android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Bayad : મોડાસામાં મોડિફાઇડ સાઇલેન્સર લગાવી ફરતાં 8 બુલેટચાલકો વિરુદ્ધ કાર્યવાહી
calendar_today October 21, 2026

Bayad : મોડાસામાં મોડિફાઇડ સાઇલેન્સર લગાવી ફરતાં 8 બુલેટચાલકો વિરુદ્ધ કાર્યવાહી

અરવલ્લી જીલ્લામાં ઉપરાંત જિલ્લા મથક મોડાસા શહેરમાં મોડિફાઇડ સાઇલેન્સર લગાવી ફુલ સ્પીડથી બુલેટ હંકારી કાનના પરદા ફાડી નાંખે તેવા ચિત્ર વિચિત્ર અવાજો કરી શહેરીજનોમાં આતંક મચાવતા ધૂમ સ્ટાઇલ બાઇક ચાલકોનો ત્રાસ વધી ગયો છે. ત્યારે મોડાસા શહેરમાં મોડિફાઇડ સાઇલેન્સરો લગાવીને વધુ પડતો અવાજ કરતા બુલેટ બાઈકના ચાલકો વિરૂદ્વ કડક કાર્યવાહી કરવામાં આવી છે. ટાઉન પોલીસે નવરાત્રિમાં પેટ્રોલિંગ દરમિયાન આવી 8 બુલેટો ડિટેઇન કરી તેના ચાલકો સામે કાર્યવાહી હાથ ધરી છે. હાલમાં ચાલી રહેલા નવરાત્રિ મહોત્સવને ધ્યાને લઇને જિલ્લા પોલીસ દ્વારા નાઇટ પોલીસ પેટ્રોલિંગ સઘન બનાવવામાં આવ્યું છે. ત્યારે મોડાસા ટાઉન પોલીસની ટીમ નવરાત્રિ બંદોબસ્ત માટે પેટ્રોલિંગમાં તૈનાત હતી. તે વેળાએ મોડિફાઇડ સાઇલેન્સર લગાવીને શહેરમાં અશાંતિ ફેલાવતા અને મોટા અવાજ ઘોંઘાટ કરતી 8 બુલેટ બાઈકો મળી આવી હતી. પોલીસે આ તમામ વાહનોને ડીટેઈન કરી તેના ચાલકો વિરૂદ્ધ મોટર વાહન અધિનિયમ હેઠળ કાયદેસરની કાર્યવાહી હાથ ધરી છે. કોઈ પણ નાગરિક પોતાના વાહનોમાં મોડિફાઇડ સાઇલેન્સર ન લગાવે અને ટ્રાફ્કિના નિયમોનું ચુસ્તપણે પાલન કરે તે માટે મોડાસા ટાઉન પોલીસ દ્વારા વાહનચાલકોને અપીલ કરવામાં આવી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Gandhingar : ઇન્ફોસિટી સ્કૂલGH-0 યુનિટમાં નવરાત્રિ મહોત્સવ ઉજવાયો
calendar_today October 21, 2026

Gandhingar : ઇન્ફોસિટી સ્કૂલGH-0 યુનિટમાં નવરાત્રિ મહોત્સવ ઉજવાયો

ઇન્ફોસિટી સ્કૂલ એન્ડ જુનિયર સાયન્સ કોલેજ,GH-0 યુનિટ ખાતે ભારતીય સંસ્કૃતિ, પરંપરા અને માતૃશક્તિની આરાધનાના પર્વ નવરાત્રિની ઉત્સાહભેર અને ભવ્ય ઉજવણી કરવામાં આવી હતી. આ કાર્યક્રમનો મુખ્ય ઉદ્દેશ વિદ્યાર્થીઓમાં ભારતીય સંસ્કૃતિ અને પરંપરાઓ પ્રત્યે આદરની ભાવના કેળવવા સાથે સામૂહિક એકતા, આનંદ અને સાંસ્કૃતિક મૂલ્યોનું જતન કરવાનો હતો. કાર્યક્રમ દરમિયાન વિદ્યાર્થીઓએ પરંપરાગત વસ્ત્ર્રો પહેરીને ગરબા અને રાસની રમઝટ બોલાવી હતી. રંગબેરંગી પરિધાન, તાલબદ્ધ ગરબા અને ઉત્સાહપૂર્ણ ભાગીદારીએ સમગ્ર વાતાવરણને ભક્તિમય અને આનંદમય બનાવી દીધું હતું.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Gandhinagar : રામપુરા પ્રા. શાળા વિજ્ઞાન પ્રદર્શનમાં વિભાગ-1માં પ્રથમ
calendar_today October 21, 2026

Gandhinagar : રામપુરા પ્રા. શાળા વિજ્ઞાન પ્રદર્શનમાં વિભાગ-1માં પ્રથમ

સી.આર. સી. કક્ષાના ગણિત વિજ્ઞાન પ્રદર્શનમા રામપુરા પ્રાથમિક શાળાના આચાર્ય નિલેશભાઈ પ્રજાપતિના માર્ગદર્શન હેઠળ ધો 7 ના વિદ્યાર્થીઓ અક્ષત દરજી અને માનવ ભાટાએ વિભાગ-1માં રજૂ કરેલ કૃત્રિમ બુદ્ધિમત્તા આધારિત AI ટેક્નોલોજી કૃતિને નિર્ણાયકોએ પ્રથમ નંબર આપ્યો હતો. જે તાલુકા કક્ષાના ગણિત વિજ્ઞાન પ્રદર્શનમા ભાગ લેશે. બાળ વૈજ્ઞાનિકોએ સૌને સમજાવ્યું હતું કે આપણા જીવનના શિક્ષણ, આરોગ્ય, ખેતી, ઉદ્યોગ, વ્યવસાય અને રોજિંદા જીવનમાં AI સમય અને મહેનત બચાવીને વધુ કાર્યક્ષમતા લાવવામાં મદદ કરે છે. તાલુકા પ્રાથમિક શિક્ષણાધિકારીએ કૃતિનું નિરીક્ષણ કરી બાળકો અને માર્ગદર્શક શિક્ષકને અભિનંદન આપ્યા હતા.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward