android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Surat News: ડાયમંડ બુર્સ સફેદ હાથી સમાન સાબિત થયું? 4 વર્ષમાં 4500માંથી માત્ર 350 ઓફિસો જ શરૂ થઈ
calendar_today October 23, 2026

Surat News: ડાયમંડ બુર્સ સફેદ હાથી સમાન સાબિત થયું? 4 વર્ષમાં 4500માંથી માત્ર 350 ઓફિસો જ શરૂ થઈ

સુરત ખાતે નિર્માણ પામેલું વિશ્વનું સૌથી મોટું બિલ્ડિંગ સુરત ડાયમંડ બુર્સ ચાર વર્ષ જેટલો લાંબો સમય વીતી જવા છતાં અપેક્ષા મુજબ પૂર્ણપણે ધમધમતું થઈ શક્યું નથી.હીરા ઉદ્યોગના વૈશ્વિક કેન્દ્ર તરીકે પ્રસ્થાપિત થવાના ઉદ્દેશ સાથે તૈયાર કરાયેલું આ પરિસર હાલમાં એક સફેદ હાથી સમાન સાબિત થઈ રહ્યું છે.આ અતિ વિશાળ અને આધુનિક સંકુલમાં આવેલી કુલ 4500 જેટલી ઓફિસો પૈકી હાલના તબક્કે માત્ર 350 જેટલી જ ઓફિસો શરૂ થઈ શકી છે.ચાર વર્ષનો લાંબો સમયગાળો વીતી ચૂક્યો હોવા છતાં વિશાળ સંખ્યામાં ઓફિસો હજુ સુધી શરૂ ન થતાં સમગ્ર સંકુલમાં વ્યાપારિક ગતિવિધિઓ સાવ મંદ પડી ગઈ છે. ગોવિંદ ધોળકિયાનો સભ્યોને પત્ર લખી સંદેશવિશ્વસ્તરીય સુવિધાઓ ધરાવતા આ પરિસરમાં હીરા વેપારીઓ સ્થળાંતર કરવામાં ધીમી ગતિ દાખવી રહ્યા હોવાથી પરિસરની સક્રિયતા સામે પ્રશ્નો ઊભા થયા છે.આ ચિંતાજનક પરિસ્થિતિ વચ્ચે પરિસરને ફરીથી ગતિશીલ અને વેગવંતુ બનાવવા માટે સુરત ડાયમંડ બુર્સના ચેરમેન ગોવિંદ ધોળકિયા આગળ આવ્યા છે.તેમણે એસડીબીના તમામ સભ્યોને મેસેજ દ્વારા એક મહત્વપૂર્ણ પત્ર પાઠવીને પરિસ્થિતિ થાળે પાડવા માટે પહેલ કરી છે.ગોવિંદ ધોળકિયાએ પોતાના આ પત્રથી સભ્યોમાં એકતા અને સહકારની ભાવના જગાડવાનો સુંદર પ્રયાસ કર્યો છે.તેમણે સભ્યોને ભાવુક અપીલ કરતાં પત્રમાં સ્પષ્ટ જણાવ્યું છે કે,એસડીબી એ આપણું પોતાનું રોકાણ છે આપણું ભાગ્ય છે.આપણું ગૌરવ છે અને આપણા સૌનું ભવિષ્ય છે.તેથી જ આ સંકુલને સફળ બનાવવાની નૈતિક જવાબદારી દરેક સભ્યની બને છે.સૌથી મોટું પરિસર ટૂંક સમયમાં સંપૂર્ણ ક્ષમતા સાથે શરૂ થશેચેરમેન ગોવિંદ ધોળકિયાએ પત્રમાં સભ્યોને સીધું આહવાન આપતાં જણાવ્યું છે કે,હવે વધુ સમય માત્ર રાહ જોવાનો નથી.પરંતુ સૌએ સાથે મળીને એકબીજાનો હાથ પકડી આગળ વધવાનો સમય આવી ગયો છે.તેમણે દરેક સભ્યને પોતાનો વ્યક્તિગત સંકલ્પ લેવા પ્રેરણા આપતાં કહ્યું કે,આપણે સૌ દૃઢ સંકલ્પ કરીએ કે બીજા વેપારી મિત્રો આવે કે ન આવે,હું મારી ઓફિસ શરૂ કરીશ.પોતાના આ નિવેદનને સાબિત કરતાં તેમણે જાહેરાત કરી કે,દિવાળી પછી મારી પોતાની ઓફિસ અહીં જ હશે. તેમણે અન્ય તમામ સભ્યોને પણ દિવાળી પછી અનિવાર્યપણે પોતાની ઓફિસો શરૂ કરવા માટે ખાસ અપીલ કરી છે.4500માંથી માત્ર 350 ઓફિસો શરૂ થતાં ઊભી થયેલી મડાગાંઠ ઉકેલવા અને બુર્સને ધમધમતું બનાવવા ચેરમેને આ અપીલ કરી છે.તેમણે વિશ્વાસ વ્યક્ત કર્યો છે કે સભ્યોના સહિયારા સંકલ્પ અને પ્રયાસોથી જ વિશ્વનું આ સૌથી મોટું પરિસર ટૂંક સમયમાં સંપૂર્ણ ક્ષમતા સાથે કાર્યરત થઈ શકશે.

Read Full Story arrow_forward
Vadodaraમાં ડ્રાય સ્ટેટની સચોટ તસવીર: પોલીસે રૂ.2.91 કરોડના વિદેશી દારૂ પર રોલર ફેરવીને જથ્થો કર્યો નાશ!
calendar_today October 23, 2026

Vadodaraમાં ડ્રાય સ્ટેટની સચોટ તસવીર: પોલીસે રૂ.2.91 કરોડના વિદેશી દારૂ પર રોલર ફેરવીને જથ્થો કર્યો નાશ!

ગુજરાતના ડ્રાય સ્ટેટ (દારૂબંધી) ની કડક અમલવારી વચ્ચે વડોદરા પોલીસ દ્વારા પ્રોહિબિશનના ગુનામાં જપ્ત કરાયેલા મુદ્દામાલ સામે લાલ આંખ કરવામાં આવી છે. વડોદરા પોલીસ દ્વારા અલગ-અલગ પોલીસ સ્ટેશનોમાં નોંધાયેલા ગુનાઓમાં પકડાયેલા વિદેશી દારૂના જથ્થા સામે મોટી કાર્યવાહી કરવામાં આવી છે. કોર્ટના સત્તાવાર આદેશને પગલે વડોદરા પોલીસે વિવિધ ૯૫ કેસમાં પકડી પાડવામાં આવેલો અંદાજે રૂ.2,91,00,000 (બે કરોડ એકાણું લાખ)ની કિંમતનો વિદેશી દારૂનો જથ્થાનો નાશ કર્યો છે.ઉચ્ચ અધિકારીઓની ઉપસ્થિતિમાં કાર્યવાહીપોલીસ સૂત્રો દ્વારા મળતી માહિતી મુજબ કાયદાકીય પ્રક્રિયા પૂર્ણ થયા બાદ નાશ કરવાની આ વિશેષ કાર્યવાહી હાથ ધરવામાં આવી હતી. વડોદરાના પોલીસ નાયબ કમિશનર (DCP) અને સબ ડિવિઝનલ મેજિસ્ટ્રેટ (SDM) સહિતના જવાબદાર ઉચ્ચ અધિકારીઓની વિશેષ ઉપસ્થિતિમાં આ વિશાળ જથ્થા પર રોલર ફેરવીને અને સુરક્ષિત રીતે તેને જમીનમાં નષ્ટ કરવામાં આવ્યો હતો. બૂટલેગરો પાસેથી જપ્ત કરાયેલો આ દારૂ ખુલ્લા પ્લોટમાં ઢગલો કરીને નષ્ટ કરવામાં આવતા પોલીસ પ્રશાસનની કામગીરી સ્પષ્ટ જોવા મળી હતી.કાયદો અને વ્યવસ્થા જાળવવા માટે પોલીસની કાર્યવાહીગુજરાતમાં દારૂબંધીના કાયદાને કડકાઈથી પાલન કરાવવા માટે વડોદરા પોલીસ દ્વારા અવારનવાર દરોડા પાડીને મોટા પ્રમાણમાં વિદેશી દારૂ પકડવામાં આવે છે. અદાલતના આદેશો અનુસાર સમયાંતરે આ પ્રકારે મુદામાલનો નાશ કરવાની પ્રક્રિયા હાથ ધરવામાં આવતી હોય છે, જેથી જપ્ત થયેલા જથ્થાનો ગેરકાયદેસર દુરુપયોગ અટકી શકે. પોલીસની આ કડક કાર્યવાહીથી બૂટલેગરોમાં ભારે ફફડાટ વ્યાપી ગયો છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Ahmedabad: ગુજરાતમાં આગામી 7 દિવસ વાતાવરણ સૂકું રહેશે અને ગરમી વધશે; બંગાળની ખાડીના લો પ્રેશરની પર અસર નહીં
calendar_today October 23, 2026

Ahmedabad: ગુજરાતમાં આગામી 7 દિવસ વાતાવરણ સૂકું રહેશે અને ગરમી વધશે; બંગાળની ખાડીના લો પ્રેશરની પર અસર નહીં

ગુજરાતમાં ઋતુચક્ર બદલાતાંની સાથે જ તાપમાનમાં મોટો ઉતાર-ચઢાવ જોવા મળી રહ્યો છે. હવામાન વિભાગ (IMD) દ્વારા કરવામાં આવેલી તાજી આગાહી મુજબ, રાજ્યમાં આગામી દિવસોમાં ગરમીનું જોર વધવાની પૂરી શક્યતા છે. ખાસ કરીને સૌરાષ્ટ્ર પંથકના રાજકોટ અને પોરબંદરમાં મહત્તમ તાપમાન ઊંચકાતાં ગરમીનો પારો ૩૯ ડિગ્રી સેલ્સિયસની આસપાસ પહોંચી ગયો છે. ઉત્તર અને ઉત્તર-પૂર્વ દિશામાંથી ફૂંકાઈ રહેલા સૂકા પવનોના કારણે વાતાવરણમાં ભેજનું પ્રમાણ ઘટ્યું છે, જેના પગલે આગામી સપ્તાહ દરમિયાન રાજ્યભરમાં વાતાવરણ સંપૂર્ણપણે સૂકું રહેશે.રાજકોટ અને પોરબંદરમાં સૌથી વધુ ગરમીહવામાન વિભાગના તાજા આંકડા અનુસારરાજ્યમાં હાલ દિવસ દરમિયાન કાળઝાળ તડકો અને રાત્રિના સમયે સામાન્ય ઠંડક એમ બેવડી ઋતુનો અનુભવ થઈ રહ્યો છે.સૌરાષ્ટ્રના દરિયાકાંઠાના પોરબંદર તેમજ રંગીલા રાજકોટ શહેરમાં મહત્તમ તાપમાન સામાન્ય કરતાં ઊંચું નોંધાયું છે, જ્યાં પારો ૩૯ ડિગ્રી સેલ્સિયસ સુધી પહોંચતાં બપોરના સમયે લૂ જેવા ગરમ પવનોનો અહેસાસ થઈ રહ્યો છે.આગામી 2 થી 3 દિવસ દરમિયાન મહત્તમ તાપમાનમાં હજુ પણ સામાન્ય વધારો થવાની સંભાવના વ્યક્ત કરવામાં આવી છે.બંગાળની ખાડીમાં લો પ્રેશર સક્રિયબંગાળની ખાડીમાં હાલ એક લો પ્રેશર (હવાનું હળવું દબાણ) સક્રિય થયું છે, જેના કારણે દક્ષિણ અને પૂર્વીય ભારતના રાજ્યોમાં વાદળછાયું વાતાવરણ અને વરસાદી માહોલ સર્જાયો છે.જોકે, હવામાન વિભાગે સ્પષ્ટતા કરી છે કે આ લો પ્રેશર સિસ્ટમની ગુજરાત પર કોઈ સીધી કે આડકતરી અસર થવાની નથી.ગુજરાતમાં આગામી 7 દિવસ સુધી વરસાદની કોઈ જ સંભાવના નથી અને સમગ્ર રાજ્યમાં હવામાન સંપૂર્ણપણે સૂકું રહેશે.ઉત્તર-પૂર્વના ગરમ અને સૂકા પવનો સીધા ફૂંકાતા હોવાથી બપોરના ગાળામાં હજુ થોડા દિવસો સુધી આકરા તાપનો સામનો કરવો પડશે.આ પણ વાંચો: Gandhinagar: ગુજરાત સરકારે લીધો ક્રાંતિકારી નિર્ણય; હોસ્પિટલોની ગુણવત્તા સુધારવા ઉતારી 24 સભ્યોની સુપર કમિટી

Read Full Story arrow_forward