel Price Today: 2026ના પ્રથમ દિવસે સસ્તુ થયુ પેટ્રોલ ડીઝલ? જાણો તમારા શહેરમાં શું છે રેટ

આજે 1 જાન્યુઆરી 2026 ના રોજ ભારતના મુખ્ય શહેરો માટે પેટ્રોલ અને ડીઝલના નવા ભાવ જાહેર કરવામાં આવ્યા છે. નવા વર્ષના પહેલા દિવસે, તેલ કંપનીઓએ કેટલાક શહેરોમાં ભાવમાં નાના ફેરફાર કર્યા છે, જ્યારે મહાનગરોમાં ભાવ મોટાભાગે સ્થિર રહ્યા છે.ક્રૂડ ઓઇલનો આજનો ભાવ આજે  ક્રૂડ ઓઇલના ભાવમાં ઘટાડો થયો હતો, જેમાં યુએસ ટેરિફ અને OPEC+ ઉત્પાદન વધારાની ચિંતાને કારણે બ્રેન્ટ ક્રૂડ $69.36  અને WTI ક્રૂડ $67.66 પ્રતિ બેરલની આસપાસ ટ્રેડ થઈ રહ્યું હતું, જે 2020 પછીનો સૌથી મોટો વાર્ષિક ઘટાડો છે; ભારતમાં MCX પર ક્રૂડ ઓઇલ ₹5238ની આસપાસ ટ્રેડ થઈ રહ્યું છે, અને વિશ્લેષકો ૨૦૨૬ માં ભાવમાં વધુ ઘટાડો થવાની અપેક્ષા રાખે છે.દેશના મોટા શહેરોમાં શું છે પેટ્રોલ ડીઝલની કિંમત ? દિલ્હીમાં પેટ્રોલનો ભાવ 94.72 રૂપિયા અને ડીઝલનો ભાવ 87.62 રૂપિયા પ્રતિ લિટર છે. મુંબઈમાં પેટ્રોલનો ભાવ 104.21 રૂપિયા અને ડીઝલનો ભાવ 92.15 રૂપિયા પ્રતિ લિટર છે. કોલકાતામાં પેટ્રોલનો ભાવ 103.94 રૂપિયા અને ડીઝલનો ભાવ 90.76 રૂપિયા પ્રતિ લિટર છે. ચેન્નાઈમાં પેટ્રોલનો ભાવ 100.75 રૂપિયા અને ડીઝલનો ભાવ 92.34 રૂપિયા પ્રતિ લિટર છે. ગુજરાતના મોટા શહેરોમાં શું છે ભાવ? (ગુડ રિટર્ન અનુસાર) શહેર પેટ્રોલ (રૂ.) ડીઝલ (રૂ.)અમદાવાદ 94.63 90.30ભાવનગર 96.10 91.78ગાંધીનગર 94.70 90.38રાજકોટ 94.26 89.95વડોદરા 94.52 90.20સુરત 94.57 90.26એસએમએસ દ્વારા જાણો પેટ્રોલ અને ડીઝલના ભાવઈન્ડિયન ઓઈલ: RSP અને તમારા શહેરનો પિનકોડ 9224992249 નંબર પર SMS કરો.ભારત પેટ્રોલિયમ: RSP અને તમારા શહેરનો પિનકોડ 9223112222 પર SMS કરો.હિન્દુસ્તાન પેટ્રોલિયમ: 9222201122 નંબર પર તમારા શહેરનો HPP કિંમત અને પિનકોડ SMS કરો. આ પણ વાંચો- Rahu Gochar 2026: નવા વર્ષમાં પાપી ગ્રહ બદલશે ચાલ, અચ્છે દિન થશે શરૂ

Read Full Story arrow_forward

calendar_today January 1, 2026

Mumbai Rain: મુંબઇમાં નવા વર્ષની સવાર વરસાદ સાથે, અચાનક જ વાતાવરણમાં આવ્યો પલટો

મહારાષ્ટ્રની રાજધાની મુંબઈમાં વરસાદ સાથે નવા વર્ષની શરૂઆત થઇ. વર્ષના પહેલા દિવસે જ મુંબઇમાં હવામાનમાં અચાનક પલટો આવ્યો અને કમોસમી વરસાદથી ઠંડીમાં વધારો થયો. વરસાદથી મુંબઈનું પ્રદૂષણ ઓછું થયું અને હવામાન ખુશનુમા બન્યું પરંતુ હવે ઠંડીનો અનુભવ થઈ રહ્યો છે. મુંબઇમાં વરસાદથી નવા વર્ષની શરૂઆત ઠંડા પવનો સાથે વરસાદથી તાપમાનમાં નોંધપાત્ર ઘટાડો થયો. હાલમાં સમગ્ર મુંબઈમાં સમયાંતરે વરસાદ પડી રહ્યો છે. હવામાન વિભાગે અહેવાલ આપ્યો છે કે અરબી સમુદ્રમાં ભેજ વધવા અને પશ્ચિમી વિક્ષેપને કારણે મુંબઈ અને ઉપનગરીય વિસ્તારોમાં હળવો થી મધ્યમ વરસાદ પડી રહ્યો છે. જો કે, આગામી થોડા કલાકોમાં હવામાન સ્વચ્છ થવાની ધારણા છે.https://x.com/ANI/status/2006535952429461979 મુંબઈવાસીઓ વરસાદનો આનંદ માણ્યો ગુરુવારે રાત્રે ૧ જાન્યુઆરીએ હવામાન સામાન્ય રહેવાની ધારણા છે પરંતુ કેટલીક જગ્યાએ હળવો વરસાદ ચાલુ રહી શકે છે. મુંબઈવાસીઓ પણ આ અચાનક ઠંડીનો આનંદ માણી શક્યા. મરીન ડ્રાઇવ, જુહુ અને બાંદ્રામાં લોકો ઠંડી હવા સાથે વરસાદથી જાગી ગયા. વરસાદ ટ્રાફિકને અસર કરે તેટલો ભારે નહોતો. જોકે, વહીવટીતંત્રે લોકોને સાવચેતી પૂર્વક વાહન ચલાવવાની સલાહ આપી છે. દિલ્હીમાં પણ વરસાદની ચેતવણી નવા વર્ષના પહેલા દિવસે દિલ્હી અને NCRના લોકો કડકડતી શિયાળા માટે તૈયાર થઈ રહ્યા છે. ઠંડીની સાથે વરસાદની પણ અપેક્ષા છે, જે સિઝનનો પહેલો વરસાદ હોઈ શકે છે. 1 જાન્યુઆરીની સવારથી ઠંડા પવનો અને ધુમ્મસને કારણે ઠંડીમાં વધારો થયો છે. આ ઠંડી દિવસભર ચાલુ રહેવાની ધારણા છે. સૂર્યપ્રકાશ પણ થોડો ઓછો દેખાઈ શકે છે. હવામાન વિભાગે દિલ્હીના રહેવાસીઓને સતર્ક રહેવાની સલાહ આપી છે. હળવો થી મધ્યમ વરસાદ શક્ય છે.

Read Full Story arrow_forward