Surat: લસકાણા રોડ પર ટ્રાફિકના નિયમોના ધજાગરા, BRTS રૂટમાં કારો ઘૂસી જતાં એમ્બ્યુલન્સ અટવાઈ
ડાયમંડ સિટી સુરતમાં ટ્રાફિકની સમસ્યા નવી નથી, પરંતુ કેટલાક બેજવાબદાર વાહનચાલકોની જીદ હવે લોકોના જીવ પર જોખમ ઉભું કરી રહી છે. સુરતના લસકાણા રોડ પર પ્રતિબંધિત BRTS રૂટમાં કાર ચાલકો ઘૂસી જતાં ગંભીર દર્દી સાથેની એમ્બ્યુલન્સ અને બસ અટવાઈ હોવાના દ્રશ્યો સામે આવ્યા છે.પ્રતિબંધિત રૂટમાં કાર ચાલકોનો ત્રાસલસકાણા રોડ પર આવેલા BRTS ટ્રેક માત્ર બસ અને ઈમરજન્સી સેવાઓ માટે ફાળવવામાં આવ્યા છે. તેમ છતાં, ટ્રાફિકથી બચવા માટે અનેક કાર ચાલકો રોંગ સાઈડમાં આ પ્રતિબંધિત રૂટમાં ઘૂસી જાય છે. આજે પણ આવી જ એક સ્થિતિ સર્જાઈ હતી, જેમાં એક પછી એક અનેક કારો રોંગ સાઈડમાં ઘૂસી આવતા BRTS રૂટ બ્લોક થઈ ગયો હતો.જીવન-મરણ વચ્ચે ઝોલા ખાતા દર્દીની એમ્બ્યુલન્સ ફસાઈઆ બેજવાબદારીને કારણે ત્યારે ગંભીર સ્થિતિ સર્જાઈ જ્યારે એક એમ્બ્યુલન્સ, જેમાં ગંભીર હાલતમાં દર્દી હતો, તે આ રૂટ પર ફસાઈ ગઈ હતી. સામેથી આવી રહેલી કારોને કારણે એમ્બ્યુલન્સ આગળ વધી શકી નહોતી. અંતે, એમ્બ્યુલન્સમાં સાયરન વાગતા અને સ્થિતિની ગંભીરતા જોતા, કાર ચાલકોને પોતપોતાની ગાડીઓ રિવર્સ લેવાની ફરજ પડી હતી. આ દરમિયાન કિંમતી સમયનો બગાડ થયો હતો, જે દર્દી માટે ઘાતક સાબિત થઈ શકતો હતો.આ પણ વાંચો:ગણેશ જાડેજાના જન્મદિવસે રાજુ સોલંકીની હાજરી, તોડબાજ ગેંગને આપ્યો જડબાતોડ જવાબ
Read Full Story arrow_forward
