Community News & Updates

Stay informed with the latest happenings, achievements, and announcements from our community.

All News

calendar_today January 1, 2026

Surat પોલીસે15 ગ્રામ MD ડ્રગ્સ સાથે રીઢા ગુનેગારની કરી ધરપકડ

શહેરને નશામુક્ત બનાવવા માટે ચાલી રહેલા 'નો ડ્રગ્સ ઇન સુરત સિટી' અભિયાન અંતર્ગત સલાબતપુરા પોલીસને મોટી સફળતા મળી છે. પોલીસે બાતમીના આધારે કાર્યવાહી કરી 15 ગ્રામ એમડી (MD) ડ્રગ્સ સાથે એક શખ્સની ધરપકડ કરી છે. પકડાયેલા આરોપીની ઓળખ આમીર ઉર્ફે અમુ ગયાજ શેખ તરીકે થઈ છે. પોલીસે તેની પાસેથી 15 ગ્રામ એમડી ડ્રગ્સ, મોબાઈલ ફોન અને રોકડ રકમ મળી કુલ રૂ.2.04 લાખનો મુદ્દામાલ જપ્ત કર્યો છે. પોલીસની પ્રાથમિક તપાસમાં સામે આવ્યું છે કે આરોપી લાંબા સમયથી નશાના કાળા કારોબાર સાથે સંકળાયેલો હોઈ શકે છે.આરોપીનો ગુનાહિત ઈતિહાસ પકડાયેલ આરોપી આમીર રીઢો ગુનેગાર છે. તપાસ દરમિયાન જાણવા મળ્યું હતું કે તેના વિરુદ્ધ અગાઉ વર્ષ 2015માં કડોદરા પોલીસ સ્ટેશનમાં હત્યાનો ગુનો પણ નોંધાઈ ચૂક્યો છે. હત્યા જેવા ગંભીર ગુનામાં સંડોવાયેલો હોવા છતાં તે ફરી એકવાર ડ્રગ્સના નેટવર્કમાં સક્રિય થયો હતો.પોલીસની તપાસ તેજસલાબતપુરા પોલીસે આરોપી વિરુદ્ધ NDPS એક્ટ હેઠળ ગુનો નોંધી વધુ તપાસ હાથ ધરી છે. હાલ પોલીસ એ દિશામાં તપાસ કરી રહી છે કે આરોપી આ ડ્રગ્સનો જથ્થો ક્યાંથી લાવ્યો હતો અને સુરતમાં તે અન્ય કોને સપ્લાય કરવાનો હતો. આ નેટવર્ક પાછળ રહેલા અન્ય મોટા માથાઓ સુધી પહોંચવા માટે પોલીસે ચક્રો ગતિમાન કર્યા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 1, 2026

Viramgam: મુખ્યમંત્રી ભૂપેન્દ્ર પટેલા હસ્તે નવા વર્ષની ભેટ, 497 કરોડના વિવિધ વિકાસકાર્યોનું કરાયું ખાતમુહૂર્ત

નવા વર્ષના પ્રથમ દિવસે મુખ્યમંત્રી ભૂપેન્દ્ર પટેલે વિરમગામ વિધાનસભા વિસ્તારમાં ₹497 કરોડના વિકાસ કામોના ખાતમુહૂર્ત કરી રાજ્યની પ્રગતિને નવી ગતિ આપી છે. આ પ્રોજેક્ટ્સમાં રોડ ઇન્ફ્રાસ્ટ્રક્ચર, રેલ્વે ઓવરબ્રિજ અને કનેક્ટિવિટીના મહત્વના કાર્યોનો સમાવેશ થાય છે. ડબલ એન્જિન સરકારની કાર્યક્ષમતાની કરી વાત જનમેદનીને સંબોધતા ગુજરાતના મુખ્યમંત્રી ભૂપેન્દ્ર પટેલે જણાવ્યું કે, વડાપ્રધાન નરેન્દ્ર મોદીના વિઝનને કારણે ક્યારેક પછાત ગણાતો માંડલ-બેચરાજી-વિરમગામ વિસ્તાર આજે SIR (Special Investment Region) અને ઓટો હબ તરીકે ઉભરી આવ્યો છે. તેમણે બિહારના ચૂંટણી પરિણામોનો ઉલ્લેખ કરી ઉમેર્યું કે હવે સમગ્ર દેશ 'વિકાસની રાજનીતિ'ને સ્વીકારી રહ્યો છે. ડબલ એન્જિન સરકારની કાર્યક્ષમતાને કારણે ગુજરાત દેશનું ગ્રોથ એન્જિન બન્યું છે. કનેક્ટિવિટી અને ટ્રાફિક નિવારણ અંગે કરી વાત આ પ્રસંગે મુખ્યમંત્રીએ ખાસ નોંધ્યું કે,છેલ્લા 3 વર્ષમાં માંડલ-બેચરાજી SIR માટે ₹488 કરોડના કામો પૂર્ણ થયા છે. કોકતા ફાટક પર રેલવે ઓવરબ્રિજ બનવાથી 1 લાખ નાગરિકોને ટ્રાફિકની સમસ્યાથી મુક્તિ મળશે અને ઈંધણ-સમયની બચત થશે. ભારતમાં હાઈવે નિર્માણની ગતિ 12 કિમીથી વધીને 34 કિમી પ્રતિ દિવસ થઈ છે. ગુજરાત સરકારે 'નમો શક્તિ એક્સપ્રેસ-વે' અને હાઈસ્પીડ કોરિડોર માટે ₹10,000 કરોડની ફાળવણી કરી છે. સ્થાનિક પ્રતિસાદ અને સામાજિક પહેલ જ્યારે ધારાસભ્ય હાર્દિક પટેલે મુખ્યમંત્રીનો આભાર માનતા કહ્યું કે છેલ્લા 3 વર્ષમાં વિરમગામને ₹2500 કરોડથી વધુ ના વિકાસકામો મળ્યા છે, જેનો લાભ શંખેશ્વર અને બેચરાજીના શ્રદ્ધાળુઓને પણ મળશે. કાર્યક્રમ દરમિયાન 'સુપોષિત ગુજરાત અભિયાન' અંતર્ગત આંગણવાડી કાર્યકરોને મિલેટ બાસ્કેટ એનાયત કરવામાં આવી હતી. અંતમાં, મુખ્યમંત્રીએ ઔદ્યોગિક વિકાસની સાથે 'સ્વચ્છતા'ને જીવનશૈલી બનાવવાની નાગરિકોને અપીલ કરી હતી. આ પણ વાંચોઃ Bhavnagar News : ભાવનગર અમદાવાદ નેશનલ હાઇવે પર બેફામ દોડતા ટ્રકે સગર્ભા મહિલાનો લીધો જીવ

Read Full Story arrow_forward

calendar_today January 1, 2026

Kachchh News : 38 દિવસમાં 80 હજાર જેટલા પ્રવાસીઓએ સફેદ રણનો નજારો માણ્યો

કચ્છનાં ધોરડો ખાતે શરૂ થયેલો રણોત્સવ હવે દેશ-વિદેશના પ્રવાસીઓમાં આકર્ષણનું કેન્દ્ર બન્યો છે. દર વર્ષે રણોત્સવ દરમિયાન લાખો પ્રવાસીઓ વ્હાઇટ રણનાં સૌંદર્યને માણવા માટે ઉમટી પડે છે.આ ઉપરાતં કાળો ડુંગળ, ધોળાવીરા, રોડ ટુ હેવન, માંડવી બીચ, ભુજનું સ્મૃતિવન, મ્યુઝિયમ, પ્રાગ મહેલ સહિતનાં પ્રવાસન સ્થળો તેમજ નારાયણ સરોવર, કોટેશ્વર, માતાના મઢ, સ્વામિનારાયણ મંદિર સહિતનાં યાત્રાધામોમાં પણ દર્શનનો લાભ લેતા હોય છે.જેને કારણે નાના - મોટા ધંધાર્થીઓ, હસ્તકલાનાં કારીગરો, હોટલ-રિસોર્ટ, ટ્રાન્સપોર્ટના વ્યવસાયકારોથી લઇને ગાઇડ સહિતનાઓને પ્રવાસનનાં વિકાસનો લાભ મળી રહ્યો છે. 79513 પ્રવાસીઓએ સફેદ રણનાં સૌંદર્યને માણ્યું આ વખતે કચ્છમાં વરસાદની સીઝન લાંબી ચાલી હતી જેને કારણે રણમાં પણ પાણી ભરાઇ જતાં રણોત્સવ દસથી પંદર દિવસ મોડો એટલે કે,23 નવેમ્બરથી પ્રારંભ થયા બાદ પ્રારંભિક દિવસોમાં પ્રવાસીઓની સંખ્યા ઓછી રહી હતી.પરંતુ નાતાલના વેકેશન દરમ્યાન કચ્છનાં સફેદ રણ સહિતનાં પ્રવાસન સ્થળોએ પ્રવાસીઓનો ભારે જમાવડો જોવા મળી રહ્યો છે.રણોત્સવ શરૂ થયાને આજ સુધીમાં 38 દિવસમાં 79513 પ્રવાસીઓએ સફેદ રણનાં સૌંદર્યને માણ્યું હોવાનું જાણવા મળી રહ્યું છે.ભુજનાં પ્રાંત અધિકારી ડૉ.અનિલ જાદવે જણાવ્યું હતું કે,સફેદ રણ માટે દર વર્ષની જેમ આ વર્ષે પણ તંત્ર દ્વારા પ્રવાસીઓને પરમિટ આપવામાં આવી રહી છે. દિવાળીના તહેવાર બાદ રણોત્સવનો પ્રારંભ તેમણે વધુમાં કહ્યું હતું કે, આ વખતે દિવાળીના તહેવાર બાદ રણોત્સવનો પ્રારંભ થયો હોઈ શરૂઆતમાં ઓછા પ્રવાસીઓ જોવા મળ્યા હતા.પરંતુ નાતાલનું વેકેશન શરૂ થતાંની સાથે જ રણોત્સવ માણવા માટે પ્રવાસીઓ ઉમટી પડયા હતા.રણોત્સવ પ્રારંભ થયાને આજ દિવસ સુધીમાં 79513 પ્રવાસીઓ સફેદ રણનો નજારો માણ્યો છે.જેને કારણે તંત્રને રૂ. 8847750ની આવક થવા પામી છે.જેમાં કુલ 7769 પ્રવાસીઓ ઓનલાઇન અને 3824 પ્રવાસીઓએ ઓફલાઇન મળીને કુલ 11693 પ્રવાસીઓએ પરમિટ લીધી હતી. અત્યાર સુધીમાં કુલ 79513 પ્રવાસીઓએ રણોત્સવ માણ્યો તેમાં 123 વિદેશનાં પ્રવાસીઓનો પણ સમાવેશ થતો હોવાનું તેમણે અંતમાં જણાવ્યું હતું. રણોત્સવમાં તંત્ર દ્વારા પાર્કિંગ માટે અલગ અલગ વ્યવસ્થા ધોરડોનાં સફેદ રણની નજાકતને માણવા માટે આવતા પ્રવાસીઓએ પોતાનાં વાહનો પાર્ક કરવામાં મુશ્કેલી ન થાય તે માટે તંત્ર દ્વારા ગત વર્ષની જેમ આ વખતે પણ પાંચ જેટલા પાર્કિંગની વ્યવસ્થા કરાઇ છે. અહીં ખાનગી વાહનો પાર્ક થયા બાદ પ્રવાસીઓને સફેદ રણનાં વોચ ટાવર સુધી લઇ જવા માટે વાહનની પણ વ્યવસ્થા કરવામાં આવી છે.કાઉન્ટરની પણ સંખ્યા વધારાઇ હોવાને કારણે પ્રવાસીઓને કાઉન્ટર ઉપર લાઇનો લગાડવામાંથી મુક્તિ મળી છે. રોજની ૩૫થી વધુ શૈક્ષણિક પ્રવાસ અંતર્ગત આવતી બસો હાલે સરકારી તેમજ અર્ધ સરકારી સ્કૂલ તેમજ ખાનગી સ્કૂલના બાળકો પણ કચ્છનાં પ્રવાસે આવી રહ્યા છે. હાલે દૈનિક ૩૫થી વધુ શાળાકીય પ્રવાસની બસો ધોરડો સુધી પહોંચી રહી છે, પરિણામે અત્યાર સુધીમાં ૩૫ હજારથી પણ વધુ વિદ્યાર્થીઓએ રણોત્સવની મુલાકાત લીધી છે. તો રણોત્સવમાં આ વખતે સફાઇ ઉપર પણ ખાસ ધ્યાન કેન્દ્રીત કરાયું છે. અવિરતપણે સફાઇ કરવામાં આવી રહી છે. નોંધનીય છે કે, તંત્ર દ્વારા પહેલાંથી જ સફેદ રણ અને રોડ ટુ હેવનને નો પ્લાસ્ટિક ઝોન જાહેર કરી દેવામાં આવ્યા છે. આ પણ વાંચોઃ Gujarat News: રાજ્યમાં પાંચ વર્ષમાં 6.33 લાખ રેશનકાર્ડ રદ કરાયા, જાણો હાલ કેટલા ચાલુ છે

Read Full Story arrow_forward