Community News & Updates

Stay informed with the latest happenings, achievements, and announcements from our community.

All News

calendar_today January 2, 2026

Bhavnagar News : બગદાણા કેસમાં ગરમાયું રાજકારણ, વિવાદમાં ભાજપ-ઠાકોર સેનાના આગેવાનો જોડાયા

બગદાણામાં નવનીતને માર મારવાની ઘટનાએ હવે રાજકીય અને સામાજિક વળાંક લીધો છે. આ વિવાદમાં ભાજપ અને ઠાકોર સેનાના આગેવાનો સામસામે આવી ગયા છે. સોશિયલ મીડિયા પર 'ઠાકોર-કોળી ભાઈ-ભાઈ' ના સંદેશા વહેતા થયા છે, જે સામાજિક એકતા સાથે ન્યાયની માંગ મજબૂત કરી રહ્યા છે. ઠાકોર સેનાના આગેવાન ચેતન ઠાકોરે આકરા પ્રહારો કરતા જણાવ્યું હતું કે, કાયદો સૌ માટે સમાન હોવો જોઈએ. કોઈ કલાકાર હોય એટલે તેને કાયદો હાથમાં લેવાનો અધિકાર મળી જતો નથી. તેમણે માંગ કરી છે કે જેમ અન્ય ગુનેગારોનો જાહેરમાં વરઘોડો કાઢવામાં આવે છે, તેમ આ કેસના આરોપીઓ સામે પણ કડક કાર્યવાહી થવી જોઈએ.ભાજપ પ્રદેશ પ્રવક્તાનું નિવેદન બીજી તરફ, આ મુદ્દે ગુજરાત ભાજપે પણ પોતાનું મૌન તોડ્યું છે. ભાજપ પ્રદેશ પ્રવક્તા અનિલ પટેલે જણાવ્યું કે મુખ્યમંત્રીના નેતૃત્વમાં સરકાર નિષ્પક્ષ રીતે કામ કરી રહી છે. તેમણે સ્પષ્ટ કર્યું કે ગુનો કરનાર કોઈપણ હોય, તેને છોડવામાં આવશે નહીં. અનિલ પટેલે કોંગ્રેસ પર પ્રહાર કરતા કહ્યું કે વિરોધ પક્ષ માત્ર આક્ષેપોની રાજનીતિ કરી રહ્યો છે. બગદાણાની આ ઘટનામાં બંને પક્ષે FIR નોંધાઈ ચૂકી છે અને પોલીસ પોતાની રીતે તપાસ કરી રહી છે. સરકાર 'ઓન્લી પ્રોસિક્યુશન' ના મંત્ર સાથે આગળ વધી રહી છે અને જે કોઈ પણ દોષિત જણાશે તેને સખત સજા કરવામાં આવશે. આરોપીઓ સામે દાખલારૂપ કાર્યવાહીની માગ હાલમાં આ કેસમાં સામાજિક ન્યાય અને કાયદાકીય સમાનતાની ચર્ચાએ જોર પકડ્યું છે. ચેતન ઠાકોરે ભાર પૂર્વક કહ્યું છે કે ન્યાયતંત્રએ વ્યક્તિનું નામ, દમ કે તેની ઓળખ જોઈને નિર્ણય ન લેવો જોઈએ. 'કલાકાર' નું લેબલ લગાવીને કોઈને છૂટછાટ આપવી તે સામાન્ય જનતા સાથે અન્યાય છે. લોકોમાં એવી અપેક્ષા જાગી છે કે પોલીસ કોઈપણ દબાણ વગર તપાસ કરે. આ ઘટનાને પગલે સમગ્ર પંથકમાં અને સોશિયલ મીડિયામાં પણ આરોપીઓ સામે દાખલારૂપ કાર્યવાહી કરવાની માંગણી ઉગ્ર બની છે, જેથી ભવિષ્યમાં કોઈ સેલિબ્રિટી કે વગદાર વ્યક્તિ કાયદાનો ભંગ કરતા ડરે. આ પણ વાંચો : Ahmedabad માં ટ્રાફિક પોલીસ એક્શનમાં, ગુજરાત હાઇકોર્ટ બહાર હેલ્મેટ ડ્રાઇવ, સરકારી બાબુઓ પણ નિશાના પર...

Read Full Story arrow_forward

calendar_today January 2, 2026

Gold Silver Price Today: ચાંદીએ પકડી રફતાર, સોનામાં પણ તેજી, જાણો 2 જાન્યુઆરીના લેટેસ્ટ રેટ

દેશના વાયદા બજારમાં 2026ના બીજા દિવસે નોંધપાત્ર ઉછાળો જોવા મળ્યો. ચાંદી અને સોનાના ભાવ આસમાને પહોંચ્યા છે. નિષ્ણાંતો માને છે કે સ્પોટ ગોલ્ડની માંગમાં વધારો અને ડોલર ઇન્ડેક્સમાં ઘટાડો બંને ધાતુઓને ટેકો આપી રહ્યો છે. આજે ચાંદીનો ભાવદેશના વાયદા બજાર મલ્ટી કોમોડિટી એક્સચેન્જ પર ટ્રેડિંગ સેશન દરમિયાન ચાંદીના ભાવમાં લગભગ ₹7,600નો વધારો થયો. જે ઇન્ટ્રાડે ₹2,43,443ની ઊંચી સપાટીએ પહોંચ્યો. આજે ચાંદી ₹239,041 પર ખુલી હતી અને આગલા દિવસે ₹235,873 પર બંધ થઈ હતી. સવારે 10 વાગ્યે, ચાંદીના ભાવ ₹6,253 વધીને ₹242,126 પર ટ્રેડ થઈ રહ્યા હતા. વિદેશી બજારોમાં, યુએસમાં ચાંદીના વાયદા 3.47 ટકા વધીને $73.05 પ્રતિ ઔંસ પર ટ્રેડ થઈ રહ્યા છે, અને ચાંદીના હાજર ભાવ 2.50 ટકા વધીને $73.4346 પ્રતિ ઔંસ પર ટ્રેડ થઈ રહ્યા છે. યુકેમાં ચાંદી 2.33 ટકા વધીને 54.4828 પાઉન્ડ પ્રતિ ઔંસ પર ટ્રેડ થઈ રહી છે, અને યુરોપમાં 2.36 ટકા વધીને 62.4495 યુરો પ્રતિ ઔંસ પર ટ્રેડ થઈ રહી છે. સોનાના ભાવમાં પણ વધારો બીજી તરફ મલ્ટી કોમોડિટી એક્સચેન્જ પર સોનાના ભાવ ટ્રેડિંગ સત્ર દરમિયાન આશરે ₹1,200 પ્રતિ 10 ગ્રામ વધીને ₹1,36,999 પ્રતિ 10 ગ્રામની ઇન્ટ્રાડે ઊંચી સપાટીએ પહોંચ્યા છે. સવારે 10.05 વાગ્યે, સોનાના ભાવ 10 ગ્રામ દીઠ ₹1,36,627 પર ટ્રેડ થઈ રહ્યા હતા, જે ₹823 વધીને ₹1,36,999 પર ટ્રેડ થઈ રહ્યા હતા.આજે સોનું દિવસના અંતે ₹136999ની ઊંચી સપાટીએ ખુલ્યું હતું, જે એક દિવસ પહેલા ₹1,35,804 પર બંધ થયુ હતું.મોટા શહેરોમાં સોના ચાંદીનો ભાવ (ગુડ રિટર્ન્સ અનુસાર)શહેર 24 કેરેટ પ્રતિ 10ગ્રામ 22 કેરેટ પ્રતિ 10 ગ્રામઅમદાવાદ 1,36,250 ₹124,900બેંગ્લોર ₹1,36,620 ₹1,24,850ચેન્નાઇ  ₹1,37,240 ₹125,800મુંબઇ  ₹1,36,200 ₹124,850દિલ્હી ₹1,36,350 ₹125,000કોલકાતા  ₹1,36,200 ₹124,850વડોદરા  ₹1,36,250 ₹124,900મિસ્ડ કોલથી જાણો સોનાની હાલની કિંમત22 કેરેટ અને 18 કેરેટ સોનાના દાગીનાના રીટેલ દર જાણવા માટે, તમે 8955664433 પર મિસ્ડ કોલ કરી શકો છો. થોડા સમયમાં તમને SMS દ્વારા તાજેતરના દર મળવાની વ્યવસ્થા છે. સતત અપડેટ્સ અને વધુ માહિતી માટે, તમે IBJA વેબસાઇટ અથવા IBJA Rates પ્લેટફોર્મ પર મુલાકાત લઈ શકો છો. આ પણ વાંચો- Venus And Sun Yuti: 14 જાન્યુઆરીથી 3 રાશિનું ચમકશે નસીબ, શુક્રાદિત્ય રાજયોગ અપાવશે અણધારી સફળતા

Read Full Story arrow_forward

calendar_today January 2, 2026

Share Price Hike: Pizza hut અને KFC ચલાવનારી કંપીઓ મર્જ થવાની જાહેરાત, આ કંપનીના શેરમાં ઉછાળો

KFC અને પિઝા હટના સંચાલક સેફાયર ફૂડ્સ ઇન્ડિયા લિમિટેડ, દેવયાની ઇન્ટરનેશનલ લિમિટેડ સાથે મર્જ થવાની તૈયારીમાં છે. પિઝા-બર્ગરની દુનિયામાં આ સૌથી મોટું મર્જર માનવામાં આવી રહ્યું છે. મીડિયા રિપોર્ટ્સ અનુસાર, આ સોદો એવા સમયે થયો છે જ્યારે ભારતમાં ફાસ્ટ-ફૂડ ફ્રેન્ચાઇઝી ઘટી રહેલા વેચાણ અને માર્જિન દબાણનો સામનો કરી રહી છે. વધતા જતા ફુગાવાને કારણે ગ્રાહકો બહાર જમવાને બદલે ઘરે ખોરાક મંગાવવા માટે મજબૂર થઈ રહ્યા છે. કરોડોનો નફો થવાની અપેક્ષા આ સોદા હેઠળ દેવયાની સેફાયરના દરેક 100 શેર માટે 177 શેર જાહેર કરશે અને સંયુક્ત સાહસના બીજા સંપૂર્ણ વર્ષ દરમિયાન વાર્ષિક ₹210 કરોડથી ₹225 કરોડનો નફો થવાની અપેક્ષા રાખે છે. આ સોદા હેઠળ ગ્રુપ કંપની આર્કટિક ઇન્ટરનેશનલ હાલના પ્રમોટર્સ પાસેથી સેફાયર ફૂડ્સની પેઇડ-અપ ઇક્વિટીનો આશરે 18.5 ટકા હિસ્સો હસ્તગત કરશે જેમાં પરસ્પર સંમતિથી નાણાકીય રોકાણકારને હિસ્સો વેચવાનો વિકલ્પ હશે. હજી 15 મહિનાનો લાગશે સમય પ્રસ્તાવિત મર્જરને હજુ સુધી સ્ટોક એક્સચેન્જ, કોમ્પિટિશન કમિશન ઓફ ઇન્ડિયા, નેશનલ કંપની લો ટ્રિબ્યુનલ અને બંને કંપનીઓના શેરધારકો અને લેણદારો સહિત તમામ નિયમનકારી અને વૈધાનિક મંજૂરીઓ મળી નથી. આ મંજૂરીઓ મેળવવાની પ્રક્રિયામાં આશરે 12 થી 15 મહિનાનો સમય લાગવાની ધારણા છે, ત્યારબાદ મર્જર અસરકારક બનશે. યમ બ્રાન્ડ્સની ભાગીદાર કંપનીઓ ભારત અને વિદેશમાં 3,000 થી વધુ આઉટલેટ્સ ચલાવે છે, જેમાં KFC અને પિઝા હટ ડાઇન-ઇન રેસ્ટોરન્ટનો સમાવેશ થાય છે. આ કંપનીઓ મુખ્યત્વે વેસ્ટલાઇફ ફૂડવર્લ્ડ અને જ્યુબિલન્ટ ફૂડવર્ક્સ સાથે સ્પર્ધા કરે છે, જે મેકડોનાલ્ડ્સ અને ડોમિનોઝ પિઝા ચેઇનના ભારતીય ઓપરેટરો છે. ક્વિક-સર્વિસ રેસ્ટોરન્ટમાંથી એક બનશે કંપની દ્વારા સ્ટોક એક્સચેન્જમાં ફાઇલ કરાયેલા દસ્તાવેજ અનુસાર વ્યવહાર પૂર્ણ થયા પછી દેવયાની ઇન્ટરનેશનલ બંને કંપનીઓના સંચાલનને જોડીને ભારતના સૌથી મોટા ક્વિક-સર્વિસ રેસ્ટોરન્ટ (QSR) ઓપરેટરોમાંનું એક બનશે. દેવયાની ઇન્ટરનેશનલ લિમિટેડના નોન-એક્ઝિક્યુટિવ ચેરમેન રવિ જયપુરિયાએ જણાવ્યું હતું કે દેવયાની ઇન્ટરનેશનલ લિમિટેડ અને સેફાયર ફૂડ્સ ઇન્ડિયા લિમિટેડનું મર્જર એક મહત્વપૂર્ણ સીમાચિહ્નરૂપ છે અને અમારી વૃદ્ધિ યાત્રામાં એક નિર્ણાયક પગલું છે. DIL એ ભારતીય બજારમાં KFC અને પિઝા હટ બ્રાન્ડ્સ માટે ફ્રેન્ચાઇઝ અધિકારો પ્રાપ્ત કર્યા છે. આ મર્જર શ્રીલંકામાં અમારી મજબૂત આંતરરાષ્ટ્રીય હાજરીમાં પણ વધારો કરે છે, જે અમારા હાલની વિદેશી કામગીરીને વધુ મજબૂત બનાવે છે. કંપનીના શેરમાં ઉછાળો આ જાહેરાત બાદ દેવયાની ઇન્ટરનેશનલના શેરમાં તીવ્ર વધારો જોવા મળ્યો જે લગભગ 8 ટકા વધ્યો છે. BSE ડેટા અનુસાર ટ્રેડિંગ સત્ર દરમિયાન દેવયાની ઇન્ટરનેશનલના શેર લગભગ 8 ટકા વધીને ₹159.45 પર પહોંચ્યા. તેઓ સવારે ₹156.90 પર ખુલ્યા હતા. સવારે 10:55 વાગ્યે, કંપનીના શેર ₹150.45 પર ટ્રેડ થઈ રહ્યા હતા, જે લગભગ 1.5 ટકા વધીને છે.

Read Full Story arrow_forward