Community News & Updates

Stay informed with the latest happenings, achievements, and announcements from our community.

All News

calendar_today January 3, 2026

waghodia news: તળાવમાંથી યુવકનો મૃતદેહ મળતા ચકચાર

વડોદરા જિલ્લાના વાઘોડિયા શહેરમાં આજે સવારના સમયે એક સનસનાટીભરી ઘટના સામે આવી છે. વાઘોડિયાની નવી નગરી પાછળ આવેલા તળાવમાંથી એક અજાણ્યા યુવકનો મૃતદેહ મળી આવ્યો છે. જે કારણે સમગ્ર પંથકમાં અરેરાટી વ્યાપી ગઈ છે. આ ઘટનાની જાણ થતા જ સ્થાનિક લોકોના ટોળેટોળા તળાવ કિનારે ઉમટી પડ્યા હતા.શું છે સમગ્ર ઘટના? ઘટનાની મળતી માહિતી અનુસાર, વાઘોડિયામાં નવી નગરી વિસ્તારની પાછળ આવેલી તલાવડીમાં આજે વહેલી સવારે સ્થાનિકોએ એક મૃતદેહ તરતો જોયો હતો. આ અંગે તુરંત વાઘોડિયા પોલીસને જાણ કરવામાં આવી હતી. પોલીસ કાફલો ઘટનાસ્થળે દોડી આવ્યો હતો અને સ્થાનિક તરવૈયાઓની મદદથી યુવકના મૃતદેહને પાણીમાંથી બહાર કાઢવામાં આવ્યો હતો. પોલીસની કાર્યવાહી પોલીસે મૃતદેહનો કબ્જો મેળવી તેને પોસ્ટ મોર્ટમ માટે હોસ્પિટલ ખસેડવાની તજવીજ હાથ ધરી છે. હાલમાં પોલીસ દ્વારા મૃતક યુવક કોણ છે અને ક્યાંનો રહેવાસી છે તે દિશામાં તપાસ શરૂ કરવામાં આવી છે.આ આત્મહત્યા છે કે પછી કોઈએ યુવકની હત્યા કરીને લાશ તળાવમાં ફેંકી દીધી છે, તે રહસ્ય હજુ અકબંધ છે. ઘટના સ્થળેથી કોઈ પુરાવા મળે છે કે કેમ તે માટે પોલીસ ઝીણવટભરી તપાસ કરી રહી છે. લોકોમાં કુતૂહલ અને ભયનો માહોલ રહેણાંક વિસ્તારની નજીક આવેલા તળાવમાંથી મૃતદેહ મળી આવતા સ્થાનિક રહીશોમાં ભયનો માહોલ જોવા મળી રહ્યો છે. પોલીસ તપાસ બાદ જ સ્પષ્ટ થશે કે આ પાછળનું સાચું કારણ શું છે. વાઘોડિયા પોલીસે અકસ્માત મોતનો ગુનો નોંધી આગળની કાયદેસરની કાર્યવાહી હાથ ધરી છે.આ પણ વાંચો - Vadodara:વાઘોડિયામાં સગીરા સાથે દુષ્કર્મ કરનાર ઝડપાયો

Read Full Story arrow_forward

calendar_today January 3, 2026

BCCI On Mustafizur: આ સનાતનીઓની જીત..મુસ્તફિઝુરની IPLમાં નો એન્ટ્રી બાદ BJP નેતાની પ્રતિક્રિયા

બોલિવૂડ અભિનેતા શાહરૂખ ખાનની ટીમમાં બાંગ્લાદેશી ખેલાડીને લ લેવા અંગે અત્યારે માહોલ ગરમાયો છે. આ મામલે હવે બીસીસીઆઇએ કોલકાતા નાઇટ રાઇડર્સને બાંગ્લાદેશી ખેલાડી મુસ્કફિઝુર રહેમાનને ટીમની બહાર કરવાનો નિર્દેશ આપ્યો છે. બીસીસીઆઇના આ નિર્દેશ બાદ બીજેપી નેતા સંગીત સોમની પ્રતિક્રિયા આવી છે. તેમણે કહ્યું કે બીસીસીઆઇએ સનાતનીઓની ભાવનાને સમજી છે. સનાતનીઓની જીત સંગીત સોમે કહ્યું કે 1 અબજ લોકોની લાગણીઓ સાથે રમી શકાય નહીં. આ સનાતનીઓનો વિજય છે. તેમણે કહ્યું કે શાહરૂખ ખાનને સમજાયું છે કે દેશમાં રહીને સનાતનીઓ સાથે છેડછાડ કરવી ખોટું હશે. આ દેશના સનાતનીઓએ જ તેમને શાહરૂખ ખાન બનાવ્યા છે. બાંગ્લાદેશમાં નરસંહાર ભાજપ નેતા સંગીત સોમે કહ્યું કે આજે બાંગ્લાદેશમાં હિન્દુઓનો નરસંહાર થઈ રહ્યો છે. હિન્દુઓને બાળી નાખવામાં આવી રહ્યા છે. તેમણે કહ્યું કે આપણી બહેનો અને દીકરીઓ પર બળાત્કાર થઈ રહ્યો છે, તેમના ઘરોને બાળી નાખવામાં આવી રહ્યા છે. આવી ઘણી બધી ઘટનાઓ બની રહી છે જેની અહીં ખબર પણ નથી. સંગીત સોમે કહ્યું કે ત્યાં ભારત વિરોધી નારા લગાવવામાં આવી રહ્યા છે અને ભારતીય વડા પ્રધાનનું અપમાન કરવામાં આવી રહ્યું છે. તેમણે કહ્યું કે આમ છતાં શાહરૂખ ખાન ત્યાં દેશના પૈસાનું રોકાણ કરી રહ્યા છે, જે ભારત વિરુદ્ધ કામ કરી રહ્યા છે. હું શાહરૂખ ખાન જેવા લોકોને કહેવા માંગુ છું કે તેઓ આમાં સફળ થશે નહીં. "અમે આ નિર્ણયનું સ્વાગત કરીએ છીએ" શિવસેના (UBT) ના પ્રવક્તા આનંદ દુબેએ કહ્યું કે બાંગ્લાદેશના ખેલાડી રહેમાનને IPL ક્રિકેટ મેચમાં રમવાની મંજૂરી ન આપવા બદલ અમે BCCIનો આભાર માનીએ છીએ. તેમણે કહ્યું કે અમે માંગ કરી રહ્યા હતા કે આ ખેલાડીને તક ન આપવી જોઈએ. તેમણે કહ્યું કે પાકિસ્તાન અને બાંગ્લાદેશ સાથે અમારે કોઈ સંબંધ ન રાખવા જોઈએ. તેમણે કહ્યું કે અમે આ નિર્ણયનું સ્વાગત કરીએ છીએ.

Read Full Story arrow_forward

calendar_today January 3, 2026

Railway News : અમદાવાદ રેલ મંડળે ડિસેમ્બર 2025માં માલ લોડીંગમાં ભારતીય રેલમા 7મું સ્થાન પ્રાપ્ત કર્યું

રેલવેએ ટિકિટ તપાસ અભિયાનોને વધુ સઘન બનાવી બિનટિકિટ તથા અનિયમિત મુસાફરી પર અસરકારક નિયંત્રણ લાવવામાં આવ્યું છે. ડિજિટલ ટિકિટિંગને પ્રોત્સાહન આપી મુસાફરોને સરળ, પારદર્શક અને સુલભ સેવા ઉપલબ્ધ કરાવવામાં આવી છે. કેટરિંગ એકમો, OSOP સ્ટોલ, પે-એન્ડ-યૂઝ શૌચાલયો, પાર્કિંગ કરારો તથા જાહેરાત પહેલો દ્વારા આવકમાં વધારો કરવામાં આવ્યો છે તેમજ મુસાફર સુવિધાઓમાં પણ નોંધપાત્ર સુધારો થયો છે.5.03 મિલિયન ટનનું અત્યાર સુધીનું સર્વોચ્ચ માસિક માલ લોડિંગ હાંસલ •ડિસેમ્બર 2025માં મંડળે અત્યાર સુધીનું સર્વાધિક સરેરાશ દૈનિક માલ લોડિંગ 3,224.74 વેગન નોંધાવ્યું, જે નવેમ્બર 2024માં નોંધાયેલા અગાઉના રેકોર્ડ 3,094.84 વેગનથી વધુ છે. જથ્થાની દૃષ્ટિએ પણ મંડળે 5.03 મિલિયન ટનનું અત્યાર સુધીનું સર્વોચ્ચ માસિક માલ લોડિંગ હાંસલ કર્યું છે, જે અગાઉના 4.81 મિલિયન ટનના રેકોર્ડ કરતાં વધુ છે. •ક્ષેત્રવાર પ્રદર્શન પણ નોંધપાત્ર રહ્યું. ગાંધીધામ ક્ષેત્રે 2,462.97 વેગન પ્રતિ દિવસની સરેરાશ સાથે અત્યાર સુધીની સર્વોચ્ચ લોડિંગ નોંધાઈ, જ્યારે અમદાવાદ ક્ષેત્રે 761.77 વેગન પ્રતિ દિવસનું પ્રદર્શન કર્યું. ગાંધીધામ વિસ્તારમાંથી અત્યાર સુધીના સૌથી વધુ ઔદ્યોગિક મીઠાના વેગન લોડ કરવામાં આવ્યા ડિસેમ્બર 2025માં 4,797, જે જુલાઈ 2025ના અગાઉના શ્રેષ્ઠ 4,522 વેગન કરતાં વધુ છે. •માલવાર પરિવહનમાં તમામ મુખ્ય ક્ષેત્રોમાં વધારો નોંધાયો. મીઠાની લોડિંગ 373.84 વેગન પ્રતિ દિવસના રેકોર્ડ સ્તરે પહોંચી, જે મંડળના ઇતિહાસમાં સર્વોચ્ચ છે. ઉપરાંત POL, ખાતર, કોલસા, કન્ટેનર, ઓટોમોબાઇલ તથા અન્ય વિવિધ વસ્તુઓમાં પણ નોંધપાત્ર વૃદ્ધિ નોંધાઈ છે. પશ્ચિમ રેલવેના અમદાવાદ મંડળે ડિસેમ્બર 2025 દરમિયાન ડિસેમ્બર 2024ની તુલનામાં વાણિજ્યિક ક્ષેત્રમાં ઉત્તમ પ્રદર્શન નોંધાવતા માલ, મુસાફર આવક, ટિકિટ તપાસ, ગેર-ભાડા આવક તથા વ્યવસાય વિકાસ પહેલોમાં નોંધપાત્ર વૃદ્ધિ હાંસલ કરી છે. •ડિસેમ્બર 2025માં મંડળે કુલ ₹884.89 કરોડની આવક પ્રાપ્ત કરી હતી, જ્યારે ડિસેમ્બર 2024માં આ ₹702.35 કરોડ હતો. માલ આવક ₹536.02 કરોડથી વધીને ₹701.39 કરોડ થઈ, જે નાણાકીય વર્ષનું અત્યાર સુધીનું સર્વશ્રેષ્ઠ માસિક માલ પ્રદર્શન છે તેમજ નિર્ધારિત કરાયેલા લક્ષ્ય કરતાં પણ વધારે છે. •મુસાફર આવક ₹167.00 કરોડ નોંધાઈ, જ્યારે ટિકિટ તપાસ દ્વારા આવક ₹2.10 નોંધવામાં આવી આ સમયગાળા દરમિયાન મંડળે કુલ 35.77 લાખ મુસાફરોનું પરિવહન કર્યું. •બિઝનેસ ડેવલપમેન્ટ યુનિટ (BDU) ના કેન્દ્રિત પ્રયત્નોના પરિણામે અનેક સામગ્રીમાં અત્યાર સુધીની સર્વોચ્ચ આવક નોંધાઈ, જેમાં ખાતર (₹240.97 કરોડ), કન્ટેનર ટ્રાફિક (₹211.45 કરોડ) તથા મીઠું (₹114.04 કરોડ)નો સમાવેશ થાય છે. ગાંધીધામ, મોથાળા, શિરવા, સનોસરા અને સામાખ્યાલી જેવા માલ ટર્મિનલોએ પણ અત્યાર સુધીની સર્વોચ્ચ કમાણી નોંધાવી છે. •27 ડિસેમ્બર 2025ના રોજ ₹26.87 કરોડની એકદિવસીય માલ આવક સાથે નાણાકીય વર્ષનું સર્વશ્રેષ્ઠ રહ્યું. અમદાવાદ મંડળે ડિસેમ્બર 2025માં માલ લોડિંગમાં ભારતીય રેલવેમાં 6મું સ્થાન તથા કુલ પ્રદર્શનના આધારે 7મું સ્થાન પ્રાપ્ત કર્યું છે. •પાર્સલ, લીઝિંગ તથા ગેર-ભાડા આવક ક્ષેત્રોમાં ઈ-હરાજી મારફતે અનેક સંપત્તિઓનું ફાળવણી કરવામાં આવી છે, જેના પરિણામે કરાર અવધિ દરમિયાન ₹23.55 કરોડની આવક પ્રાપ્ત થશે. ડિસેમ્બર 2025 સુધી ગેર-ભાડા આવક ₹10.84 કરોડ રહી, જે મંડળના ઇતિહાસમાં સર્વોચ્ચ છે, અને આ સાથે મંડળે ભારતીય રેલવેમાં 4મું સ્થાન પ્રાપ્ત કર્યું છે. •મુસાફર કેન્દ્રિત પહેલોના ભાગરૂપે કુલ 41 વિશેષ ટ્રેન ફેરાઓનું સંચાલન કરવામાં આવ્યું. •મુસાફરોની સુવિધા માટે મહત્વની એક્સપ્રેસ ટ્રેનોને વધારાના સ્ટોપેજ આપવામાં આવ્યા છે. આ પણ વાંચો : Gandhinagar News : દહેગામ પોલીસે ફુગ્ગા અને શાકભાજી વેચનારનો ડ્રેસ ધારણ કરી પોકસોના આરોપીને ફિલ્મી રીતે ઝડપી પાડયો

Read Full Story arrow_forward